തൃശൂർ: അപകടത്തിൽപ്പെട്ട കൊവിഡ് രോഗിയെ തൃശൂർ മെഡിക്കൽ കോളേജ് അധികൃതർ അവഗണിച്ചുവെന്ന് പരാതി. വാരിയെല്ലിനും കാലിനും പൊട്ടലുള്ള രോഗിയെ അഡ്മിറ്റാക്കാതെ രണ്ട് മണിക്കൂറോളം നേരം ആംബുലൻസിൽ കിടത്തി. വേലൂപ്പാടം സ്വദേശി ജോസിനാണ് അവഗണന നേരിട്ടത്. സംഭവം വാർത്തയായതോടെ രോഗിയെ ഐസിയുവിലേക്ക് മാറ്റി.
വൈകീട്ട് നാലേമുക്കാലോടെയാണ് ഇരിങ്ങാലക്കുടയിലെ സ്വകാര്യ ആശുപത്രിയിൽ നിന്നും ജോസുമായി ആംബുലൻസ് തൃശൂർ മെഡിക്കൽ കോളേജിൽ എത്തിയത്. ഡോക്ടർമാർ എത്തി രേഖകൾ പരിശോധിച്ച ശേഷം മുൻകൂട്ടി അറിയിച്ചിട്ടാണോ രോഗിയുമായി എത്തിയതെന്ന് ആംബുലൻസിലുണ്ടായിരുന്ന നഴ്സിനോടും രോഗിയുടെ ബന്ധുവിനോടും ചോദിച്ചു. പിആർഒയെ അറിയിച്ചിരുന്നുവെന്ന് ഇവർ മറുപടി നൽകിയെങ്കിലും രോഗിയെ അഡ്മിറ്റ് ചെയ്യാൻ അധികൃതർ തയ്യാറായില്ലെന്നാണ് ആരോപണം.
എന്തിനാണ് ഇങ്ങോട്ട് വന്നതെന്നു ആശുപത്രി അധികൃതർ ചോദിച്ചുവെന്ന് രോഗിക്കൊപ്പമുണ്ടായിരുന്ന ബന്ധു പറഞ്ഞു. അഞ്ചരയ്ക്ക് ആശുപത്രിയിൽ എത്തിയതാണ്. ഇതുവരെ അവർ തിരിഞ്ഞുനോക്കിയിട്ടില്ല. ഒരു ഡോക്ടർ വന്ന് എക്സറേ നോക്കിയിട്ട് ക്ലിയർ അല്ലല്ലോ എന്ന് ചോദിച്ചുവെന്നും അദ്ദേഹം പറഞ്ഞു. അതേസമയം സംഭവം വാർത്തയായതോടെ ആശുപത്രി അധികൃതർ ഇടപെട്ട് രോഗിയെ ഐസിയുവിലേക്ക് മാറ്റി.
തൃശൂ‍ര്‍ ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം
വൈകീട്ട് നാലേമുക്കാലോടെയാണ് ഇരിങ്ങാലക്കുടയിലെ സ്വകാര്യ ആശുപത്രിയിൽ നിന്നും ജോസുമായി ആംബുലൻസ് തൃശൂർ മെഡിക്കൽ കോളേജിൽ എത്തിയത്. ഡോക്ടർമാർ എത്തി രേഖകൾ പരിശോധിച്ച ശേഷം മുൻകൂട്ടി അറിയിച്ചിട്ടാണോ രോഗിയുമായി എത്തിയതെന്ന് ആംബുലൻസിലുണ്ടായിരുന്ന നഴ്സിനോടും രോഗിയുടെ ബന്ധുവിനോടും ചോദിച്ചു. പിആർഒയെ അറിയിച്ചിരുന്നുവെന്ന് ഇവർ മറുപടി നൽകിയെങ്കിലും രോഗിയെ അഡ്മിറ്റ് ചെയ്യാൻ അധികൃതർ തയ്യാറായില്ലെന്നാണ് ആരോപണം.
എന്തിനാണ് ഇങ്ങോട്ട് വന്നതെന്നു ആശുപത്രി അധികൃതർ ചോദിച്ചുവെന്ന് രോഗിക്കൊപ്പമുണ്ടായിരുന്ന ബന്ധു പറഞ്ഞു. അഞ്ചരയ്ക്ക് ആശുപത്രിയിൽ എത്തിയതാണ്. ഇതുവരെ അവർ തിരിഞ്ഞുനോക്കിയിട്ടില്ല. ഒരു ഡോക്ടർ വന്ന് എക്സറേ നോക്കിയിട്ട് ക്ലിയർ അല്ലല്ലോ എന്ന് ചോദിച്ചുവെന്നും അദ്ദേഹം പറഞ്ഞു. അതേസമയം സംഭവം വാർത്തയായതോടെ ആശുപത്രി അധികൃതർ ഇടപെട്ട് രോഗിയെ ഐസിയുവിലേക്ക് മാറ്റി.
തൃശൂ‍ര്‍ ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം