ബെംഗളൂരുവിൽ നിന്ന് എംഡിഎംഎ എത്തിച്ച് വിദ്യാര്‍ഥികളിലേക്ക്; തൃപ്രയാറിൽ എൻജിനീയറിങ് വിദ്യാർഥി പിടിയിൽ, വീഡിയോ കാണാം

തൃശൂർ (Thrissur): മാരക മയക്കുമരുന്നായ എംഡിഎംഎയുമായി എഞ്ചിനീയറിങ് വിദ്യാർഥി പിടിയിലായി. തൃശൂർ പഴുവിൽ സ്വദേശി മുഹമ്മദ് ഷെഹിൻ ഷാ ആണ് പിടിയിലായത്. ജില്ലാ ലഹരി വിരുദ്ധ സ്‌ക്വാഡും ഇരിങ്ങാലക്കുട ക്രൈം സ്‌ക്വാഡും ചേർന്നാണ് പ്രതിയെ പിടികൂടിയത്. തൃപ്രയാർ കിഴക്കേനടയിൽ വെച്ചാണ് ബൈക്കിലെത്തിയ ഇയാൾ അറസ്റ്റിലായത്. തൃശ്ശൂര്‍ മെഡിക്കല്‍ കോളേജ് ഹൗസ് സര്‍ജൻ എംഡിഎംഎയുമായി പിടിയിൽ

രഹസ്യ വിവരത്തെ തുടർന്ന് പോലീസ് നടത്തിയ തെരച്ചിലിലാണ് പ്രതി പിടിയിലായത്. 33 ഗ്രാം എംഡിഎംഎ ഇയാളിൽ നിന്നും കണ്ടെടുത്തു. പിടികൂടിയ മയക്കുമരുന്നിന് ഏകദേശം രണ്ട് ലക്ഷത്തോളം രൂപ വിലവരും. പ്രതിയുടെ ഉപഭോക്താക്കളിൽ ഏറെയും വിദ്യാർഥികളാണ്. കെമിക്കൽ എഞ്ചിനീയറിങ് വിദ്യാർഥിയായ പ്രതി ഇതിന് മുൻപ് ലഹരിമരുന്ന് കൊണ്ടുവന്ന് വിൽപ്പന നടത്തിയിരുന്നതായി പോലീസ് പറഞ്ഞു.

പെൺകുട്ടിയെ കൊൽക്കത്തയിലേക്ക് കടത്താൻ ശ്രമം, ബം​ഗാൾ യുതി പിടിയിൽ, സംഭവം തൃശൂരിൽ, വീഡിയോ കാണാം

ദിവസങ്ങളായി പ്രതിയെ നിരീക്ഷിച്ചു വന്നിരുന്ന പോലീസ് ബൈക്കിലെത്തിയ ഇയാളെ പിന്തുടർന്ന് പിടികൂടുകയായിരുന്നു. ബെംഗളൂരുവിൽ നിന്നുമാണ് ഇയാൾ മയക്കുമരുന്ന് എത്തിച്ചിരുന്നത്. ഇയാൾക്ക് മയക്കുമരുന്ന് എത്തിച്ച ആളുകളെ കുറിച്ചും ഇയാളിൽ നിന്നും മയക്കുമരുന്ന് വാങ്ങുന്നവരെ കുറിച്ചും കൂടുതൽ അന്വേഷണം നടത്തുമെന്ന് പോലീസ് അറിയിച്ചു.

തൃശൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ


തൃശൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂTopic: Thrissur News, MDMA Arrest in Thrissur, Thrissur Drug Seized