തൃശൂർ : നഗരസഭാ ഓഫീസുകളില്‍ നിന്ന് നേരിട്ട ദുരവസ്ഥയ്‌ക്കെതിരെ ഗര്‍ഭിണിയായ യുവതി മത്സര രംഗത്ത്. ഇരിങ്ങാലക്കുട നഗരസഭ 25-ാം വാര്‍ഡിലാണ് ഗർഭിണിയായ യുവതി മത്സരിക്കുന്നത്.
ള്ളുത്തേടത്ത് വീട്ടില്‍ മിഥുന്‍ ശങ്കറിന്റെ ഭാര്യ വസുന്ധരയാണ് ഗർഭത്തിന്റെ ആലസ്യങ്ങൾക്ക് അവധി കൊടുത്തു മത്സരരംഗത്ത് സജീവമായിരിക്കുന്നത്. 6 മാസം ഗര്‍ഭിണിയാണ് വസുന്ധര.
വസുന്ധര മാത്രമല്ല ഭർത്താവ് മിഥുനും മത്സരിക്കുന്നുണ്ട്. മിഥുന്‍ നഗരസഭാ ഓഫീസ് സ്ഥിതിചെയ്യുന്ന വാര്‍ഡായ 22-ാം വാര്‍ഡിലാണ് മത്സരിക്കുന്നത്. വിവിധ ആവശ്യങ്ങള്‍ക്കായി നഗരസഭാ ഓഫീസുകളിലും മറ്റും കയറി ഇറങ്ങേണ്ടി വന്ന ദുരവസ്ഥയും നഗരത്തിലെ റോഡുകളുടെയും മറ്റും ശോചനീയവസ്ഥയുമാണ് ഇരുവരെയും തെരഞ്ഞെടുപ്പില്‍ മത്സരിക്കാന്‍ പ്രേരിപ്പിച്ച ഘടകങ്ങള്‍.
Also Read: സ്ഥാനാ‍ര്‍ത്ഥി നിര്‍ണ്ണയത്തെച്ചൊല്ലി കൂട്ടയടി; ഏഴ് സിപിഎം പ്രവർത്തകർ അറസ്റ്റിൽ
തെരഞ്ഞെടുപ്പിന് കെട്ടിവച്ച തുക കൂടാതെ 150 രൂപ ചെലവില്‍ കുറച്ച് കാര്‍ഡുകള്‍ മാത്രമാണ് ഇരുവരും പ്രചാരണത്തിനു വേണ്ടി ചെലവഴിച്ചത്. ബ്ലോഗര്‍മാരായ ഇരുവരും സാമൂഹിക മാധ്യമങ്ങള്‍ വഴിയാണ് പ്രചാരണം നടത്തുന്നതും. ഫ്‌ളക്‌സുകളും ബാനറുകളും പോസ്റ്ററുകളും തെരുവോരങ്ങളില്‍ നിറച്ച് വൃത്തിഹീനമാക്കുന്ന തെരഞ്ഞെടുപ്പ് രീതികളോടും ഇവര്‍ക്ക് താല്‍പ്പര്യമില്ല. കപ്പല്‍ ചിഹ്നമാണ് ഇരുവര്‍ക്കും തെരഞ്ഞെടുപ്പില്‍ ലഭിച്ചിരിക്കുന്നത്. ജീവന്റെ മറ്റൊരു തുടിപ്പ് ഉദരത്തില്‍ പേറി ഈ സ്ഥാനാര്‍ഥി വോട്ടുകള്‍ ചോദിക്കുകയാണ്, തന്റെ മക്കള്‍ വളരുവാനുള്ള നാട് വികസനപ്പാതയില്‍ മുന്നോട്ട് കുതിയ്ക്കുവാന്‍ വേണ്ടി.
തൃശ്ശൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ