തൃശൂർ(Thrissur): ഗുരുവായൂർ ക്ഷേത്രത്തിൽ വഴിപാടായി ലഭിച്ച ഥാർ ജീപ്പ് വീണ്ടും ലേലം ചെയ്യുന്നു. പുനർലേലം ചെയ്യണമെന്ന ദേവസ്വം കമ്മിഷണറുടെ ഉത്തരവാണ് ദേവസ്വം ഭരണസമിതി നടപ്പിലാക്കാൻ തീരുമാനിച്ചത്. പുനർലേല തീയതി പത്രമാധ്യമങ്ങൾ വഴി പൊതുജനങ്ങളെ അറിയിക്കും. കഴിഞ്ഞ വർഷം ഡിസംബർ നാലിനാണ് മഹീന്ദ്രയുടെ ന്യൂ ജനറേഷൻ എസ്.യു.വി. ഥാർ ക്ഷേത്രത്തിൽ വഴിപാടായി ലഭിച്ചത്. വാഹനം ദേവസ്വത്തിന് ഉപയോഗപ്രദമല്ലെന്ന ഭരണസമിതിയുടെ നിലപാടിനെ തുടർന്ന് ഡിസംബർ 18ന് വാഹനം ലേലം ചെയ്തിരുന്നു.
അതേ സമയം പുനർ ലേലം നടത്താനുള്ള തീരുമാനത്തിനെതിരെ കോടതിയെ സമീപിക്കുമെന്ന് ഥാർ ആദ്യം ലേലം കൊണ്ട അമൽ പറയുന്നു. എല്ലാ നടപടിക്രമങ്ങളും പാലിച്ചാണ് ലേലത്തിൽ പങ്കെടുത്തത്, അതുകൊണ്ട് തന്നെ പുനർ ലേലം അംഗീകരിക്കില്ലെന്ന് അമൽ വ്യക്തമാക്കുന്നു.ഡിസംബർ 18ന് നടന്ന ലേലത്തിൽ അമൽ മാത്രമായിരുന്നു പങ്കെടുത്തത്.
Topic: Guruvayur Thar, Amal Thar auction, Thar auction guruvayur