തൃശൂർ: നെടുമ്പാശ്ശേരി വിമാനത്താവളം വഴി കടത്തിയ ഒന്നര കിലോഗ്രാം സ്വർണ്ണം കൊടുങ്ങല്ലൂരിൽ പോലീസ് പിടികൂടി. സംഭവവുമായി ബന്ധപ്പെട്ട് മലപ്പുറം സ്വദേശി നിഷാജ്, അഴീക്കോട് സ്വദേശി സബീല്‍ എന്നിവര്‍ പിടിയിലായി. സ്വർണ്ണം മലപ്പുറത്തേക്ക് കാറിൽ കടത്തുന്നതിനിടയിലാണ് പിടികൂടിയത്.
തുടർന്നു ഇയാളെ ചോദ്യം ചെയ്തതപ്പോഴാണ് ദുബായിൽ നിന്നും നെടുമ്പാശേരിയിലേക്ക് സ്വർണമെത്തിച്ച തൃശ്ശൂര്‍ അഴീക്കോട് സ്വദേശി സബീലിനെ കുറിച്ച് വിവരം ലഭിക്കുന്നതും ഇയാളെ പിടികൂടുന്നതും. സബീല്‍ കുടുംബത്തോട് ഒപ്പം കാറിൽ രക്ഷപ്പെടാൻ ശ്രമിക്കവെ പോലീസ് പിൻതുടർന്ന് പിടികൂടുകയായിരുന്നു. 300 ഗ്രാമോളം വരുന്ന അഞ്ച് ക്യാപ്സ്യൂളുകളുടെ രൂപത്തിലുള്ള സ്വര്‍ണ്ണം മലദ്വാരത്തിൽ ഒളിപ്പിച്ചാണ് സഹീല്‍ സ്വര്‍ണ്ണം കടത്തിയത്. കൊടുങ്ങല്ലൂര്‍ എസ്എച്ച്ഒ ബ്രിജുകമാർ, ബിനു ആൻറണി എന്നിവർ അടങ്ങുന്ന നൈറ്റ് പെട്രോളിങ്ങ് സംഘമാണ് പ്രതികളെ ഇരുവരേയും പിടികൂടിയത്.