തൃശൂർ( Thrissur): കുന്നംകുളം നഗരത്തോട് ചേർന്നുകിടക്കുന്ന രണ്ട് പെട്രോൾപമ്പുകളിൽ മോഷണം. കഴിഞ്ഞ രാത്രിയാണ് മോഷണം നടന്നത്. നാലു ലക്ഷത്തോളം രൂപ മോഷണം പോയി. കുന്നംകുളം - പട്ടാമ്പി റോഡിലെ സി.കെ. താവു പെട്രോൾ പമ്പ്, കാണിപ്പയ്യൂർ യൂണിറ്റി ആശുപത്രിക്ക് മുൻവശത്തുള്ള മാള ഫ്യൂവൽസ് എന്നിവിടങ്ങളിലാണ് മോഷണം നടന്നത്. ഇതിൽ പട്ടാമ്പി റോഡിലെ പെട്രോൾ പമ്പിൽനിന്ന് നാലുലക്ഷത്തോളം രൂപ മോഷണം പോയിട്ടുണ്ട്. യൂണിറ്റി ആശുപത്രിക്ക് മുൻവശത്തെ മാള ഫ്യൂവൽസിൽനിന്നും പണം നഷ്ടപ്പെട്ടിട്ടില്ല. ഇവിടത്തെ സിസിടിവി കാമറകൾ നശിപ്പിച്ചിട്ടുണ്ട്.
കുന്നംകുളം സിഐ വിസി സൂരജിന്റെ നേതൃത്വത്തിലുള്ള പോലീസ് സംഘം അന്വേഷണം ആരംഭിച്ചു. ജില്ലാ ഫോറൻസിക് സംഘവും ഡോഗ് സ്ക്വാഡും സ്ഥലത്തെത്തി. ഇന്നലെ ഉച്ചതിരിഞ്ഞ് 3.30ന് ജില്ലാ ഫോറൻസിക് സംഘവും ഡോഗ് സ്ക്വാഡും കുന്നംകുളം -പട്ടാമ്പി റോഡിലെ സി.കെ. താവു പെട്രോൾ പമ്പിൽ പരിശോധന നടത്തി. വിരലടയാളങ്ങൾ ശേഖരിച്ചിട്ടുണ്ട്.
Topic: Thrissur, Theft at petrol pump, Kunnamkulam News