തൃശൂർ : ഇന്ത്യാ ബുക്ക് ഓഫ് റെക്കോർഡ്സിൽ ഇടം നേടി മികവ് തെളിയിച്ചിരിക്കുകയാണ് തൃശൂർ എരുമപ്പെട്ടി സ്വദേശി മൂന്നര വയസുകാരൻ ജൊഹാൻ. പ്രായത്തെ വെല്ലുന്ന ബുദ്ധിയും ഓർമ്മശക്തിയുമാണ് ജൊഹാനെ അംഗീകാരത്തിൻറെ നെറുകയിലെത്തിച്ചത്.
Also Read: അവർ കഴിച്ചത് വ്യാജമദ്യമല്ല, ഫോർമാലിൻ! ഇരിങ്ങാലക്കുടയിലെ മരണങ്ങളിൽ പോസ്റ്റുമോർട്ടം റിപ്പോർട്ട് പുറത്ത്
തൃശൂർ എരുമപ്പെട്ടി നെല്ലുവായ് സ്വദേശി ഡിജോ -നീതു ദമ്പതികളുടെ മൂത്തമകനാണ് ജൊഹാൻ. കൃത്യമായി പറഞ്ഞാൽ മൂന്ന് വയസും അഞ്ച് മാസവുമാണ് പ്രായം. ചെറിയ പ്രായത്തിലുള്ള ഓർമ്മ ശക്തി കണക്കിലെടുത്താണ് ഇന്ത്യൻ ബുക്ക്ഓഫ് റൊക്കോർഡ്സിൽ മെമ്മറി അപ്രിസിയേഷൻസ് എന്ന അംഗീകാരം ജൊഹാന് ലഭിച്ചത്.
Also Read: കഴിച്ചത് വ്യാജ മദ്യമല്ല, മറ്റേതോ രാസവസ്തു... ഇരിങ്ങാലക്കുടയിൽ സംഭവിച്ചതെന്ത്? വീഡിയോ കാണാം
പുതിയ കാര്യങ്ങൾ ചോദിച്ചറിയാനും പിന്നീടത് ഓർത്ത് പറയുവാനുമുള്ള ജൊഹാൻറെ കഴിവ് തിരിച്ചറിഞ്ഞ മാതാപിതാക്കള് നൽകിയ പ്രോത്സാഹനമാണ് റൊക്കോർഡ്സിൽ ഇടം നേടാൻ പ്രാപ്തനാക്കിയത്. റൊക്കോർഡ് നേടിയ ജൊഹാന് അഭിനന്ദനങ്ങൾ അറിയിക്കാൻ നിരവധി പേരാണ് വീട്ടിലെത്തുന്നത്.