തൃശൂർ: കളിപ്പാട്ടത്തിനിടയിൽ ഒളിപ്പിച്ച് ബ്രിട്ടണിൽ നിന്ന് പാഴ്സലായി എത്തിച്ച കാല് കിലോ മയക്കുമരുന്ന് തൃശ്ശൂർ കൊടുങ്ങല്ലൂരിൽ പിടികൂടി. മാരക മയക്കുമരുന്നായ മരിജുവാനയാണ് പോസ്റ്റലായി എത്തിച്ചത്.
ലോകമലേശ്വരം സ്വദേശി ജാസിമിന്റെ പേരിലെത്തിയ മയക്കുമരുന്നാണ് എക്സൈസ് പിടികൂടിയത്.
പോസ്റ്റ് ഓഫീസുകൾ വഴി പാഴ്സലായി മയക്കുമരുന്ന് എത്തുന്നു എന്ന വിവരത്തിന്റെ അടിസ്ഥാനത്തിൽ സംശയകരമായി എത്തുന്ന പാഴ്സലുകളെ കുറിച്ച് വിവരം നൽകാൻ എക്സൈസ് പോസ്റ്റൽ വകുപ്പിനോട് ആവശ്യപ്പെട്ടിരുന്നു. ഇതേ തുടർന്നാണ് കൊടുങ്ങല്ലൂർ ലോകമലേശ്വരം സ്വദേശി ജാസിമിന് വന്ന പാഴ്സലിനെ കുറിച്ച് വിവരം നൽകിയത് . ബ്രിട്ടണിൽ നിന്ന് കളിപ്പാട്ടം പാഴ്സലായി എത്തിയത് തുറന്ന് പരിശോധിച്ചു. സൗത്ത് ആഫ്രിക്കയിൽ നിന്നും മറ്റും ബ്രിട്ടണിലെത്തുന്ന മുന്തിയ ഇനം മരിജുവാനയാണ് വിദഗ്ധമായി പാക്ക് ചെയ്ത് പാഴ്സലായി അയച്ചത്. കഞ്ചാവിനേക്കാൾ പതിൻമടങ്ങ് ലഹരി നൽകുന്ന 250ഗ്രാം മരിജുവാനയാണ് പിടികൂടിയത്. ഇതിന് വിപണിയിൽ 2 ലക്ഷം രൂപയോളം വിലവരുമെന്നാണ് വിലയിരുത്തൽ.
നെതർലാൻഡിൽ നിന്നും പാർസൽ വഴി കൊക്കെയ്ൻ വാങ്ങിയതിന് പ്രതിയായ ജാസിം ആലുവ സബ് ജയിലിൽ റിമാൻഡിൽ കഴിയുകയാണ്. അതിനിടെയിലാണ് പുതിയ പാഴ്സൽ വന്നത്. ഡിജെ പാർട്ടികൾക്ക് വേണ്ടിയും സിനിമാ മേഖലയിൽ പ്രവർത്തിക്കുന്ന പലർക്കും വേണ്ടിയുമാണ് മരിജുവാന കടത്തുന്നതെന്ന് എക്സൈസ് പറഞ്ഞു. ജാസിം ഡിജെയായി പ്രവർത്തിച്ചിരുന്ന ആളാണ്. ഇയാളുടെ സിനിമാ ബന്ധങ്ങളെക്കുറിച്ച് എക്സൈസിന് വിവരം ലഭിച്ചിട്ടുണ്ട്. കൊടുങ്ങല്ലൂർ എക്സൈസ് റേഞ്ച് ഇൻസ്പെക്ടർ ഷാംനാദിന്റെ നേതൃത്വത്തിലുള്ള എക്സൈസ് സംഘമാണ് മയക്കുമരുന്ന് പിടികൂടിയത്.
Topic: Drugs Seized, Thrissur News, Thrissur Jasim Drugs Case
ലോകമലേശ്വരം സ്വദേശി ജാസിമിന്റെ പേരിലെത്തിയ മയക്കുമരുന്നാണ് എക്സൈസ് പിടികൂടിയത്.
പോസ്റ്റ് ഓഫീസുകൾ വഴി പാഴ്സലായി മയക്കുമരുന്ന് എത്തുന്നു എന്ന വിവരത്തിന്റെ അടിസ്ഥാനത്തിൽ സംശയകരമായി എത്തുന്ന പാഴ്സലുകളെ കുറിച്ച് വിവരം നൽകാൻ എക്സൈസ് പോസ്റ്റൽ വകുപ്പിനോട് ആവശ്യപ്പെട്ടിരുന്നു. ഇതേ തുടർന്നാണ് കൊടുങ്ങല്ലൂർ ലോകമലേശ്വരം സ്വദേശി ജാസിമിന് വന്ന പാഴ്സലിനെ കുറിച്ച് വിവരം നൽകിയത് . ബ്രിട്ടണിൽ നിന്ന് കളിപ്പാട്ടം പാഴ്സലായി എത്തിയത് തുറന്ന് പരിശോധിച്ചു. സൗത്ത് ആഫ്രിക്കയിൽ നിന്നും മറ്റും ബ്രിട്ടണിലെത്തുന്ന മുന്തിയ ഇനം മരിജുവാനയാണ് വിദഗ്ധമായി പാക്ക് ചെയ്ത് പാഴ്സലായി അയച്ചത്. കഞ്ചാവിനേക്കാൾ പതിൻമടങ്ങ് ലഹരി നൽകുന്ന 250ഗ്രാം മരിജുവാനയാണ് പിടികൂടിയത്. ഇതിന് വിപണിയിൽ 2 ലക്ഷം രൂപയോളം വിലവരുമെന്നാണ് വിലയിരുത്തൽ.
നെതർലാൻഡിൽ നിന്നും പാർസൽ വഴി കൊക്കെയ്ൻ വാങ്ങിയതിന് പ്രതിയായ ജാസിം ആലുവ സബ് ജയിലിൽ റിമാൻഡിൽ കഴിയുകയാണ്. അതിനിടെയിലാണ് പുതിയ പാഴ്സൽ വന്നത്. ഡിജെ പാർട്ടികൾക്ക് വേണ്ടിയും സിനിമാ മേഖലയിൽ പ്രവർത്തിക്കുന്ന പലർക്കും വേണ്ടിയുമാണ് മരിജുവാന കടത്തുന്നതെന്ന് എക്സൈസ് പറഞ്ഞു. ജാസിം ഡിജെയായി പ്രവർത്തിച്ചിരുന്ന ആളാണ്. ഇയാളുടെ സിനിമാ ബന്ധങ്ങളെക്കുറിച്ച് എക്സൈസിന് വിവരം ലഭിച്ചിട്ടുണ്ട്. കൊടുങ്ങല്ലൂർ എക്സൈസ് റേഞ്ച് ഇൻസ്പെക്ടർ ഷാംനാദിന്റെ നേതൃത്വത്തിലുള്ള എക്സൈസ് സംഘമാണ് മയക്കുമരുന്ന് പിടികൂടിയത്.
Topic: Drugs Seized, Thrissur News, Thrissur Jasim Drugs Case