'15 ലക്ഷം പേർക്ക് പ്രവേശനം; തൃശൂർ പൂരത്തിന് കൊവിഡ് നിയന്ത്രണമില്ല'
മുൻ വർഷങ്ങളിൽ ഉണ്ടായിരുന്നത് പോലെ ഇത്തവണ തൃശൂർ പൂരത്തിന് കൊവിഡ് നിയന്ത്രണമുണ്ടാകില്ലെന്ന് ദേവസ്വം മന്ത്രി കെ. രാധാകൃഷ്ണൻ. സ്വയം സുരക്ഷ ഉറപ്പാക്കണമെന്നും മന്ത്രി കൂട്ടിച്ചേർത്തു.
Lipi 24 Apr 2022, 9:01 pm
ഹൈലൈറ്റ്:
- കൊവിഡ് നിയന്ത്രണങ്ങൾ ഇക്കുറി ഇല്ല
- ദേവസ്വം ബോർഡുകളുടെ സാമ്പത്തിക പ്രതിസന്ധി പരിഹരിക്കാൻ നടപടിയെന്ന് മന്ത്രി
- സർവകക്ഷി യോഗത്തിലാണ് മന്ത്രി ഈ കാര്യങ്ങൾ വ്യക്തമാക്കിയത്
തൃശൂർ(Thrissur): തൃശൂർപൂരം പൂർവാധികം ഭംഗിയായി നടത്തുമെന്ന് ദേവസ്വംമന്ത്രി കെ.രാധകൃഷ്ണൻ. കൊവിഡ് നിയന്ത്രണങ്ങൾ ഇല്ലെങ്കിലും മാസ്കും സാനിറ്റൈസറും അടക്കമുള്ള സ്വയം സുരക്ഷ ഉറപ്പാക്കണം. ദേവസ്വം ബോർഡുകൾക്കുള്ള സാമ്പത്തിക പ്രതിസന്ധി പരിഹരിച്ച് മുന്നോട്ട് പോകുമെന്ന് ഇന്ന് ചേർന്ന സർവ്വകക്ഷി യോഗത്തിൽ മന്ത്രി ഉറപ്പ് നൽകി.
രണ്ട് വർഷത്തെ കൊവിഡ് പ്രതിസന്ധി തിരുവമ്പാടി, പാറമേക്കാവ് ദേവസ്വങ്ങൾക്ക് സാമ്പത്തികമായി അമിതഭാരം ഉണ്ടാക്കിയെന്ന വിലയിരുത്തലിലാണ് സർക്കാർ ഇടപെടൽ. പരമാവധി തർക്കങ്ങൾ പരിഹരിക്കാൻ നടപടി സ്വീകരിച്ചുവെന്ന് ദേവസ്വം മന്ത്രി കെ രാധകൃഷ്ണൻ പറഞ്ഞു.
തേക്കിൻകാട് മൈതാനത്തെ ബാരിക്കേഡ്, ഭക്ഷണം തുടങ്ങിയ കാര്യങ്ങൾക്ക് പണം കണ്ടെത്തുമെന്നും മന്ത്രി പറഞ്ഞു. ഏതാണ്ട് 15 ലക്ഷത്തോളം ആളുകളെ ആണ് ഇത്തവണ പൂരത്തിന് പ്രതീക്ഷിക്കുന്നത്. വെടികെട്ട് മുൻ വർഷങ്ങളിലേത് പോലെ നടത്താൻ അനുമതി ലഭിച്ചിട്ടുണ്ടെന്നും മന്ത്രി കൂട്ടിച്ചേർത്തു.
Topic: Thrissur Pooram, K Radhakrishnan, K Radhakrishnan on Thrissur Pooram
രണ്ട് വർഷത്തെ കൊവിഡ് പ്രതിസന്ധി തിരുവമ്പാടി, പാറമേക്കാവ് ദേവസ്വങ്ങൾക്ക് സാമ്പത്തികമായി അമിതഭാരം ഉണ്ടാക്കിയെന്ന വിലയിരുത്തലിലാണ് സർക്കാർ ഇടപെടൽ. പരമാവധി തർക്കങ്ങൾ പരിഹരിക്കാൻ നടപടി സ്വീകരിച്ചുവെന്ന് ദേവസ്വം മന്ത്രി കെ രാധകൃഷ്ണൻ പറഞ്ഞു.
തേക്കിൻകാട് മൈതാനത്തെ ബാരിക്കേഡ്, ഭക്ഷണം തുടങ്ങിയ കാര്യങ്ങൾക്ക് പണം കണ്ടെത്തുമെന്നും മന്ത്രി പറഞ്ഞു. ഏതാണ്ട് 15 ലക്ഷത്തോളം ആളുകളെ ആണ് ഇത്തവണ പൂരത്തിന് പ്രതീക്ഷിക്കുന്നത്. വെടികെട്ട് മുൻ വർഷങ്ങളിലേത് പോലെ നടത്താൻ അനുമതി ലഭിച്ചിട്ടുണ്ടെന്നും മന്ത്രി കൂട്ടിച്ചേർത്തു.
Topic: Thrissur Pooram, K Radhakrishnan, K Radhakrishnan on Thrissur Pooram