തൃശൂര്: യാത്രാ ഇളവുകള് പ്രഖ്യാപിച്ച സാഹചര്യത്തില് ഡല്ഹിയില്നിന്നു വന്ന ട്രെയിനില് തൃശൂര് ജില്ലയില് 120 യാത്രക്കാര് ഇറങ്ങി. ഡല്ഹിയില് നിന്ന് വ്യാഴാഴ്ച പുറപ്പെട്ട ട്രെയിന് വെള്ളിയാഴ്ച രാവിലെ 10.30 നാണ് തൃശൂരില് എത്തിയത്. തൃശൂര്, മലപ്പുറം, പാലക്കാട്, എറണാകുളം ജില്ലകളിലേക്കുള്ള യാത്രക്കാരെ തൃശൂര് റെയില്വേ സ്റ്റേഷനില് ഇറക്കി.
തൃശൂരിലെ 73 പേരും പാലക്കാട് 42, മലപ്പുറം 4 എന്നിങ്ങനെ എറണാകുളത്തേക്കുള്ള ഒരു യാത്രക്കാരനുമാണ് തൃശൂരില് എത്തിയത്. 22 ബോഗികളിലായാണ് യാത്രക്കാരെ എത്തിച്ചത്.
തൃശൂര് ജില്ലയില് നിന്നുള്ള 73 പേരില് 68 പേരെ ഹോം ക്വാറന്റീനിലും രോഗലക്ഷണം പ്രകടിപ്പിച്ച അഞ്ചുപേരെ ഇന്സ്റ്റിറ്റിയൂഷണല് ക്വാറന്റീനിലുമാക്കി. ബാക്കിയുള്ള ജില്ലക്കാരെ മെഡിക്കല് പരിശോധനയ്ക്ക് ശേഷം അതത് ജില്ലകളിലേക്കയച്ചു.
Also Read: മലപ്പുറത്ത് നാല് പേര്ക്ക് കൂടി കൊവിഡ്-19 സ്ഥിരീകരിച്ചു; രോഗം ബാധിച്ചത് അന്യസംസ്ഥാനങ്ങളില് നിന്നും എത്തിയവര്ക്ക്!
പാലക്കാട്, മലപ്പുറം, എറണാകുളം ജില്ലകളിലേയും തൃശൂര് ജില്ലയിലെ വിവിധ താലൂക്കുകളിലേയും യാത്രക്കാരെ എത്തിക്കാന് കെഎസ്ആര്ടിസി ബസ് സൗകര്യവും ഏര്പ്പെടുത്തി. പ്ലാറ്റ്ഫോമില് എത്തുന്ന യാത്രക്കാരെ നിശ്ചിത അകലം പാലിച്ച് രണ്ടു വരികളില് നിര്ത്തി മെഡിക്കല് പരിശോധന നടത്തിയ ശേഷമാണ് വിട്ടത്.