എസ്എഫ്ഐ നേതൃത്വവുമായി ഉടക്ക്
പ്രിന്‍സിപ്പല്‍ പദവിയില്‍ ജയദേവന്‍ തുടര്‍ന്നെങ്കിലും എസ്എഫ്ഐ നേതൃത്വവുമായും ഒരു വിഭാഗം ഇടത് അധ്യാപക സംഘടനാ പ്രവര്‍ത്തകരുമായും അദ്ദേഹത്തിന് നല്ല ബന്ധമായിരുന്നില്ല. പ്രിന്‍സിപ്പലിനെതിരെ എസ്എഫ്ഐയും എകെപിസിടിഎയും പാര്‍ട്ടി നേതൃത്വത്തിന് പരാതി നല്‍കിയതിനെ തുടര്‍ന്നാണ് പ്രിന്‍സിപ്പലിന്‍റെ അധികാരങ്ങള്‍ പരിമിതപ്പെടുത്തുക എന്ന ലക്ഷ്യത്തോടെ കോളജില്‍ വൈസ് പ്രിന്‍സിപ്പല്‍ പദവി സൃഷ്ടിക്കാന്‍ കൊച്ചിന്‍ ദേവസ്വം ബോര്‍ഡ് തീരുമാനിച്ചത്.
ഇടത് അധ്യാപക സംഘടന പ്രവര്‍ത്തകന്‍
ഇടത് അധ്യാപക സംഘടനയായ എകെപിസിടിഎയുടെ സജീവ പ്രവര്‍ത്തകനാണ് ജയദേവന്‍. ഇടത് അധ്യാപക സംഘടന നേതാവാണെങ്കിലും പ്രിന്‍സിപ്പല്‍ സംഘടനയിലെ ഒരു വിഭാഗം അധ്യാപകര്‍ക്ക് അനഭിമതനായതോടെയാണ് വൈസ് പ്രിന്‍സിപ്പല്‍ പദവി രൂപീകരിച്ചത്. സിപിഎം നേതൃത്വത്തിന്‍റെ വിശ്വസ്തയും കോളജിലെ ഇംഗ്ലീഷ് അധ്യാപികയുമായ ആര്‍ ബിന്ദുവിനെ വൈസ് പ്രിന്‍സിപ്പാലാക്കിയതോടെ രണ്ട് അധികാരകേന്ദ്രമാണ് സൃഷ്ടിച്ചത്. ഇതേതുടര്‍ന്നാണ് പ്രിന്‍സിപ്പലിന്‍റെ രാജി.
സിപിഎമ്മിന് പുതിയ തലവേദവന
സിപിഎം സംസ്ഥാന സെക്രട്ടറിയുടെ അധിക ചുമതലയുള്ള എല്‍ഡിഎഫ് സംസ്ഥാന കണ്‍വീനര്‍ എ വിജയരാഘവന്‍റെ ഭാര്യ ആര്‍ ബിന്ദുവിനെ കോളജില്‍ വൈസ് പ്രിന്‍സിപ്പലായി നിയമിച്ചിരുന്നു. അധിക ചുമതല സൃഷ്ടിച്ചാണ് ബിന്ദുവിനെ തിരുകി കയറ്റിയതെന്ന് നേരത്തെ ആരോപണമുണ്ടായിരുന്നു. കോടിയേരി ബാലകൃഷ്ണന്‍ അവധിയില്‍ പ്രവേശിച്ച സാഹചര്യത്തില്‍, സിപിഎം സംസ്ഥാന സെക്രട്ടറിയായി എ വിജയരാഘവന്‍ ചുമതലയേറ്റ സാഹചര്യത്തിലുള്ള പ്രിന്‍സിപ്പലിന്‍റെ രാജി വിവാദം സിപിഎമ്മിന് പുതിയ തലവേദനയാകും.