തൃശൂര്‍: പാഴാകുന്ന പത്രക്കടലാസുകൾകൊണ്ട് ഗണപതി ശിൽപങ്ങൾ തയാറാക്കി വ്യത്യസ്തനാകുകയാണ് തൃശ്ശൂർ സ്വദേശിയായ ഹരീഷ് എന്ന വിദ്യാർത്ഥി. പാഴ്വസ്തുക്കൾ കൊണ്ടുള്ള നിർമ്മാണം മാത്രമല്ല, വിപണിയിൽ സുലഭമായി ലഭിക്കുന്ന പ്ലാസ്റ്റർ ഓഫ് പാരീസ് ഗണപതി ശില്പങ്ങൾ ഉണ്ടാക്കുന്ന പരിസ്ഥിതി നാശവും ഹരീഷിന്റെ ഗണപതി ശില്പങ്ങൾക്കില്ല.
കൊവിഡ്‌ വ്യാപനത്തിന്റെ പശ്ചാത്തലത്തിൽ ആഘോഷങ്ങളും ആരവങ്ങളും നടന്ന ഈ വര്‍ഷത്തെ ഗണേശോത്സവത്തിലും തൃശ്ശൂർ പൂങ്കുന്നം സ്വദേശിയും പ്ലസ് വൺ വിദ്യാർത്ഥിയുമായ ജി ഹരീഷ് പഴയ പത്ര കടലാസുകൾ ഉപയോഗിച്ചു നിർമിക്കുന്ന പരിസ്ഥിതി സൗഹൃദ ഗണേശ ശില്പങ്ങൾക്കു ഏറെ പ്രാധാന്യമുണ്ട്. കഴിഞ്ഞ മൂന്നു വർഷങ്ങളായി ഹരീഷ് ഗണേശ ശില്പങ്ങൾ കടലാസുകൊണ്ടു നിർമിച്ചു വരുന്നു.
Also Read: മകന്‍റെ ഓർമക്കായി പ്രതിമ നിർമ്മിച്ച് ആദരിച്ച് മെഡിക്കൽ കോളേജ്; 87കാരിയായ അമ്മയെ കണ്ട ഭാവം നടിക്കാതെ അധികാരികൾ...പെൻഷനായി മുട്ടാത്ത വാതിലുകളില്ല
പ്ലാസ്റ്റർ ഓഫ് പാരീസ് ശില്പങ്ങൾ പ്രകൃതിക്ക് വിനാശമാണെന്ന തിരിച്ചറിവാണ് തന്നെ ഇത്തരം നിർമ്മാണത്തിനു പ്രേരിപ്പിച്ചത് എന്നു ഹരീഷ് പറയുന്നു. ചിത്ര രചന, മൃദംഗം , കീബോര്‍ഡ്‌ എന്നിവ അഭ്യസിക്കുന്ന ഹരീഷ് പ്രശസ്ത മൃദംഗ വിദ്ധ്വാൻ തൃശൂർ എച്ച്. ഗണേഷിന്റെയും, ജ്യോതി ഗണേഷിന്റെയും മകനാണ്. അന്യസംസ്ഥാനങ്ങളില്‍ നിന്നടക്കം ഹരീഷിന്റെ ഗണപതി ശില്‍പ്പങ്ങള്‍ക്ക് ആവശ്യക്കാര്‍ ഏറെയാണ്.