വീട്ടില്‍ അതിക്രമിച്ചു കയറി ബലാല്‍സംഗം; മൊബൈലില്‍ ദൃശ്യങ്ങള്‍ പകര്‍ത്തി, തൃശൂരില്‍ യുവാവ് അറസ്റ്റില്‍

തൃശൂര്‍: ബലാല്‍സംഗക്കേസില്‍ പ്രതിയായ യുവാവ് അറസ്റ്റിലായി. വെള്ളാങ്കല്ലൂര്‍ എട്ടങ്ങാടി കോളനി സ്വദേശി കണ്ണാംകുളത്ത് പറമ്പില്‍ സലീമിനെയാണ് (38) ഇരിങ്ങാലക്കുട ഡിവൈ എസ് പി ഫേമസ് വര്‍ഗീസ് അറസ്റ്റ് ചെയ്തത്. കാട്ടൂര്‍ സ്വദേശിനിയായ യുവതിയുടെ പരാതിയിലായിരുന്നു അറസ്റ്റ്. വീട്ടില്‍ അതിക്രമിച്ചു കയറി ബലാല്‍സംഗത്തിന് ഇരയാക്കിയതായാണ് പരാതി. ഇക്കഴിഞ്ഞ ഫെബ്രുവരി മാസം രണ്ടാം തീയതിയാണ് കേസിനാസ്പദമായ സംഭവങ്ങളുടെ തുടക്കം.

Also Read: കാസര്‍കോട് 2 കൊവിഡ് മരണങ്ങള്‍ കൂടി; ഇന്ന് ജില്ലയില്‍ മരണപ്പെട്ടത് മൂന്നുപേര്‍

ഇവരുടെ വീട്ടിലെ കമ്പോഡ് പണിക്കും ചവിട്ടി വിരിക്കുന്നതിനുമായി വന്ന പരിചയത്തില്‍ വീട്ടിലെത്തിയ പ്രതി അതിക്രമിച്ചു കയറി ബലാല്‍സംഗത്തിന് ഇരയാക്കുകയും ഈ രംഗങ്ങള്‍ മൊബൈലില്‍ വീഡിയോ എടുക്കുകയും ചെയ്തിരുന്നു. മാനക്കേട് ഭയന്ന യുവതി പരാതിപ്പെടാന്‍ വൈകിയതിനാല്‍ മൊബൈലിലെടുത്ത ചിത്രങ്ങള്‍ കാണിച്ച് വീണ്ടും രണ്ടുതവണ കൂടി പീഡനത്തിന് ഇരയാക്കി. ഇതോടെ തകര്‍ന്നുപോയ യുവതി പോലീസിനെ സമീപിക്കു കയായിരുന്നു. പരാതി ലഭിച്ച ഉടനെ ഹരിജന പീഡന നിരോധന നിയമപ്രകാരം വെള്ളിയാഴ്ച കേസെടുത്ത പോലീസ് പിറ്റേന്നു തന്നെ പ്രതിയെ അറസ്റ്റു ചെയ്യുകയായിരുന്നു.

Also Read: കൊവിഡ് ബാധിച്ച് മരിച്ചയാളുടെ മൃതദേഹം കൊണ്ടുവരികയായിരുന്ന ആംബുലന്‍സ് നിയന്ത്രണം വിട്ട് മറിഞ്ഞു

പോലീസ് അന്വേഷിച്ചെത്തുമെന്ന സംശയത്തില്‍ ഒളിവില്‍ പോകുന്നതിനായി ഇറങ്ങിയ പ്രതിയെ കോണത്തുക്കുന്നില്‍ വച്ച് തന്ത്രപരമായി കുടുക്കുകയായിരുന്നു. കോടതിയില്‍ ഹാജരാക്കിയ ഇയാളെ റിമാന്‍റ് ചെയ്തു. കാട്ടൂര്‍ എസ്ഐ വിവി വിമല്‍, എസ്ഐ പിജെ ഫ്രാന്‍സിസ്, എഎസ്ഐ ജലീല്‍ മാരാത്ത്, കെ അജയ്, സിപി ഒമാരായ കെഎസ് ഉമേഷ് മുരുകദാസ്, ഇഎസ് ജീവന്‍, അജീഷ്, ടിക. സിന്ധു എന്നിവരാണ് പ്രതിയെ പിടികൂടിയ സംഘത്തില്‍ ഉണ്ടായിരുന്നത്.


തൃശ്ശൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

തൃശ്ശൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ