മുഖ്യമന്ത്രിയെയും മന്ത്രിയെയും 'ജയിലിലടച്ച്' യൂത്ത് കോണ്‍ഗ്രസ്!! അനില്‍ അക്കരെ എംഎല്‍എയുടെ ഓഫീസിനു ചുറ്റും കുടില്‍ കെട്ടി ഡിവൈഎഫ്ഐ പ്രവര്‍ത്തകര്‍!

വടക്കാഞ്ചേരി: ലൈഫ് മിഷൻ - യൂണിടാക്ക് ഫ്ലാറ്റ് അഴിമതിയിൽ ആരോപണ വിധേയരായ മുഖ്യമന്ത്രി പിണറായി വിജയൻ, മന്ത്രി എസി മൊയ്‌തീൻ, എം ശിവശങ്കരൻ ഐഎഎസ്, സ്വപ്ന സുരേഷ്, എന്നിവരെ യൂത്ത് കോൺഗ്രസിന്‍റെ ആഭിമുഖ്യത്തിൽ പ്രതീകത്മകമായി ജയിലിൽ അടച്ചു. വടക്കാഞ്ചേരി ബസ് സ്റ്റാൻഡിൽ ഒരുക്കിയ പ്രതീകാത്മക ജയിലിൽ മുഖ്യമന്ത്രി, മന്ത്രി സ്വപ്ന , ശിവശങ്കർ വേഷധാരികളുടെ കൈകൾ കെട്ടി പോലിസ് വേഷധാരികൾ പിടിച്ചു ജയിലയിലാക്കിയപ്പോൾ അനിൽ അക്കര എംഎൽഎ അടച്ചു പൂട്ടി. യൂത്ത് സംസ്ഥാന ജനറൽ സെക്രെട്ടറി അഭിലാഷ് പ്രഭാകർ ഉദ്ഘാടനം ചെയ്തു.

Also Read: കാറിന്‍റെ ചില്ല് ഇപ്പോഴും താടിക്കുള്ളില്‍... പുഴുവരിച്ച അനില്‍ കുമാറിന്‍റെ ചെറു മകള്‍ക്കും തിരുവനന്തപുരം മെഡിക്കല്‍ കോളേജില്‍ നിന്ന് നേരിട്ടത് ദുരനുഭവം

നിയോജകമണ്ഡലം പ്രസിഡന്‍റ് അഭിലാഷ് ശ്രീനിവാസൻ, ഡിസിസി സെക്രെട്ടറി എൻആർ സതീശൻ, ബ്ലോക്ക്‌ പ്രസിഡന്റ് ജിജോ കുര്യൻ, യൂത്ത് ജില്ലാ ജനറൽ സെക്രെട്ടറി മാരായ ജോമോൻ കൊള്ളന്നൂർ, ലിൻസൺ തിരൂർ, പിജെ രാജു, സി വിജയൻ . സിഎച്ച് ഹരീഷ് , ജിജോ തലക്കോടൻ, സ്റ്റാലിൻ ജോസഫ്, ശ്രീനേഷ് ശ്രീനിവാസൻ, ഹരീഷ് വിജി, ശ്രീകാന്ത് വിആർ, അനൂപ് , ടിഎ സജിത്, പ്രിൻസ് മീൻപുഴ ,അരുൺ കുന്നത്തുള്ളി എന്നിവർ പങ്കെടുത്തു . ബ്ളോക്ക് കമ്മിറ്റി ഓഫീസിൽ നിന്നു പ്രകടനമായാണ് എത്തിയത്.
അതേസമയം ലൈഫ് പദ്ധതിയെ തകർക്കാൻ ബിജെപിയെ കൂട്ടുപിടിച്ച് രാഷ്ട്രീയ ഗൂഢാലോചന നടത്തി 140 നിർധന കുടുംബങ്ങൾക്കായി വടക്കാഞ്ചേരി ചരൽപറമ്പിൽ പണിയുന്ന ഭവന സമുച്ചയത്തിൻ്റെ നിർമ്മാണം മുടക്കിയ കോൺഗ്രസ് എംഎൽഎ അനിൽ അക്കരയുടെ ഓഫീസ് ഡിവൈഎഫ്ഐ പ്രതിഷേധ സൂചകമായി കുടിൽകെട്ടി വളഞ്ഞു. എംഎൽഎ ഓഫീസിന് ചുറ്റുമായി പതിമൂന്ന് കേന്ദ്രങ്ങളിലായി നടന്ന പ്രതിഷേധ പരിപാടിയുടെ ബ്ലോക്ക് തല ഉദ്ഘാടനം ഡിവൈഎഫ്ഐ ജില്ലാ സെക്രട്ടറി പിബി അനൂപ് നിർവ്വഹിച്ചു.

വടക്കാഞ്ചേരി മിനി സിവിൽ സ്റ്റേഷൻ പരിസരത്ത് സിപിഎം ഏരിയ സെക്രട്ടറി പിഎൻ സുരേന്ദ്രനും, ലേബർ കോർണറിൽ ഡിവൈഎഫ്ഐ സംസ്ഥാന കമ്മിറ്റി അംഗം എൻവി വൈശാഖനും, കുമ്പളങ്ങാട് റോഡിൽ ഡിവൈഎഫ്ഐ ബ്ലോക്ക് സെക്രട്ടറി വിസി സജീന്ദ്രനും, ഇറിഗേഷൻ ഓഫീസ് പരിസരത്ത് ഡിവൈഎഫ്ഐ ജില്ലാ കമ്മിറ്റിയംഗം സിആർ കാർത്തികയും ഉദ്ഘാടനം ചെയ്തു.

Also Read: 'അവർ മനുഷ്യരല്ല, മൃഗങ്ങളാണ്, നരകം കണ്ടു... മെഡിക്കല്‍ കോളേജില്‍ അബോധാവസ്ഥയിലിരിക്കെയാണ് പുഴുവരിച്ചത്', അനില്‍ കുമാറിന്‍റെ വാക്കുകള്‍ കേട്ടാല്‍ ആരുടെയും കണ്ണ് നിറയും

വ്യാസ ബുക്ക്സ്റ്റാൾ പരിസരത്ത് ഡിവൈഎഫ്ഐ ജില്ലാ പ്രസിഡൻ്റ് കെവി രാജേഷും , സർക്കാരുദ്യോഗസ്ഥ സഹകരണസംഘം പരിസരത്ത് ഡിവൈഎഫ്ഐ ജില്ലാ സെക്രട്ടേറിയേറ്റ് അംഗം സുകന്യ ബൈജുവും , ജെയിൻ ചിമ്മൻ പരിസരത്ത് ഡിവൈഎഫ്ഐ സംസ്ഥാന കമ്മിറ്റിയംഗം കെബി ജയനും, എംപ്ലോയ്മെൻ്റ് എക്സ്ചേഞ്ച് പരിസരത്ത് മുൻ ഡിവൈഎഫ്ഐ ജില്ലാ സെക്രട്ടറിയേറ്റംഗം എംജെ ബിനോയും, കനറാ ബാങ്ക് പരിസരത്ത് ഡിവൈഎഫ്ഐ ജില്ലാ വൈസ് പ്രസിഡൻ്റ് കെഎസ് സെന്തിൽ കുമാറും, മംഗളോദയം പ്രസ്സ് പരിസരത്ത് ഡിവൈഎഫ്ഐ ബ്ലോക്ക് പ്രസിഡൻ്റ് കെആർ രൂപേഷും, കാളിയപ്പാസ് പരിസരത്ത് ഡിവൈഎഫ്ഐ ജില്ലാ സെക്രട്ടേറിയേറ്റ് അംഗം പിഎസ് ഷാനുവും, ജനത പരിസരത്ത് ഡിവൈഎഫ്ഐ സംസ്ഥാന കമ്മിറ്റിയംഗം ആർ. എൽ. ശ്രീലാലും ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡൻ്റ് എസ്. ബസന്ത് ലാൽ, ഡിവൈഎഫ്ഐ ജില്ലാ കമ്മിറ്റിയംഗം സിഎ നിത, ഡിവൈഎഫ്ഐ ബ്ലോക്ക് ട്രഷറർ മിഥുൻ സജീവ് എന്നിവർ വിവിധ കേന്ദ്രങ്ങളിൽ സംസാരിച്ചു. രാഷ്ടീയ - സാമൂഹ്യ- സാംസ്കാരിക രംഗത്തെ പ്രവർത്തകർ പങ്കെടുത്തു.

തൃശ്ശൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

തൃശ്ശൂർ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ