ചിറകിലെ എല്ലൊടിഞ്ഞ മൂങ്ങക്ക് ചികിത്സ നല്‍കി; ഔദ്യോഗിക ജീവിതത്തിലെ ആദ്യ സംഭവമെന്ന് വെറ്ററിനറി ഡോക്ടര്‍

പുല്‍പ്പള്ളി: സ്വകാര്യ വ്യക്തിയുടെ കൃഷിയിടത്തില്‍ ചിറകൊടിഞ്ഞ നിലയില്‍ കണ്ടെത്തിയ മൂങ്ങക്ക് ചികിത്സ നല്‍കി. മുള്ളന്‍കൊല്ലി ഗ്രാമപഞ്ചായത്തിലെ പാടിച്ചിറയിലെ ഐനാംപറമ്പില്‍ അലക്സ് എന്നയാളുടെ കൃഷിയിടത്തില്‍ നിന്നുമാണ് ചിറകിന് പരിക്കേറ്റ നിലയില്‍ മൂങ്ങയെ കണ്ടെത്തിയത്. തുടര്‍ന്ന് വനംവകുപ്പ് സ്ഥലത്തെത്തി മൂങ്ങയെ പാടിച്ചിറയില്‍ പ്രവര്‍ത്തിക്കുന്ന വെറ്റിനറി ആശുപത്രിയിലെത്തിക്കുകയായിരുന്നു.

Also Read: കലോത്സവത്തില്‍ പങ്കെടുക്കാന്‍ പോയി മടങ്ങവെ അധ്യാപകന്‍ പീഡിപ്പിച്ചതായി പരാതി; പ്രതി ഒളിവില്‍

പ്രാഥമിക പരിശോധനയില്‍ തന്നെ ചിറകിലെ എല്ലൊടിഞ്ഞത് കണ്ടെത്തിയ വെറ്ററിനറി ഡോക്ടര്‍ ലക്ഷ്മി എസ് അരവിന്ദ് മൂങ്ങക്ക് ഗ്ലൂക്കോസ് നല്‍കി ആവശ്യമായ ചികിത്സയും മരുന്നും നല്‍കുകയായിരുന്നു. മൃഗാശുപത്രിയിലെ പരിമിതമായ സൗകര്യങ്ങള്‍ ഉപയോഗപ്പെടുത്തിയാണ് മൂങ്ങക്ക് മതിയായ ചികിത്സ നല്‍കിയത്. നേരത്തെ പരുന്തിനെ ചികിത്സിച്ചിട്ടുണ്ടെങ്കിലും 15 വര്‍ഷത്തെ ഔദ്യോഗിക ജീവിതത്തിനിടയില്‍ ആദ്യമായാണ് മൂങ്ങയ്ക്ക് ചികിത്സ നല്‍കുന്നതെന്ന് ഡോ. ലക്ഷ്മി പറഞ്ഞു.

വയനാട് ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം

പ്രായാധിക്യമുള്ള മൂങ്ങ മരത്തില്‍ നിന്നും വീണതിനെ തുടര്‍ന്നാണ് പരിക്ക് പറ്റിയത്. മൂങ്ങയുടെ ഒടിഞ്ഞ ചിറക് വെച്ച് കെട്ടി ആന്റിബയോട്ടിക്കും വൈറ്റമിനുകളും ഫ്ളൂയ്ഡും നല്‍കിയതായും അവര്‍ പറഞ്ഞു. പ്രായാധിക്യമുണ്ടെങ്കില്‍ പോലും ഒടിഞ്ഞ ചിറക് നേരെയായി മൂങ്ങ പൂര്‍ണമായി സുഖം പ്രാപിക്കുമെന്നും ഡോക്ടര്‍ പറഞ്ഞു. ചികിത്സക്ക് ശേഷം വനംവകുപ്പ് ഉദ്യോഗസ്ഥര്‍ മൂങ്ങയെ പരിചരിക്കുന്നതിനായി കൊണ്ടുപോയിട്ടുണ്ട്.

Also Read: ബസില്‍ ഉണ്ടായിരുന്നത് 40 പേര്‍; 18 പേർക്ക് പരിക്ക്, പരിക്കേറ്റ കുട്ടി മരിച്ചു

Read Latest Local News and Malayalam News