മാനന്തവാടി((Wayanad): വാക്കു തർക്കത്തിനിടെ ആദിവാസി യുവാവ് മർദ്ദനമേറ്റു മരിച്ച സംഭവത്തിൽ ബന്ധു അറസ്റ്റില്. തിരുനെല്ലി കാളാംകോട് കോളനിയിലെ മാരയുടെ മകന് ബിനുവിന്റെ (32)മരണവുമായി ബന്ധപ്പെട്ട് സഹോദരി ഭർത്താവ് പോത്തുമൂല എമ്മിടി വിപിനെ(34)യാണ് തിരുനെല്ലി പോലീസ് അറസ്റ്റു ചെയ്തത്. വെള്ളിയാഴ്ച രാത്രി കോളനിയില് വെച്ച് നടന്ന വഴക്കിനിടെയാണ് ബിനുവിനു മര്ദനമേറ്റത്. ശനിയാഴ്ച രാവിലെ കോഴിക്കോട് മെഡിക്കല് കോളേജ് ആശുപത്രിയിലായിരുന്നു മരണം.
തലയ്ക്കും ശരീരത്തിലെ മർമ്മസ്ഥാനങ്ങളിലുമേറ്റ മർദ്ദനമാണ് മരിക്കാനുള്ള കാരണമെന്നാണ് വിവരം. തിരുനെല്ലി സി.ഐ. ഷൈജുവിനാണ് കേസിൻ്റെ അന്വേഷണ ചുമതല. സ്പെഷ്യൽ ബ്രാഞ്ച് ഡി വൈ എസ് പി ടി.പി ശ്രീജിത്ത് ഉൾപ്പടെ സ്ഥലത്തെത്തി കോളനിവാസികളുടെ മൊഴിയെടുത്തിരുന്നു.
Topic: Wayanad News, Wayanad tribal man death, Thirunelli Binu death