കെഎസ്ആർടിസി ടിക്കറ്റ് മെഷീൻ പൊട്ടിത്തെറിച്ചു! കണ്ടക്ടർക്ക് പരിക്ക്

വയനാട് (Wayanad): കെഎസ്ആർടിസി ബസിലെ ടിക്കറ്റ് മെഷീൻ പൊട്ടിത്തെറിച്ച് കണ്ടക്ടർ പരിക്ക്. സുൽത്താൻ ബത്തേരി-തിരുവനന്തപുരം ബസിലെ ടിക്കറ്റ് മെഷീനാണ് പൊട്ടിത്തെറിച്ചത്. സംഭവത്തിൽ പെരുമ്പാവൂർ സ്വദേശിയും കണ്ടക്ടറുമായ എം എം മുഹമ്മദിനാണ് പരിക്കേറ്റത്. ഇയാളുടെ കൈയ്ക്കാണ് പരിക്ക്. കൊവിഡ്: വിനോദസഞ്ചാര മേഖലക്ക് വീണ്ടും തിരിച്ചടി; ടൂറിസം കേന്ദ്രങ്ങളില്‍ സഞ്ചാരികളുടെ എണ്ണം നിയന്ത്രിക്കുന്നു

ഇന്ന് രാവിലെ എട്ടുമണിയോടെ സുൽത്താൻ ബത്തേരി ഡിപ്പോയിലെ ജീവനക്കാരുടെ സ്റ്റേ റൂമിൽ വെച്ചാണ് സംഭവം. സുൽത്താൻ ബത്തേരി ഡിപ്പോയിലെ ടിക്കറ്റ് മെഷീനാണ് പൊട്ടിത്തെറിച്ചത്. ടിക്കറ്റ് മെഷീൻ പൂർണമായും കത്തിനശിച്ചു. ഷോർട്ട് സർക്യൂട്ടാണ് പൊട്ടിത്തെറിയ്ക്കു കാരണമായതെന്നാണ് പ്രാഥമിക നിഗമനം. സംഭവത്തിൽ വിശദമായ അന്വേഷണത്തിനു കെഎസ്ആർടിസി ഉത്തരവിട്ടു.

പൊടിശല്യത്തിൽ പൊറുതിമുട്ടി ജനം; ഇഴഞ്ഞിഴഞ്ഞ് റോഡ് നിർമാണം...

നേരത്തെ ടിക്കറ്റ് മെഷീൻ വാങ്ങിയതുമായി ബന്ധപ്പെട്ട് അഴിമതി ആരോപണം ഉയർന്നിരുന്നു. കഴിഞ്ഞ സർക്കാരിന്റെ കാലത്തു ടിക്കറ്റ് മെഷീൻ വാങ്ങാനായി പൊതുമേഖലാ കമ്പനിയ്ക്കു പകരം സ്വകാര്യ കമ്പനിക്ക് കരാർ നൽകിയതിൽ അഴിമതിയുണ്ടെന്നായിരുന്നു ആരോപണം ഉയർന്നത്.


വയനാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

വയനാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ


Topic: Wayanad News, KSRTC, KSRTC Ticket Machine