ബൈക്ക് യാത്രക്കാരെ തട്ടി തെറിപ്പിച്ചു
തിരുവമ്പാടി സിഐയും കേണിച്ചിറ സ്വദേശിയുമായ ഷജു ജോസഫാണ് മദ്യപിച്ച് കാറുമെടുത്ത് ടൗണിലേക്കിറങ്ങിയത്. നിയന്ത്രണമില്ലാതെ വാഹനമോടിച്ച ഇയാൾ എതിരെ വന്ന ബൈക്ക് യാത്രികരെ ഇടിച്ചുവീഴ്ത്തി. ബത്തേരി തോട്ടുമ്മൽ ഇർഷാദ്, ഭാര്യ റഹിയാനത്ത് എന്നിവർക്കാണ് പരുക്കേറ്റത്. ഓടിക്കൂടിയ നാട്ടുകാര് സിഐയെ തടഞ്ഞുവെച്ച് പോലീസില്‍ ഏല്‍പ്പിക്കുകയായിരുന്നു.
രക്ഷപ്പെടാനുള്ള ശ്രമം
മദ്യമിച്ച് ലക്കുകെട്ട് മാസ്ക് പോലും ധരിക്കാതെയാണ് സിഐ പൊതു സ്ഥലത്ത് ഇറങ്ങിയത്. ബൈക്ക് ഇടച്ച് തെറിപ്പിച്ച് രക്ഷപ്പെടാനാണ് സിഐ ശ്രമിച്ചത്. ഇതിനിടയില്‍ നാട്ടുകാര് പിടിച്ച് വെക്കുകയായിരുന്നു. പലരുമായും ഫോണില്‍ ബന്ധപ്പെടാൻ സിഐ ശ്രമിക്കുന്നുണ്ടായിരുന്നു. പോലീസ് ജീപ്പ് എത്തിയ ഉടൻ മുൻവശത്തു തന്നെയുള്ള സീറ്റിൽ തന്നെ കയറി ഇരുന്ന് സിഐ സ്ഥലം വിടുകയും ചെയ്തു.
കേസ് അട്ടിമറിക്കാന്‍ ശ്രമം
സിഐക്കെതിരെ മദ്യപിച്ച് വാഹനമോടിച്ചതിന് കേസെടുത്തിട്ടുണ്ടെന്നാണ് പോലീസ് വ്യക്തമാക്കുന്നത്. അതേസമയം വൈദ്യ പരിശോധന നടത്താന്‍ വൈകിയെന്നും കേസ് അട്ടിമറിക്കാനുള്ള ശ്രമം നടക്കുന്നുവെന്നും ആരോപണമുണ്ട്. നേരത്തെ കേണിച്ചിറ സിഐ ആയിരുന്നു ഷജു. ബിന്ദു കൃഷ്ണ സംസാരിക്കുമ്പോള്‍ മൈക്ക് ഓഫ് ചെയ്തത് നേരത്തെ വന്‍ വിവാദം ഉണ്ടാക്കിയിരുന്നു. നാട്ടുകാര് സഭവം മദ്യപിച്ച സിഐയുടെ വീഡിയോ എടുത്ത് സമൂഹ മാധ്യമത്തില്‍ പോസ്റ്റ് ചെയ്തത് വൈറലായിട്ടുണ്ട്.