വയനാട്ടിൽ ആയുധങ്ങളുമായി നാലംഗ സംഘം പിടിയിൽ; വലയിലായത് നിരവധി കേസുകളിലെ പ്രതികൾ

മാനന്തവാടി: മാനന്തവാടി തൊണ്ടർനാട് ആയുധങ്ങളുമായി സഞ്ചരിക്കുകയായിരുന്ന ക്വട്ടേഷൻ സംഘം പിടിയിൽ. കോഴിക്കോട് സ്വദേശികളായ പേരാമ്പ്ര പരപ്പില്‍ വീട് പ്രസൂണ്‍ (29), പേരാമ്പ്ര ചങ്ങരോത്ത് കുന്നോത്ത് വീട്ടില്‍ അരുണ്‍ (28), കുറ്റിയാടി പാലേരി തെക്കേ ചാലില്‍ വീട്ടില്‍ സംഗീത് (28), പേരാമ്പ്ര ഒതയോത്ത് മീത്തല്‍ വീട്ടില്‍ അഖില്‍ ആര്‍ (24) എന്നിവരെയാണ് തൊണ്ടർനാട് പോലീസ് അറസ്റ്റ് ചെയ്തത്.

Also Read: പോത്തിനെയും കാളയെയും കവര്‍ന്ന 'വെറൈറ്റി' കള്ളന്‍ പിടിയില്‍; സംഭവം കഠിനംകുളത്ത്

വടിവാളുമായി കാറില്‍ സഞ്ചരിക്കുന്നതിനിടെയാണ് നാലംഗ ക്വട്ടേഷന്‍ സംഘം തൊണ്ടര്‍നാട് പോലീസിന്‍റെ വലയിലായത്. വ്യാഴാഴ്ച രാത്രിയോടെ കൈ കാണിച്ചിട്ട് നിര്‍ത്താതെ പോയ കാര്‍ പിന്തുടര്‍ന്ന തൊണ്ടര്‍നാട് എസ്ഐഎയു ജയപ്രകാശും സംഘവുമാണ് സംഘത്തെ പിടികൂടിയത്. പ്രതികള്‍ക്കെതിരെ പേരാമ്പ്ര, കൊയിലാണ്ടി സ്‌റ്റേഷനുകളില്‍ വധശ്രമം, കവര്‍ച്ച തുടങ്ങി നിരവധി കേസുകളുണ്ട്. വയനാട്ടിൽ സംഘമെത്തിയത് അടക്കമുള്ള കാര്യങ്ങൾ വിശദമായി അന്വേഷിച്ച് വരുന്നതായി പോലീസ് പറഞ്ഞു.