തോൽപ്പെട്ടി ബേഗൂരിൽ പുള്ളിപ്പുലിയെ ചത്ത നിലയിൽ കണ്ടെത്തി

മാനന്തവാടി: വയനാട് തോൽപ്പെട്ടി ബേഗൂരിൽ പുള്ളിപുലിയെ ചത്ത നിലയിൽ കണ്ടെത്തി. നാല് വയസോളം പ്രായം തോന്നിക്കുന്ന പെണ്‍പുലിയാണ് ചത്തത്. വനം വകുപ്പ്‌ ബേഗൂര്‍ റേഞ്ചും വന്യജീവി സങ്കേതവും അതിര്‍ത്തി പങ്കിടുന്ന ബേഗൂര്‍ കൊല്ലി കോളനിക്ക് സമീപത്തായി ഇരുമ്പുപാലത്തിനടുത്തായി റോഡരികിലായാണ് പുലിയുടെ ജഡം കണ്ടെത്തിയത്. ചൊവ്വാഴ്ച രാത്രി എട്ടരയോടെയായിരുന്നു സംഭവം.

Also Read: കയ്യേറ്റം ചെയ്തെന്ന് തിരുവഞ്ചൂർ രാധാകൃഷ്ണനും സനീഷ് കുമാർ എംഎൽഎയും; നിയമസഭയിൽ പ്രതിഷേധം

തുടര്‍ന്ന് വൈല്‍ഡ് ലൈഫ് വാര്‍ഡന്‍ അബ്ദുള്‍ അസീസ് അടക്കമുള്ള ഉദ്യോഗസ്ഥർ സംഭവ സ്ഥലത്തെത്തി പ്രാഥമിക നടപടികള്‍ പൂര്‍ത്തിയാക്കി. പുലിയുടെ ജഡം പോസ്റ്റ്‌മോര്‍ട്ടത്തിനും തുടർ നടപടികൾക്കുമായി സുൽത്താൻ ബത്തേരിയിലെ വെറ്റിനറി ലാബിലേക്ക് മാറ്റി. വാഹനം ഇടിച്ചിട്ട് നിര്‍ത്താതെ പോയതാകാമെന്നാണ് സംശയിക്കുന്നത്. സംഭവത്തെ കുറിച്ച് വനംവകുപ്പ് അധികൃതര്‍ അന്വേഷിച്ചുവരികയാണ്.

വയനാട് ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം

Also Read: ചാലിയാറിൽ സഞ്ചരിക്കാൻ സ്വന്തമായി മിനി ഹൗസ് ബോട്ട് നിർമിച്ച് അലുഫ് ഷാഹിം; ബെഡ്റൂമും അറ്റാച്ചഡ് ബാത്റൂമും കിച്ചനും ഉൾപ്പെടെയുള്ള സൗകര്യങ്ങള്‍

Read Latest Local News and Malayalam News