മന്ത്രവാദത്തിലൂടെ രോഗം മാറ്റാമെന്ന് വാഗ്ദാനം; ആദിവാസി യുവതിയെ അയല്‍വാസി പീഡിപ്പിച്ചു! പ്രതിയായ യുവാവ് പിടിയിൽ

കല്‍പ്പറ്റ: കല്‍പ്പറ്റ നഗരപരിധിയില്‍ ആദിവാസി യുവതിയെ പീഡിപ്പിച്ചു. പണിയ വിഭാഗത്തില്‍പ്പെടുന്ന ദളിത് യുവതിയാണ് ദാരുണമായി പീഡനത്തിനിരയായത്. കല്‍പ്പറ്റയിലെ കോളനിയിലെ 32 കാരിയെയാണ് കഴിഞ്ഞ ദിവസം പകല്‍ സമയത്ത് അയല്‍വാസിയായ യുവാവ് പീഡിപ്പിച്ചത്. സംഭവത്തില്‍ യുവാവിനെ പിടികൂടി പോലീസില്‍ ഏല്‍പ്പിച്ചതായി നാട്ടുകാര്‍ പറഞ്ഞു. യുവതി നിലവില്‍ ആശുപത്രിയില്‍ ചികിത്സയിലാണ്. പോലീസ് സ്റ്റേഷന്റെ സമീപത്തായിട്ടും യുവതിയുടെ മൊഴി എടുക്കാന്‍ പോലീസ് തയാറായിട്ടില്ലെന്ന് പറയുന്നു. പ്രതിയുടെ അറസ്റ്റും രേഖപ്പെടുത്തിയിട്ടില്ല. സംഭവത്തില്‍ അന്വേഷണം നടക്കുന്നതേ ഉള്ളൂവെന്നാണ് കല്‍പ്പറ്റ പോലീസ് വ്യക്തമാക്കുന്നത്.

മുറിവേറ്റ കാട്ടാനക്ക് ചികിത്സ നല്‍കി വനത്തില്‍ വിട്ടു; പിടികൂടിയത് കുങ്കിയാനകളുടെ സഹായത്തോടെ; നിരീക്ഷണം തുടരുമെന്ന് വനം വകുപ്പ്

യുവതിയുടെ അമ്മ നേരത്തെ മരിച്ചതാണ്. വാര്‍ധക്യരോഗങ്ങളുമായി അച്ഛനും രോഗബാധിതനായ ഒരു സഹോദരനും കിടപ്പിലാണ്. മറ്റൊരു സഹോദരി രോഗബാധിതയായതിനാല്‍ ജോലിക്കൊന്നും പോകാന്‍ കഴിയാത്ത അവസ്ഥയിലും കഴിഞ്ഞുവരികയാണ്. മന്ത്രവാദത്തിലൂടെ രോഗം മാറ്റാമെന്ന് പറഞ്ഞ് കോളനിയിലെത്തിയ യുവാവ് സൗഹൃദം നടിച്ച് വീട്ടിലെത്തുകയും പിന്നീട് കിടപ്പിലായവര്‍ക്ക് കുഴമ്പ് എത്തിച്ച് നല്‍കുകയും ചെയ്തു. വീണ്ടും തിങ്കളാഴ്ച ആറ് മണിക്ക് വീട്ടിലെത്തിയ ഇയാള്‍ യുവതിയെ പീഡിപ്പിക്കുകയായിരുന്നുവെന്നാണ് പറയുന്നത്. രോഗം മാറാന്‍ പൂജ കഴിക്കണമെന്നും ഗുരുവായൂരില്‍ നിന്നും പൂജാ സാധനങ്ങള്‍ കൊണ്ടു വന്നിട്ടുണ്ടന്നും പറഞ്ഞാണ് ഇയാള്‍ വീട്ടിലെത്തിയതെന്നാണ് ബന്ധുക്കള്‍ പറയുന്നത്.

വയനാട്ടില്‍ നഗരസഭാ സാരഥികളായി; കേയംതൊടി മുജീബും, ടി കെ രമേശും, സി കെ രത്‌നവല്ലിയും ഭരണതലപ്പത്ത്

ഈ സമയം ബന്ധുവായ സഹോദരി രോഗിയായ സഹോദരനെ കുളിപ്പിക്കുകയായിരുന്നു. കുറേ സമയത്തിന് ശേഷം യുവതിയെ വിവസ്ത്രയായി അവശനിലയില്‍ വീട്ടിലെ ഒരു മുറിയില്‍ കണ്ടെത്തുകയായിരുന്നു. സംഭവത്തെ കുറിച്ച് വ്യക്തത വരുത്താന്‍ വിശദമായ അന്വേഷണം നടത്തണമെന്നാണ് നാട്ടുകാരുടെ ആവശ്യം. വിവരമറിയിച്ചിട്ടും പോലീസ് എത്താന്‍ വൈമനസ്യം കാട്ടിയെന്നും ബന്ധുക്കളാണ് രാത്രി പത്ത് മണിയോടെ യുവതിയെ ആശുപത്രിയിലെത്തിച്ചതെന്നുമാണ് കോളനിവാസികള്‍ നല്‍കുന്ന വിവരം. പ്രതിയെ രക്ഷിക്കാനുള്ള നീക്കം നടക്കുന്നതായി സംശയിക്കുന്നതായും കോളനിക്കാര്‍ പറയുന്നു.


വയനാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ


വയനാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ