തിരുനെല്ലിയില്‍ നായാട്ട് നടത്താൻ ശ്രമം; ഒരാള്‍ പിടിയിൽ, മൂന്ന് പേര്‍ ഓടി രക്ഷപ്പെട്ടു

മാനന്തവാടി: തിരുനെല്ലി ഫോറസ്റ്റ് സ്‌റ്റേഷന്‍ പരിധിയിലെ മല്ലികപ്പാറയില്‍ നായാട്ട് നടത്താനുള്ള ശ്രമത്തിടെ രൊള്‍ പിടിയിൽ. മാനന്തവാടി തോല്‍പ്പെട്ടി സ്വദേശി നടുക്കണ്ടി ഷാഫി (38) ആണ് വനംവകുപ്പ് ഉദ്യോഗസ്ഥരുടെ പിടിയിലായത്. ഇയാളിൽ നിന്ന് തോക്കും തിരകളും പിടിച്ചെടുത്തു.

Also Read: വലിച്ചാൽ കിളി പോകുക മാത്രമല്ല, കീശയും കീറും!! ലോക്ക് ഡൗണില്‍ കഞ്ചാവ് കിട്ടാനില്ല, കിലോയ്ക്ക് 50,000 വരെ വില, ഞെട്ടിക്കുന്ന വെളിപ്പെടുത്തൽ!

സംഭവത്തിൽ രണ്ട് പേർ ഓടി രക്ഷപ്പെട്ടു. തോല്‍പ്പെട്ടി സ്വദേശികളായ ഇമ്പായി എന്ന നൗഷാദ്, അബ്ദുള്‍റഹിം, സെയ്തലവി, എന്നിവരാണ് ഓടിരക്ഷപ്പെട്ടത്. ഷാഫിയില്‍ നിന്ന് തോക്കും, തിരകളും, കയറും ബാഗുമടക്കം പിടികൂടിയിട്ടുണ്ട്. രഹസ്യ വിവരത്തിന്റെ അടിസ്ഥാനത്തില്‍ ഇന്ന് പുലര്‍ച്ചെ നടത്തിയ പരിശോധനയിലാണ് പ്രതിയെ പിടികൂടിയതെന്നും മറ്റ് പ്രതികള്‍ക്കായി അന്വേഷണം ഊര്‍ജ്ജിതമാക്കിയതായും ബേഗൂര്‍ റെയ്ഞ്ച് ഓഫീസര്‍ വി രതീഷ് വ്യക്തമാക്കി. നേരത്തെ നടന്ന വേട്ട കേസുകളില്‍ പ്രതികള്‍ക്ക് ബന്ധമുണ്ടോയെന്ന കാര്യം വിശദമായി അന്വേഷിച്ച് വരുന്നതായും അധികൃതർ പറഞ്ഞു.

Also Read: വയനാടിന് ആശ്വാസദിനം; അഞ്ച് പേര്‍ക്ക് കൊവിഡ് മുക്തി! ഇനി ചികിത്സയില്‍ 11 പേര്‍ കൂടി...

തിരുനെല്ലി ഫോറസ്റ്റ് സ്‌റ്റേഷന്‍ ഡെപ്യൂട്ടി റെയിഞ്ച് എം പി ജയപ്രസാദ്, സെക്ഷന്‍ ഫോറസ്റ്റ് ഓഫിസര്‍മാരായ കെ ശ്രീജിത്ത്, വി കെ ദമോദരന്‍, എം മാധവന്‍, ബീറ്റ് ഫോറസ്റ്റ് ഓഫിസര്‍മാരയ ശരത് ശശി, കൃഷ്ണപ്രകാശ്, രമേഷ്, അജ്മല്‍ ഇടക്കണ്ടി എന്നിവരും സംഘത്തിലുണ്ടായിരുന്നു. വയനാട്ടില്‍ അടുത്തിടെ ഏതാനം വന്യമൃഗവേട്ടകേസുകള്‍ റിപ്പോര്‍ട്ട് ചെയ്തിട്ടുണ്ട്. അടുത്തിടെ മേപ്പാടിയില്‍ വെച്ച് നടന്ന മൃഗവേട്ടക്കേസില്‍ കല്‍പ്പറ്റ മണിയങ്കോട് സ്വദേശികള്‍ പിടിയിലായിരുന്നു.

Also Read: മലപ്പുറത്ത് സൗജന്യ കോഴി ഇറച്ചി വിതരണം! വിലക്കയറ്റത്തെ നേരിടാൻ മുസ്ലീം ലീഗ്