മാനന്തവാടി: കുടുംബസ്വത്തുമായി ബന്ധപ്പെട്ട തർക്കത്തെ തുടർന്ന് വയനാട് മാനന്തവാടിയിൽ മരത്തിൽ കയറി യുവാവിന്റെ ആത്മഹത്യാ ഭീഷണി. മാനന്തവാടി ടൗണിലെ ഗുഡ്സ് ഓട്ടോറിക്ഷാ ഡ്രൈവറും പരിയാരംകുന്ന് സ്വദേശിയുമായ തോട്ടുങ്കൽ ശ്രീനു (43) ആണ് എല്ലാവരെയും മുൾമുനയിൽ നിർത്തി ആത്മഹത്യാഭീഷണി മുഴക്കിയത്. പോലീസ്, അഗ്നിരക്ഷാ ഉദ്യോഗസ്ഥരും നാട്ടുകാരും സ്ഥലത്തെത്തിയിരുന്നു. വെള്ളിയാഴ്ച വൈകിട്ട് മുന്ന് മണിയോടെയാണ് സംഭവം.
കുടുംബസ്വത്തായ 37.5 സെന്റ് ഭൂമിയിൽ തനിക്ക് അർഹതപ്പെട്ട കുറച്ചു സ്വത്ത് അച്ഛന്റെ കുടുംബത്തിലുള്ള ചിലർ കൈയ്യേറിയെന്നാണ് ശ്രീനു ഉന്നയിക്കുന്ന ആരോപണം. മരത്തിൽ നിന്ന് താഴെയിറങ്ങിയ ശേഷം സ്വത്തുമായി ബന്ധപ്പെട്ട കാര്യങ്ങൾ ശ്രീനു പോലീസ് ഉദ്യോഗസ്ഥരോട് വിവരിച്ചു. ഇരുവിഭാഗത്തിനോടും സ്റ്റേഷനിൽ ഹാജരാകാൻ ആവശ്യപ്പെട്ടതിന് ശേഷമാണ് പോലീസും അഗ്നിരക്ഷാ ഉദ്യോഗസ്ഥരും സംഭവസ്ഥലത്ത് നിന്നും മടങ്ങിയത്.
Read Latest Local News and Malayalam News
വയനാട് ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം