കല്പ്പറ്റ: ആംബുലന്സില് കഞ്ചാവുമായി പോകുകയായിരുന്ന രണ്ട് പേരെ പോലീസ്
അറസ്റ്റ് ചെയ്തു. കോഴിക്കോട് സ്വദേശികളായ കൊടുവള്ളി കൊതൂര് വീട്ടില് അബ്ദുള്ളയുടെ മകന് റിയാസ്(36), കുറുവാറ്റുര് കുഞ്ഞങ്ങല് വീട്ടില് പക്കറിന്റെ മകന് ഹലീല്(35) എന്നിവരെയാണ് രഹസ്യവിവരത്തിന്റെ അടിസ്ഥാനത്തില് ജില്ലാ പോലീസ് മേധാവി ആര് ഇളങ്കോയുടെ നിര്ദ്ദേശപ്രകാരം വയനാട് നാര്ക്കോട്ടിക്സ് സെല് ഡിവൈഎസ്പി റജികുമാറും ജില്ലയിലെ ആന്റി നര്ക്കോട്ടിക് സെല് അംഗങ്ങളും ചേര്ന്ന് അറസ്റ്റ് ചെയ്തത്.
ഷോക്കേറ്റ് മരിച്ച അന്യസംസ്ഥാന തൊഴിലാളിയുടെ മൃതദേഹവുമായി കോഴിക്കോട് നിന്നും മധ്യപ്രദേശിലേക്ക് പോയി തിരികെ വരികയായിരുന്ന കെ എല് 11 ആര് 1803 നമ്പര് ആംബുലന്സിന്റെ ഡ്രൈവറെയും സഹായിയെയുമാണ് കഞ്ചാവുമായി കല്പ്പറ്റ ബൈപാസില് നിന്നും പോലീസ് അറസ്റ്റ് ചെയ്തത്. ഇവര്ക്കെതിരെ കേസ് രജിസ്റ്റര് ചെയ്തു.
Also Read: അഞ്ജനയുടെ മരണം കൊലപാതകമെന്ന് സംശയം; പീഡിപ്പിക്കപ്പെട്ടെന്ന സൂചന നല്കിയിരുന്നു, മയക്കുമരുന്ന് ഉപയോഗം... മാതാവിന്റെ പരാതി ഇങ്ങനെ!
ചൊവ്വാഴ്ച ഉച്ചയ്ക്ക് 1.30ന് നടത്തിയ പരിശോധനയിലാണ് കല്പ്പറ്റ ബൈപാസില് നിന്നാണ് കഞ്ചാവുമായി പ്രതികളെ അറസ്റ്റ് ചെയ്തത്. വരും ദിവസങ്ങളിലും അന്യ സംസ്ഥാനത്ത് നിന്നും വരുന്ന വാഹനങ്ങളില് പരിശോധന ശക്തമാക്കുമെന്നും ഇത്തരക്കാര്ക്കെതിരെ കര്ശനനിയമ നടപടികളുമായി മുന്നോട്ട് പോകുമെന്നും ജില്ലാ പോലീസ് മേധാവി അറിയിച്ചു. കഴിഞ്ഞ ദിവസം കാട്ടിക്കുളത്ത് വെച്ച് മദ്യവും പാന്മസാലകളും പിടികൂടിയിരുന്നു. ഈ കേസില് രണ്ട് പേരാണ് പിടിയിലായത്.