One More Covid 19 Case Reported In Wayanad On Today
വയനാട്ടില്‍ ഒരാള്‍ക്ക് കൂടി കൊവിഡ്; രോഗം സ്ഥിരീകരിച്ചത് മഹാരാഷ്ട്രയില്‍ നിന്നെത്തിയ 53 കാരന്‌
വയനാട് ജില്ലയിൽ ഒരാൾക്ക് കൂടി കൊവിഡ് സ്ഥിരീകരിച്ചു. മഹാരാഷ്ട്രയില്‍ നിന്നും എത്തിയ ബത്തേരി സ്വദേശിയായ 53 കാരനാണ് രോഗം സ്ഥിരീകരിച്ചത്. കഴിഞ്ഞ ദിവസവും ജില്ലയിൽ ഒരു കൊവിഡ് കേസ് റിപ്പോർട്ട് ചെയ്തിരുന്നു.
Lipi14 Jun 2020, 10:47 pm
കല്‍പ്പറ്റ: വയനാട്ടില്‍ ഒരാള്‍ക്ക് കൂടി കൊവിഡ് സ്ഥിരീകരിച്ചു. ജൂണ്‍ മൂന്നിന് മഹാരാഷ്ട്രയില്‍ നിന്നും നാട്ടിലെത്തി നിരീക്ഷണത്തില്‍ കഴിയുകയായിരുന്ന ബത്തേരി ചുള്ളിയോട് സ്വദേശിയായ 53കാരനാണ് രോഗം സ്ഥിരീകരിച്ചത്. ശനിയാഴ്ചയും ജില്ലയില്‍ ഒരാള്‍ക്ക് രോഗം സ്ഥിരീകരിച്ചിരുന്നു.
മഹാരാഷ്ട്രയില്‍ നിന്നും ജൂണ്‍ ഒന്നിന് തീവണ്ടി മാര്‍ഗം കേരളത്തിലെത്തി ഇന്‍സ്റ്റിറ്റ്യൂഷണല്‍ ക്വാറൻ്റൈനിൽ കഴിഞ്ഞുവരികയായിരുന്ന മക്കിയാട് സ്വദേശിക്കായിരുന്നു ശനിയാഴ്ച രോഗം സ്ഥിരീകരിച്ചത്. മാനന്തവാടി ജില്ലാ ആശുപത്രിയില്‍ ചികിത്സയില്‍ കഴിയുകയായിരുന്ന ഒരാള്‍ കൂടി ഇന്ന് രോഗമുക്തി നേടി ആശുപത്രി വിട്ടു. ഖത്തറില്‍ നിന്ന് ജില്ലയിലെത്തി മെയ് 28 മുതല്‍ ജില്ലാ ആശുപത്രിയില്‍ ചികിത്സയിലായിരുന്ന പൂതാടി സ്വദേശിയായ 28 കാരനാണ് രോഗം ഭേദമായി ആശുപത്രി വിട്ടത്. അതേസമയം സുല്‍ത്താന്‍ ബത്തേരി നഗരസഭയെ പൂര്‍ണമായയും കണ്ടെയ്മെൻ്റ് സോണിൽ നിന്നും ഒഴിവാക്കി. നേരത്തെ കണ്ടെയ്മെൻ്റ് സോണില്‍ നിന്നും ഒഴിവാക്കാതെ നിലനിര്‍ത്തിയിരുന്ന വാര്‍ഡുകളെയാണ് ഇപ്പോള്‍ ഒഴിവാക്കിയിട്ടുള്ളത്. ബത്തേരി നഗരസഭയിലെ 6, 7, 9, 10, 11, 12, 13, 14, 15, 16, 22, 23, 24, 32 വാര്‍ഡുകളെയാണ് കണ്ടെയ്മെൻ്റ് സോണില്‍ നിന്നും ഒഴിവാക്കിയത്.
കൊവിഡ്-19 ജാഗ്രതാ പാസില്‍ കൃത്രിമം നടത്തി സംസ്ഥാനത്തേക്ക് കടക്കാന്‍ ശ്രമിച്ചതിന് മുത്തങ്ങയില്‍ ഒരു വിദേശി പിടിയിലായി. സ്വിറ്റ്‌സര്‍ലൻ്റ് സ്വദേശി ഡേവിഡ് സ്റ്റെയ്‌നര്‍ (36) ആണ് പിടിയിലായത്. മൂന്നംഗ സംഘം ശനിയാഴ്ച വൈകിട്ടോടെയാണ് തമിഴ്‌നാട്ടില്‍ നിന്നും മുത്തങ്ങ അതിര്‍ത്തിയിലെത്തിയത്. കൂടെയുണ്ടായിരുന്ന രണ്ട് പേര്‍ക്ക് പാസുണ്ടായിരുന്നു. എന്നാല്‍ സ്വിസ് പൗരനായ ഡേവിഡിൻ്റെ പാസ് വ്യാജമാണെന്ന് കണ്ടെത്തുകയായിരുന്നു. തുടര്‍ന്ന് സുല്‍ത്താന്‍ ബത്തേരി പോലീസ് സ്ഥലത്തെത്തി കേസെടുത്ത് നിരീക്ഷണത്തിലാക്കി. കഴിഞ്ഞ ദിവസം പേരാമ്പ്ര സ്വദേശികളായ രണ്ട് സ്ത്രീകളും നാല് പുരുഷന്മാരും ഉള്‍പ്പെടെ മുത്തങ്ങയില്‍ പിടിയിലായിരുന്നു. ഇതുവരെ പാസ് തിരുത്തിയതുമായി ബന്ധപ്പെട്ട് ഒൻപത് പേരാണ് മുത്തങ്ങയില്‍ പിടിയിലായത്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
