പുൽപ്പള്ളി: റിസോർട്ടിൽ ലഹരി പാർട്ടി നടത്തിയ യുവാക്കൾ പോലീസ് പിടിയിൽ. പുൽപ്പള്ളി സ്റ്റേഷൻ പരിധിയിലെ സ്വകാര്യ റിസോർട്ടിൽ റൂമെടുത്ത ഒമ്പത് പേരിൽ നിന്നും 2.42 ഗ്രാം ഹാഷിഷ് ഓയിലടക്കം പുൽപ്പള്ളി ഇൻസ്പെക്ടർ അനന്തകൃഷണന്റെ നേതൃത്വത്തിലുള്ള പോലീസ് സംഘമാണ് പിടികൂടിയത്.
വയനാട് ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
വടകര കോട്ടപ്പള്ളി വള്ളിയാട് പയിങ്ങാട്ട് വീട്ടിൽ ബിവിൻ (32), വടകര കോട്ടപ്പള്ളി വള്ളിയാട് കിഴക്കേച്ചാലിൽ ഹൗസ് നിധീഷ് (27), വടകര കോട്ടപ്പള്ളി വള്ളിയാട് മാളികത്താഴെ വീട്ടിൽ മിഥുൻ (29), വടകര കോട്ടപ്പള്ളി പുത്തൻകോയിലോത്ത് വിഷ്ണു (27), വടകര കോട്ടപ്പള്ളി അക്ഷയ് (24), വടകര കോട്ടപ്പള്ളി വള്ളിയാട് വാനക്കണ്ടിപ്പൊയിൽ വീട്ടിൽ വിഷ്ണു (26), വടകര കോട്ടപ്പള്ളി വരവുകണ്ടിയിൽ വീട്ടിൽ സംഗീത് (29), വടകര വള്ളിയാട് ജിതിൻ (31), വടകര വള്ളിയാട് റെജീഷ് (32) എന്നിവരാണ് പിടിയിലായത്.
കെ എൽ 11 എ ബി 4276 നമ്പർ ഇന്നോവ കാറും പോലീസ് കസ്റ്റഡിയിൽ എടുത്തിട്ടുണ്ട്. ഇവർക്കെതിരെ എൻഡിപിഎസ് നിയമപ്രകാരം പ്രകാരം കേസ്സ് രജിസ്റ്റർ ചെയ്തു. എസ്സിപിഒ അബ്ദുൽ നാസർ, സിപിഒമാരായ പ്രജീഷ്, പ്രവീൺ, വിജിത മോൾ എന്നിവരും പ്രതികളെ പിടികൂടിയ സംഘത്തിൽ ഉണ്ടായിരുന്നു.