കല്‍പ്പറ്റ: കൊവിഡ് നിയന്ത്രണങ്ങള്‍ക്ക് പിന്നാലെ ലോക്ക് ഡൗണ്‍ കൂടി പ്രഖ്യാപിച്ചതോടെ കച്ചവടമില്ലാതായ
ജില്ലയിലെ ചെറുകിട വസ്ത്ര വ്യാപാരികള്‍ അടച്ചുപൂട്ടലിൻ്റെ വക്കില്‍. കല്‍പ്പറ്റ, സുല്‍ത്താന്‍ ബത്തേരി, മാനന്തവാടി, മീനങ്ങാടി, പുല്‍പ്പള്ളി, മേപ്പാടി അടക്കമുള്ള ടൗണുകളില്‍ നിരവധി വസ്ത്ര വ്യാപാരികളാണ് നിത്യവാടകയ്ക്ക് കട നടത്തിവരുന്നത്. പ്രധാന ടൗണുകളില്‍ 900 മുതല്‍ 1500 രൂപ വരെ ദിവസവാടക നല്‍കി കടകള്‍ നടത്തുന്ന വ്യാപാരികളും വയനാട്ടിലുണ്ട്. ലോക്ക് ഡൗണ്‍ പ്രഖ്യാപിച്ചത് മുതല്‍ ഈ വ്യാപാരികള്‍ യാതൊരു വരുമാനവുമില്ലാതെ വാടക നല്‍കി വരികയാണ്.
വസ്ത്ര വ്യാപാരികള്‍ക്ക് പൊതുവെ കച്ചവടമുണ്ടാകാറുള്ള ഈസ്റ്റര്‍, വിഷു, പെരുന്നാള്‍ കച്ചവടങ്ങള്‍ ഇത്തവണ നടന്നില്ലെന്ന് തന്നെ പറയാം. നിയന്ത്രണങ്ങള്‍ നിലനില്‍ക്കുന്നതിനാല്‍ ഭൂരിഭാഗമാളുകളും കടകളിലെത്തിയില്ല. ആഘോഷദിനത്തില്‍ പോലും പുറത്തിറങ്ങാന്‍ സാധിക്കാത്ത അവസ്ഥയായിരുന്നതിനാലും, സാമ്പത്തിക പ്രയാസം നിലനില്‍ക്കുന്നതിനാലും പുത്തന്‍ വസ്ത്രങ്ങള്‍ ഇത്തവണ വേണ്ടെന്ന് വെച്ചവരാണ് ജില്ലയില ഭൂരിഭാഗം പേരും. സാധാരണ ചെറിയ പെരുന്നാളിനോട് അനുബന്ധിച്ചാണ് വസ്ത്ര വ്യാപാര സ്ഥാപനങ്ങളില്‍ ഏറ്റവുമധികം തിരക്ക് അനുഭവപ്പെടാറുള്ളത്. കൊവിഡ് രണ്ടാം തരംഗത്തെ തുടര്‍ന്ന് കടുത്ത നിയന്ത്രണങ്ങളോടെയായിരുന്നു ഇത്തവണ വസ്ത്ര വ്യാപാര സ്ഥാപനങ്ങള്‍ തുറന്നുപ്രവര്‍ത്തിച്ചിരുന്നത്. തിരക്ക് കൂടിയാല്‍ അധികൃതരുടെ ഭാഗത്ത് നിന്നും പിഴയിടാക്കുമെന്നതിനാല്‍ തന്നെ ഒരേസമയം, മൂന്നും നാലും പേരെ മാത്രമായിരുന്നു കടകളിലേക്ക് പ്രവേശിപ്പിച്ചിരുന്നത്. കണ്ടൈന്റ്‌മെന്റ് സോണ്‍ പ്രഖ്യാപിച്ചിരുന്ന സ്ഥലങ്ങളില്‍ ഇതുമുണ്ടായില്ല.
ഇത്തവണ ഏപ്രില്‍ ആദ്യം തന്നെ ആഘോഷങ്ങളുടെ ഭാഗമായി വസ്ത്രങ്ങള്‍ സ്റ്റോക്ക് ചെയ്തിരുന്നുവെന്ന് പുല്‍പ്പള്ളിയിലെ സിറ്റി റെഡിമെയ്ഡ്‌സ് ഉടമകളായ ടോമി മാത്യുവും ഭാര്യ ഷൈബി ടോമിയും പറയുന്നു. ബെംഗളൂരു, എറണാകുളം, കോഴിക്കോട് അടക്കമുള്ള സ്ഥലങ്ങളില്‍ നിന്നുമെത്തിച്ച വസ്ത്രങ്ങള്‍ ഇപ്പോഴും വില്‍ക്കാനാവാതെ കിടക്കുകയാണ്. യാതൊരു വരുമാനവുമില്ലാതെ കടക്ക് വാടക നല്‍കേണ്ട അവസ്ഥയാണുള്ളതെന്നും കഴിഞ്ഞ രണ്ടര പതിറ്റാണ്ടുകാലമായി വസ്ത്ര വ്യാപാരം നടത്തുന്ന ഇരുവരും വ്യക്തമാക്കുന്നു. ചെറുകിട വസ്ത്ര വ്യാപാര രംഗത്ത് ഏതാനും വര്‍ഷങ്ങളായി നിരവധി യുവതീയുവാക്കളാണ് സ്വയംതൊഴില്‍ വായ്പയെടുത്തും മറ്റും എത്തിയത്. ജെൻഡ്സ്, ലേഡീസ് ഷോപ്പുകള്‍ നടത്തിവരുന്ന നൂറ് കണക്കിന് പേരാണ് സമാനമായ പ്രതിസന്ധി അഭിമുഖീകരിച്ചിരിക്കുന്നത്. പലരുടേയും ബാങ്ക് അടവുകള്‍ ഇതിനകം തന്നെ മുടങ്ങിക്കഴിഞ്ഞു.
സ്റ്റോക്ക് ചെയ്ത വസ്ത്രങ്ങള്‍ ലോക്ക് ഡൗണ്‍ മാറിയാല്‍ പോലും വില്‍ക്കാനാവാത്ത സാഹചര്യമാണുള്ളത്. ജനങ്ങളൊന്നാകെ ജോലിയും മറ്റുമില്ലാതെ പ്രതിസന്ധിയിലായിരിക്കുന്ന അവസ്ഥയില്‍ വസ്ത്ര വ്യാപാര സ്ഥാപനങ്ങളില്‍ ആളുകളെത്താന്‍ ഇനിയും സമയമെടുക്കുമെന്നും ചില വ്യാപാരികള്‍ ചൂണ്ടിക്കാട്ടുന്നു. കഴിഞ്ഞ ലോക്ക് ഡൗണ്‍ സമയത്ത് പല ഉടമകളും വാടകയിനത്തില്‍ ഇളവുകള്‍ നല്‍കിയിരുന്നുവെങ്കിലും, ഇത്തവണയതുമുണ്ടായില്ല. വൈദ്യുതിചാര്‍ജ് അടക്കമുള്ള ചെലവുകള്‍ കൂടിയാകുമ്പോള്‍ പ്രതിമാസം നല്ലൊരു തുകയാണ് ഓരോ വ്യാപാരിക്കും നഷ്ടമായിക്കൊണ്ടിരിക്കുന്നത്. വസ്ത്ര വ്യാപാരം അടക്കമുള്ള ചെറുകിട സംരംഭകരെ കടബാധ്യതയില്‍ നിന്നും രക്ഷിക്കാന്‍ പലിശരഹിത വായ്പകളോ, കുറഞ്ഞ പലിശയിലുള്ള വായ്പകളോ നല്‍കാന്‍ അധികൃതര്‍ നടപടി സ്വീകരിക്കണമെന്നാണ് പല വ്യാപാരികളുടെയും ആവശ്യം.
വയനാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
വയനാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
ജില്ലയിലെ ചെറുകിട വസ്ത്ര വ്യാപാരികള്‍ അടച്ചുപൂട്ടലിൻ്റെ വക്കില്‍. കല്‍പ്പറ്റ, സുല്‍ത്താന്‍ ബത്തേരി, മാനന്തവാടി, മീനങ്ങാടി, പുല്‍പ്പള്ളി, മേപ്പാടി അടക്കമുള്ള ടൗണുകളില്‍ നിരവധി വസ്ത്ര വ്യാപാരികളാണ് നിത്യവാടകയ്ക്ക് കട നടത്തിവരുന്നത്. പ്രധാന ടൗണുകളില്‍ 900 മുതല്‍ 1500 രൂപ വരെ ദിവസവാടക നല്‍കി കടകള്‍ നടത്തുന്ന വ്യാപാരികളും വയനാട്ടിലുണ്ട്. ലോക്ക് ഡൗണ്‍ പ്രഖ്യാപിച്ചത് മുതല്‍ ഈ വ്യാപാരികള്‍ യാതൊരു വരുമാനവുമില്ലാതെ വാടക നല്‍കി വരികയാണ്.
വസ്ത്ര വ്യാപാരികള്‍ക്ക് പൊതുവെ കച്ചവടമുണ്ടാകാറുള്ള ഈസ്റ്റര്‍, വിഷു, പെരുന്നാള്‍ കച്ചവടങ്ങള്‍ ഇത്തവണ നടന്നില്ലെന്ന് തന്നെ പറയാം. നിയന്ത്രണങ്ങള്‍ നിലനില്‍ക്കുന്നതിനാല്‍ ഭൂരിഭാഗമാളുകളും കടകളിലെത്തിയില്ല. ആഘോഷദിനത്തില്‍ പോലും പുറത്തിറങ്ങാന്‍ സാധിക്കാത്ത അവസ്ഥയായിരുന്നതിനാലും, സാമ്പത്തിക പ്രയാസം നിലനില്‍ക്കുന്നതിനാലും പുത്തന്‍ വസ്ത്രങ്ങള്‍ ഇത്തവണ വേണ്ടെന്ന് വെച്ചവരാണ് ജില്ലയില ഭൂരിഭാഗം പേരും. സാധാരണ ചെറിയ പെരുന്നാളിനോട് അനുബന്ധിച്ചാണ് വസ്ത്ര വ്യാപാര സ്ഥാപനങ്ങളില്‍ ഏറ്റവുമധികം തിരക്ക് അനുഭവപ്പെടാറുള്ളത്. കൊവിഡ് രണ്ടാം തരംഗത്തെ തുടര്‍ന്ന് കടുത്ത നിയന്ത്രണങ്ങളോടെയായിരുന്നു ഇത്തവണ വസ്ത്ര വ്യാപാര സ്ഥാപനങ്ങള്‍ തുറന്നുപ്രവര്‍ത്തിച്ചിരുന്നത്. തിരക്ക് കൂടിയാല്‍ അധികൃതരുടെ ഭാഗത്ത് നിന്നും പിഴയിടാക്കുമെന്നതിനാല്‍ തന്നെ ഒരേസമയം, മൂന്നും നാലും പേരെ മാത്രമായിരുന്നു കടകളിലേക്ക് പ്രവേശിപ്പിച്ചിരുന്നത്. കണ്ടൈന്റ്‌മെന്റ് സോണ്‍ പ്രഖ്യാപിച്ചിരുന്ന സ്ഥലങ്ങളില്‍ ഇതുമുണ്ടായില്ല.
ഇത്തവണ ഏപ്രില്‍ ആദ്യം തന്നെ ആഘോഷങ്ങളുടെ ഭാഗമായി വസ്ത്രങ്ങള്‍ സ്റ്റോക്ക് ചെയ്തിരുന്നുവെന്ന് പുല്‍പ്പള്ളിയിലെ സിറ്റി റെഡിമെയ്ഡ്‌സ് ഉടമകളായ ടോമി മാത്യുവും ഭാര്യ ഷൈബി ടോമിയും പറയുന്നു. ബെംഗളൂരു, എറണാകുളം, കോഴിക്കോട് അടക്കമുള്ള സ്ഥലങ്ങളില്‍ നിന്നുമെത്തിച്ച വസ്ത്രങ്ങള്‍ ഇപ്പോഴും വില്‍ക്കാനാവാതെ കിടക്കുകയാണ്. യാതൊരു വരുമാനവുമില്ലാതെ കടക്ക് വാടക നല്‍കേണ്ട അവസ്ഥയാണുള്ളതെന്നും കഴിഞ്ഞ രണ്ടര പതിറ്റാണ്ടുകാലമായി വസ്ത്ര വ്യാപാരം നടത്തുന്ന ഇരുവരും വ്യക്തമാക്കുന്നു. ചെറുകിട വസ്ത്ര വ്യാപാര രംഗത്ത് ഏതാനും വര്‍ഷങ്ങളായി നിരവധി യുവതീയുവാക്കളാണ് സ്വയംതൊഴില്‍ വായ്പയെടുത്തും മറ്റും എത്തിയത്. ജെൻഡ്സ്, ലേഡീസ് ഷോപ്പുകള്‍ നടത്തിവരുന്ന നൂറ് കണക്കിന് പേരാണ് സമാനമായ പ്രതിസന്ധി അഭിമുഖീകരിച്ചിരിക്കുന്നത്. പലരുടേയും ബാങ്ക് അടവുകള്‍ ഇതിനകം തന്നെ മുടങ്ങിക്കഴിഞ്ഞു.
സ്റ്റോക്ക് ചെയ്ത വസ്ത്രങ്ങള്‍ ലോക്ക് ഡൗണ്‍ മാറിയാല്‍ പോലും വില്‍ക്കാനാവാത്ത സാഹചര്യമാണുള്ളത്. ജനങ്ങളൊന്നാകെ ജോലിയും മറ്റുമില്ലാതെ പ്രതിസന്ധിയിലായിരിക്കുന്ന അവസ്ഥയില്‍ വസ്ത്ര വ്യാപാര സ്ഥാപനങ്ങളില്‍ ആളുകളെത്താന്‍ ഇനിയും സമയമെടുക്കുമെന്നും ചില വ്യാപാരികള്‍ ചൂണ്ടിക്കാട്ടുന്നു. കഴിഞ്ഞ ലോക്ക് ഡൗണ്‍ സമയത്ത് പല ഉടമകളും വാടകയിനത്തില്‍ ഇളവുകള്‍ നല്‍കിയിരുന്നുവെങ്കിലും, ഇത്തവണയതുമുണ്ടായില്ല. വൈദ്യുതിചാര്‍ജ് അടക്കമുള്ള ചെലവുകള്‍ കൂടിയാകുമ്പോള്‍ പ്രതിമാസം നല്ലൊരു തുകയാണ് ഓരോ വ്യാപാരിക്കും നഷ്ടമായിക്കൊണ്ടിരിക്കുന്നത്. വസ്ത്ര വ്യാപാരം അടക്കമുള്ള ചെറുകിട സംരംഭകരെ കടബാധ്യതയില്‍ നിന്നും രക്ഷിക്കാന്‍ പലിശരഹിത വായ്പകളോ, കുറഞ്ഞ പലിശയിലുള്ള വായ്പകളോ നല്‍കാന്‍ അധികൃതര്‍ നടപടി സ്വീകരിക്കണമെന്നാണ് പല വ്യാപാരികളുടെയും ആവശ്യം.
വയനാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
വയനാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ