കൽപ്പറ്റ: വയനാട് അമ്പലവയല് അമ്പുകുത്തി ഭാഗത്ത് കഴിഞ്ഞ ഒന്നാം തീയതി കെണിയില്പെട്ട് കടുവ ചത്ത സംഭവത്തിൽ നാഷണല് ടൈഗര് കണ്സര്വേഷന് അതോറിറ്റി സംസ്ഥാന ചീഫ് വൈല്ഡ് ലൈഫ് വാര്ഡനില് നിന്നും റിപ്പോര്ട്ട് ആവശ്യപ്പെട്ടിരുന്നതായും, ഇതിന്റെ ഭാഗമായി മരണപ്പെട്ട ഹരികുമാറില് നിന്നും വിവരങ്ങള് അന്വേഷിച്ചിരുന്നുവെന്നും അദ്ദേഹം കേസില് പ്രതിയല്ലന്നും വകുപ്പിന് വിവരം നല്കിയ ഒരു പൗരന് മാത്രമാണെന്നും മന്ത്രി എ.കെ ശശീന്ദ്രൻ. ഹരികുമാര് ആത്മഹത്യ ചെയ്ത സംഭവവുമായി ബന്ധപ്പെട്ട് ചില ഭാഗത്തു നിന്നും വനംവകുപ്പ് ഉദ്യോഗസ്ഥര്ക്കെതിരെ ആരോപണങ്ങള് ഉയരുന്നുണ്ട്. ഈ ആരോപണം സംബന്ധിച്ച് വനം വിജിലന്സ് വിഭാഗം അന്വേഷിക്കുന്നുവെന്നും അദ്ദേഹം വ്യക്തമാക്കി.
അതേ സമയം, കടുവ ചത്ത സംഭവത്തിന്റെ ആദ്യ ദൃക്സാക്ഷിയായ ഹരികുമാർ ആത്മഹത്യ ചെയ്ത സംഭവത്തിൽ സമഗ്രമായ അന്വേഷണം നടത്തി കുറ്റക്കാരായ ഉദ്യോഗസ്ഥരുണ്ടെങ്കിൽ അവരെ കണ്ടെത്തി നടപടി സ്വീകരിക്കണമെന്ന് ഐസി ബാലകൃഷ്ണൻ എംഎൽഎ ആവശ്യപ്പെട്ടു. ഈ ആവശ്യം വ്യക്തമാക്കികൊണ്ട് വകുപ്പ് മന്ത്രിക്ക് ഐസി ബാലകൃഷ്ണൻ എംഎൽഎ നേരിട്ട് കത്തു നൽകി.
വയനാട് ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News