അമ്പലവയൽ (Wayanad): വയനാട് അമ്പലവയലിൽ ആസിഡ് ആക്രമണത്തിൽ പരിക്കേറ്റ് കോഴിക്കോട് മെഡിക്കൽ കോളേജിൽ ചികിൽസയിൽ കഴിക്കുകയായിരുന്ന വീട്ടമ്മ മരിച്ചു. അമ്പലവയല് ആറാട്ടുപാറ ഫാന്റംറോക്കിന് സമീപം താമസിച്ചു വരികയായിരുന്ന കണ്ണൂര് ഇരട്ടി സ്വദേശികളായ ലിജിത(38) ആണ് മരിച്ചത്. ഗുരുതര പരിക്കേറ്റ മകള് അളകനന്ദ(10) കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലാണ്.
ജനുവരി 15 നാണ് ഭർത്താവ് സനിൽകുമാർ ലിജിതയ്ക്കും മകൾ അളകനന്ദയ്ക്കും മേൽ ആസിഡ് ഒഴിച്ചത്. ഗുരുതര പരിക്കേറ്റ ഇരുവരും മെഡിക്കൽ കോളജിൽ ചികിൽസയിലിരിക്കെ ഇന്ന് രാവിലെ ഏഴ് മണിയോടെയാണ് ലിജിത മരിച്ചത്. സംഭവത്തിന് ശേഷം കാണാതായ സനിൽ കുമാറിനെ തലശ്ശേരിയിൽ റെയിൽവേ ട്രാക്കിൽ ആത്മഹത്യ ചെയ്ത നിലയിൽ കണ്ടെത്തിയിരുന്നു. കുടുംബവഴക്കായിരുന്നു ആക്രമണത്തിന് കാരണമെന്നാണ് കരുതുന്നത്. ഒന്നര മാസമായി ലിജിതയും മകളും അമ്പലവയല് ഫാന്റംറോക്കിന്റെ കവാടത്തില് ബേക്കറിയും കൂള്ബാറുമടങ്ങുന്ന ചെറിയകട നടത്തിവരുകയായിരുന്നു. ഇവിടെ തന്നെയായിരുന്നു ഇരുവരും താമസിച്ചുവന്നിരുന്നത്. ലിജിതയും മകളുമായി സനില് അകന്ന് കഴിയുകയായിരുന്നു.
സംഭവം നടക്കുന്നതിൻ്റെ തലേദിവസം രാത്രി സനിൽ വീട്ടിലെത്തി ഇവരുമായി ബഹളമുണ്ടാക്കിയിരുന്നു. ഇക്കാര്യം പ്രദേശവാസികൾ പോലീസില് അറിയിച്ചിരുന്നു. ആക്രമണത്തിനുശേഷം പ്രതി ഇരുചക്രവാഹനത്തില് കടന്നുകളയുകയായിരുന്നു. സനിലിനായി പോലീസ് കണ്ണൂരിലടക്കം അന്വേഷണം ഊര്ജിതമാക്കുന്നതിനിടെയാണ് തലശേരിയിലെ റെയിൽവെ ട്രാക്കിൽ മരിച്ച നിലയിൽ കണ്ടെത്തുന്നത്.
Topic: Ambalavayal Acid Attack, Wayanad Acid Attack, Acid Attack Death
ജനുവരി 15 നാണ് ഭർത്താവ് സനിൽകുമാർ ലിജിതയ്ക്കും മകൾ അളകനന്ദയ്ക്കും മേൽ ആസിഡ് ഒഴിച്ചത്. ഗുരുതര പരിക്കേറ്റ ഇരുവരും മെഡിക്കൽ കോളജിൽ ചികിൽസയിലിരിക്കെ ഇന്ന് രാവിലെ ഏഴ് മണിയോടെയാണ് ലിജിത മരിച്ചത്. സംഭവത്തിന് ശേഷം കാണാതായ സനിൽ കുമാറിനെ തലശ്ശേരിയിൽ റെയിൽവേ ട്രാക്കിൽ ആത്മഹത്യ ചെയ്ത നിലയിൽ കണ്ടെത്തിയിരുന്നു. കുടുംബവഴക്കായിരുന്നു ആക്രമണത്തിന് കാരണമെന്നാണ് കരുതുന്നത്. ഒന്നര മാസമായി ലിജിതയും മകളും അമ്പലവയല് ഫാന്റംറോക്കിന്റെ കവാടത്തില് ബേക്കറിയും കൂള്ബാറുമടങ്ങുന്ന ചെറിയകട നടത്തിവരുകയായിരുന്നു. ഇവിടെ തന്നെയായിരുന്നു ഇരുവരും താമസിച്ചുവന്നിരുന്നത്. ലിജിതയും മകളുമായി സനില് അകന്ന് കഴിയുകയായിരുന്നു.
സംഭവം നടക്കുന്നതിൻ്റെ തലേദിവസം രാത്രി സനിൽ വീട്ടിലെത്തി ഇവരുമായി ബഹളമുണ്ടാക്കിയിരുന്നു. ഇക്കാര്യം പ്രദേശവാസികൾ പോലീസില് അറിയിച്ചിരുന്നു. ആക്രമണത്തിനുശേഷം പ്രതി ഇരുചക്രവാഹനത്തില് കടന്നുകളയുകയായിരുന്നു. സനിലിനായി പോലീസ് കണ്ണൂരിലടക്കം അന്വേഷണം ഊര്ജിതമാക്കുന്നതിനിടെയാണ് തലശേരിയിലെ റെയിൽവെ ട്രാക്കിൽ മരിച്ച നിലയിൽ കണ്ടെത്തുന്നത്.
Topic: Ambalavayal Acid Attack, Wayanad Acid Attack, Acid Attack Death