സുല്ത്താന്ബത്തേരി: കൊളഗപ്പാറയില് ബൈക്കില് കാറിടിച്ചുണ്ടായ അപകടത്തില് യുവാവിന് ദാരുണന്ത്യം. മുണ്ടക്കുറ്റി താളിപ്പാറ കൊട്ടാരംകുന്ന് വീട്ടില് ജിജോ (35) ആണ് മരിച്ചത്. ഇന്നലെ രാത്രി ഒമ്പത് മണിയോടെയായിരുന്നു അപകടം. ബത്തേരിയില് തട്ടുകട നടത്തി വന്നിരുന്ന ജിജോ വീട്ടില് നിന്ന് കടയിലേക്ക് പോകുന്നതിനിടെ എതിരെ വന്ന കാര് നിയന്ത്രണം വിട്ട് ബൈക്കിലിടിക്കുകയായിരുന്നു. റോഡില് തെറിച്ചു വീണ ജിജോ സംഭവസ്ഥലത്ത് വെച്ച് തന്നെ മരിക്കുകയായിരുന്നു. ഭാസിയുടെയും സുശീലയുടെയും മകനാണ് ജിജോ. ഷിജോ, ഷില്ലി എന്നിവര് സഹോദരങ്ങളാണ്. മൃതദേഹം ബത്തേരി താലൂക്ക് ആശുപത്രിയില് പോസ്റ്റുമോര്ട്ടത്തിന് ശേഷം ബന്ധുക്കള്ക്ക് വിട്ടുനല്കും. സംസ്കാരം മുണ്ടക്കറ്റി ലൂദറന്റ് പള്ളി സെമിത്തേരിയില് നടക്കും.
Read Latest Local News and Malayalam News
വയനാട് ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
ശീതള പാനീയ വില്പന: ഭക്ഷ്യസുരക്ഷാ വകുപ്പ് പരിശോധന ആരംഭിച്ചു
ജലജന്യ രോഗങ്ങള് തടയാന് ഭക്ഷ്യസുരക്ഷാ വകുപ്പ് ശീതള പാനീയ കടകളില് പരിശോധന ആരംഭിച്ചു. ജില്ലയിലെ 39 കടകള് പരിശോധിച്ചതില് എട്ട് കടകള്ക്ക് പിഴ നോട്ടീസ് നല്കിയതായി ഭക്ഷ്യ സുരക്ഷ അസിസ്റ്റന്റ് കമ്മീഷണര് വികെ പ്രദീപ്കുമാര് പറഞ്ഞു. ജ്യൂസില് ചേര്ക്കുന്ന പാലിന്റെ കാലാവധി കഴിഞ്ഞതായി കണ്ടെത്തുകയും ഇത്തരം കേസുകള് കണ്ടെത്തിയാല് പ്രോസിക്യൂഷന് ഉള്പ്പെടെയുള്ള നടപടികള് സ്വീകരിക്കുമെന്നും അധികൃതര് അറിയിച്ചു.
ജില്ലയിലെ ശീതള പാനീയ കടകള്, ഐസ്ക്രീം പാര്ലറുകള്, ഹോട്ടലുകളിലാണ് ഭക്ഷ്യസുരക്ഷ വകുപ്പ് വ്യാപക പരിശോധന നടത്തിയത്. ശീതള പാനീയങ്ങള് തയ്യാറാക്കാന് ശുദ്ധജലം ഉപയോഗിക്കുക, കുടിക്കാന് തിളപ്പിച്ചാറിയ വെള്ളം ഉപയോഗിക്കുക, തിളപ്പിച്ച വെള്ളത്തില് പച്ചവെള്ളം കലര്ത്തി നല്കരുത്, ശീതള പാനിയങ്ങള്, ഐസ് എന്നിവ തയ്യാറാക്കാന് ശുദ്ധജലം ഉപയോഗിക്കുക, ജ്യൂസിനുള്ള പഴങ്ങള് വൃത്തിയായി കഴുകി ഉപയോഗിക്കുക, കേടായ പഴങ്ങള് ഉപയോഗിക്കാതിരിക്കുക തുടങ്ങീയ നിര്ദേശങ്ങള് ഭക്ഷ്യസുരക്ഷ വകുപ്പ് നല്കിയിട്ടുണ്ട്. സ്ഥാപനങ്ങള് വെള്ളം പരിശോധിച്ച റിപ്പോര്ട്ട്, ജീവനക്കാരുടെ മെഡിക്കല് സര്ട്ടിഫിക്കറ്റ് എന്നിവ പരിശോധന സമയത്ത് നല്കണമെന്നും അധികൃതര് അറിയിച്ചു.