ക്വാറിയില്‍ മണ്ണിടിഞ്ഞ് വീണ് ടിപ്പര്‍ ഡ്രൈവര്‍ മരിച്ചു; മൃതദേഹം പുറത്തെടുത്തത് മണിക്കൂറുകള്‍ നീണ്ട പരിശ്രമങ്ങള്‍ക്കൊടുവില്‍! സംഭവം വയനാട്ടില്‍

മേപ്പാടി (വയനാട്): വയനാട്ടില്‍ ടിപ്പര്‍ ലോറിക്ക് മുകളിലേക്ക് മണ്ണും പാറകളും അടര്‍ന്നുവീണ് ഒരാള്‍ക്ക് ദാരുണാന്ത്യം. മേപ്പാടിയിലെ കടച്ചിക്കുന്നിലാണ് ക്വാറിയില്‍ മണ്ണും പാറയും ഇടിഞ്ഞുവീണ് ടിപ്പര്‍ ഡ്രൈവര്‍ മരിച്ചത്. മാനന്തവാടി പിലാക്കാവ് അടിവാരം തൈത്തറ സില്‍വന്‍ എന്ന് വിളിക്കുന്ന സില്‍വസ്റ്റന്‍ (57) ആണ് മരിച്ചത്. റിട്ട. കെഎസ്ആര്‍ടിസി ഡ്രൈവറായിരുന്നു.

Also Read: രോഗബാധയില്ല, വിളവിലും വർധന! വയനാട്ടിലും കുരുമുളകിലെ 'ഗ്രാഫ്റ്റിംഗ്' പരീക്ഷണം വിജയത്തിലേക്ക്...

വെള്ളിയാഴ്ച ഉച്ചക്ക് രണ്ടോടെ കടച്ചിക്കുന്നിലെ സ്വകാര്യ കാപ്പിത്തോട്ടത്തിനുള്ളില്‍ സമീപകാലത്ത് പ്രവര്‍ത്തനം ആരംഭിച്ച ക്വാറിയിലാണ് അപകടമുണ്ടായത്. പാറയുടെ മുകളിലുള്ള മണ്ണ് നീക്കി തെളിക്കുന്നതിനിടെ മണ്ണും കൂറ്റന്‍ പാറകളും ടിപ്പറിന് മുകളിലേക്ക് പതിക്കുകയായിരുന്നു. ടിപ്പര്‍ലോറിയുടെ നടുഭാഗത്ത് കൂറ്റന്‍പാറ പതിക്കുകയും വാഹനം ഭൂരിഭാഗവും ഇടിഞ്ഞുവീണ മണ്ണിനടിയിലാകുകയും ചെയ്യുകയായിരുന്നു.



Also Read: വയനാട്ടിൽ 100 കിലോ കഞ്ചാവുമായി രണ്ട് കോഴിക്കോട് സ്വദേശികൾ പിടിയിൽ

മണിക്കൂറുകള്‍ നീണ്ട രക്ഷാപ്രവര്‍ത്തനത്തിനുശേഷം കല്‍പ്പറ്റ ഫയര്‍ ഫോഴ്‌സ് അധികൃതരുടെ മേല്‍നോട്ടത്തില്‍ പാറ തുരന്ന് വെടി പൊട്ടിച്ച് മാറ്റിയ ശേഷമാണ്‌ മൃതദേഹം പുറത്തെടുത്തത്. മൃതദേഹം മേപ്പാടിയിലെ സ്വകാര്യ മെഡിക്കല്‍ കോളേജിലെ മോര്‍ച്ചറിയിലേക്ക് മാറ്റി. ഭാര്യ: ജോളി. മക്കള്‍: രചന, റെല്‍ജിന്‍.





വയനാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

വയനാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ