വിധവയായ വീട്ടമ്മയുടെ പശു ചാകാനിടയായ സംഭവം: പാടിച്ചിറ വെറ്ററിനറി ആശുപത്രിക്ക് മുന്നിൽ യുഡിഎഫ് പ്രതിഷേധം

പുല്‍പ്പള്ളി: മുള്ളന്‍കൊല്ലി ഗ്രാമ പഞ്ചായത്തിലെ പട്ടാണിക്കൂപ്പിലെ വിധവയായ ഫാത്തിമയെന്ന വീട്ടമ്മയുടെ പശു വെറ്ററിനറി ഡോക്ടറുടെ അനാസ്ഥ മൂലം മരിച്ച സംഭവത്തില്‍ പ്രതിഷേധം. മുള്ളന്‍കൊല്ലി മണ്ഡലം യുഡിഎഫ് കമ്മിറ്റിയുടെ നേതൃത്വത്തില്‍ പാടിച്ചിറ വെറ്ററിനറി ആശുപത്രിക്ക് മുന്നില്‍ ധര്‍ണ നടത്തി. ഡിസിസി ജനറല്‍ സെക്രട്ടറി അഡ്വ. പി ഡി സജി ധര്‍ണ ഉദ്ഘാടനം ചെയ്തു.

Also Read: വയനാട്ടില്‍ 81 പേര്‍ക്ക് കൂടി കൊവിഡ്; വനിത പോലീസ് ഓഫീസര്‍ ഉള്‍പ്പെടെ 75 പേര്‍ക്ക് സമ്പര്‍ക്ക രോഗബാധ

ഡോക്ടറുടെ അനാസ്ഥയാണ് ഫാത്തിമയുടെ പശു ചാകാനുള്ള കാരണമെന്നും പ്രസവസമയത്ത് ഡോക്ടര്‍ സമയത്തിന് എത്താന്‍ തയാറാകാതിരുന്നതാണ് ഒരു കുടുംബത്തിൻ്റെ ജീവിതം വഴിമുട്ടാന്‍ ഇടയാക്കിയതെന്നും പി ഡി സജി ആരോപിച്ചു. മുള്ളന്‍കൊല്ലി മേഖലയിലെ ജനങ്ങളുടെ പ്രധാന ജീവിതമാര്‍ഗങ്ങളിലൊന്ന് ക്ഷീരമേഖലയാണ്. ധിക്കാപരമായ ശൈലിയാണ് ഡോക്ടര്‍ സ്വീകരിക്കുന്നത്. മുള്ളന്‍കൊല്ലിയിലെ ക്ഷീരകര്‍ഷകരെ ദ്രോഹിച്ചു മുന്നോട്ടുപോകുകയാണ് ഡോക്ടറെന്നും അദ്ദേഹം പറഞ്ഞു.

Also Read: ത്രിതല പഞ്ചായത്ത് തെരഞ്ഞെടുപ്പ്: വയനാട്ടില്‍ സംവരണ വാർഡ് നറുക്കെടുപ്പ് 28, 29 തീയതികളില്‍

വിധവയായ വീട്ടമ്മയുടെയും കുടുംബത്തിന്റെയും ഏകആശ്രമായിരുന്ന പശു ചാകാനിടയായ സാഹചര്യത്തില്‍ അനാസ്ഥ കാട്ടിയ ഡോക്ടര്‍ക്കെതിരെ നടപടി സ്വീകരിക്കണമെന്നും ഫാത്തിമക്ക് മതിയായ നഷ്ടപരിഹാരം നല്‍കണമെന്നും അദ്ദേഹം ആവശ്യപ്പെട്ടു. വര്‍ഗീസ് മുരിയന്‍കാവില്‍ അധ്യക്ഷത വഹിച്ചു. എം എ അസീസ്, ജോസ് കുന്നത്ത്, ജോസഫ് പെരുവേലി, ശിവരാമന്‍ പാറക്കുഴി, പി കെ ജോസ്, മുനീര്‍ ആച്ചിക്കുളത്ത്, പി കെ പ്രകാശന്‍, ഷിനു കച്ചിറയില്‍, ഷിനോജ് കളപ്പുര, സ്റ്റീഫന്‍ പൊകുടിയില്‍, ജോസ് നെല്ലേടം തുടങ്ങിയവര്‍ സംസാരിച്ചു.


വയനാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ