പ്രകൃതിയെ കാൻവാസിലേക്ക് പകർത്തി വയനാട്ടിലെ സഹോദരിമാര്‍; വരയില്‍ വിസ്മയിപ്പിച്ച് ഷാബിറയും ഷബ്‌നയും

മാനന്തവാടി: വരയില്‍ വിസ്മയം തീര്‍ത്ത് വയനാട്ടിലെ സഹോദരിമാര്‍. മാനന്തവാടി എടവക പാണ്ടിക്കടവിലെ മൂര്‍ക്കന്‍ വീട്ടിലെ സഹോദരങ്ങളായ ഷാബിറയും ഷബ്‌നയുമാണ് അതിമനോഹരമായ ചിത്രങ്ങള്‍ വരച്ച് ശ്രദ്ധ നേടിയിരിക്കുന്നത്. ചിത്രങ്ങളിലെ സൂക്ഷ്മതയും കൃത്യതയുമാണ് ഈ സഹോദരിമാരുടെ ഏറ്റവും വലിയ പ്രത്യേകത.

Also Read: കൊവിഡ് പ്രതിസന്ധി; കയ്യാല നിര്‍മ്മാണം ഗുണഭോക്താക്കള്‍ നേരിട്ട്; വരുമാനമില്ലാതെ ദുരിതത്തിലായവര്‍ക്ക് ആശ്വാസം

ഓയില്‍, അക്രലിക്ക്, പെയിന്റുകള്‍ കൊണ്ടുള്ള ഷാബിറയുടെയും ഷബ്‌നയുടെയും ചിത്രപ്പണികള്‍ അത്ഭുതപ്പെടുത്തും വിധം മനോഹരമാണ്. ചിത്രത്തിൻ്റെ കൃത്യതയും മനോഹാരിതയും തിരിച്ചറിഞ്ഞ് നിരവധി ഓര്‍ഡറുകളും ലഭിക്കുന്നത് ഇരുവരുടെയും സന്തോഷവും വര്‍ധിപ്പിക്കുന്നു. ബിടെക്ക് ബിരുദധാരികളായ ഷാബിറയും സഹോദരി ഷബ്‌നയുടെയും ഏറ്റവും വലിയ പ്രത്യേകത പ്രകൃതി ദൃശ്യങ്ങളുടെ ആവിഷ്‌ക്കരണമാണ്.
കടലിൻ്റെ വിവിധ ഭാഗങ്ങള്‍, വെള്ളച്ചാട്ടം, സൂര്യാസ്തമയം, സൂര്യോദയം, വിവിധ വസ്തുക്കള്‍ തുടങ്ങിയവയാണ് ഇരുവരുടെയും വരകളിലൂടെ പുനര്‍ജനിച്ചുകൊണ്ടേയിരിക്കുന്നത്.

Also Read: വയനാട്ടില്‍ 52 പേര്‍ക്ക് കൂടി സമ്പര്‍ക്കരോഗബാധ; ഇതുവരെ രോഗം സ്ഥിരീകരിച്ചത് 2066 പേര്‍ക്ക്, 465 പേര്‍ ചികിത്സയില്‍

ചിത്രം വരയ്ക്ക് പ്രചോദനമായത് പരേതനായ ഇവരുടെ വല്ല്യുപ്പയായ മൂർക്കൻ മുഹമ്മദാണ്. അദ്ദേഹത്തെ കൂടാതെ ഇരുവരുടെയും ഭര്‍ത്താക്കന്മാരുടെ പിന്തുണ കൂടിയായപ്പോള്‍ ചിത്രം വര ജീവിതത്തിൻ്റെ ഭാഗമാക്കാന്‍ തന്നെ രണ്ട് പേരും തീരുമാനിക്കുകയായിരുന്നു. ഷാബിറയുടെ ഏഴ് വയസുള്ള മകള്‍ അയിഷ സെഹ്‌റയും ചിത്രം വരക്ക് അടിത്തറയിട്ടുകഴിഞ്ഞു. നിലവില്‍ എടവക പാണ്ടിക്കടവിലെ മൂര്‍ക്കന്‍ വീട് നിറയെ മനോഹരങ്ങളായ ചിത്രങ്ങളാണ്. ചിത്രങ്ങള്‍ക്ക് ആവശ്യക്കാരേറിയതോടെ സഹോദരിമാരുടെ ചിത്രം വരക്ക് വേഗതയും കൂടിയിരിക്കുകയാണ്.

Also Read: കൊവിഡ് ബാധിച്ച് ചികിത്സയിലായിരുന്ന ബാങ്ക് ജീവനക്കാരൻ മരിച്ചു


വയനാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ


വയനാട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ