കല്പ്പറ്റ(Wayanad): വയനാട്ടിലും വേനല് പിടിമുറുക്കുന്നു. പകല്സമയത്ത് ജില്ലയില് 33 ഡിഗ്രി വരെ താപനില റിപ്പോര്ട്ട് ചെയ്തുകഴിഞ്ഞു. വേനലിന്റെ തുടക്കത്തില് തന്നെ പല ഭാഗത്ത് നിന്നും രൂക്ഷമായ വരള്ച്ചയും അനുഭവപ്പെട്ടു തുടങ്ങിയിട്ടുണ്ട്. അതേസമയം വേനലിന്റെ തുടക്കത്തില് തന്നെ ജില്ലയില് പലയിടത്തും തീ പടര്ന്നുപിടിക്കുന്നത് ആശങ്കയാവുകയാണ്. കഴിഞ്ഞ രണ്ടാഴ്ചക്കിടെ ജില്ലയുടെ വിവിധ ഭാഗങ്ങളില് തീപിടുത്തമുണ്ടായി. കഴിഞ്ഞ ദിവസം ബാണാസുരമലയുടെ വെള്ളമുണ്ട ഭാഗത്തുള്ള പെരിങ്കുളംമലക്ക് മേല്ഭാഗത്തായി ഉയര്ന്ന കാട്ടുതീയില് ഹെക്ടര്കണക്കിന് വനഭൂമിയിലെ അടിക്കാടുകളും ചെറുമരങ്ങളുമടക്കം കത്തി നശിച്ചു.
ബാണാസുര സാഗര് ഡാം റിസര്വോയര് മഞ്ഞൂറ ഭാഗത്ത് വന് അഗ്നിബാധയുണ്ടായി. റിസേര്വോയറിലെ 100 ഏക്കറോളം വരുന്ന ദ്വീപ് പോലെയുള്ള പ്രദേശത്താണ് തീ പിടിച്ചത്. ജൈവ വൈവിധ്യങ്ങളാല് നിറഞ്ഞ സ്ഥലത്തെ അഗ്നിബാധ ഫയര്ഫോഴ്സിന്റെ സമയോചിതമായ ഇടപെടല് മൂലമാണ് നിയന്ത്രണ വിധേയമാക്കിയത്. ഒരാഴ്ച മുമ്പ് കല്പ്പറ്റ എസ് കെ എം ജെ ഹയര്സെക്കന്ററി സ്കൂള് ഗ്രൗണ്ടിന് സമീപത്തും, മൂന്ന് ദിവസങ്ങള്ക്ക് മുമ്പ് തരുവണ ഗവ.ഹൈസ്കൂളിന് സമീപത്തും തീപിടുത്തമുണ്ടായി. കല്പ്പറ്റ എസ് കെ എം ജെ സ്കൂളിലേക്ക് വളരെ പെട്ടന്നെത്തിയ ഫയര്ഫോഴ്സ് സേനാംഗങ്ങളാണ് തീ കെടുത്തിയത്. ഇക്കഴിഞ്ഞ ഫെബ്രുവരി 25ന് മേപ്പാടി ടൗണിനോട് ചേര്ന്ന സെമിത്തേരി ഉള്പ്പെടെയുള്ള പ്രദേശത്തും സമീപത്തെ പൂത്തകൊല്ലി എസ്റ്റേറ്റിലും തീ പടര്ന്നുപിടിച്ചിരുന്നു.
കഴിഞ്ഞ ദിവസമാണ് പൂക്കോട് വെറ്റിനറി കോളേജ് കോമ്പൗണ്ടിനോട് ചേര്ന്ന വനത്തില് തീ പിടിച്ചത്. ഇവിടെ ഏകദേശം രണ്ട് ഹെക്ടര് സ്ഥലത്തെ പുല്മേടുകളാണ് കത്തി നശിച്ചത്. കല്പ്പറ്റ അഗ്നിരക്ഷാ നിലയത്തിലെ ഉദ്യോഗസ്ഥരെത്തിയാണ് ഇവിടെ തീയണച്ചത്. വേനല്മഴ ലഭിക്കാതായതോടെ ജില്ലയിലെ വനമേഖലകളും കരിഞ്ഞുണങ്ങി നില്ക്കുന്ന അവസ്ഥയിലാണുള്ളത്. ഓരോ വര്ഷവും കാട്ടുതീ പടര്ന്നുപിടിച്ച് ലക്ഷങ്ങളുടെ നാശനഷ്ടമാണ് ജില്ലയിലുണ്ടാകാറുള്ളത്. ഫയര്ലൈന് അടക്കമുള്ള പ്രതിരോധ മാര്ഗങ്ങള് വനംവകുപ്പിന്റെ നേതൃത്വത്തില് സ്വീകരിച്ചിട്ടുണ്ട്. എന്നാല് കാര്യമായ പ്രതിരോധ നടപടികള് സര്ക്കാര് സ്വീകരിച്ചിട്ടില്ലെന്ന ആക്ഷേപവും നിലനില്ക്കുന്നുണ്ട്.
ഫയര്ഫോഴ്സിന് വേഗത്തിലെത്താന് കഴിയാത്ത സ്ഥലങ്ങളില് തീയണക്കാന് വനംവകുപ്പ് ജീവനക്കാര്ക്ക് ഇപ്പോഴും അത്യാധുനിക സംവിധാനങ്ങളൊന്നുമില്ല. വടിയും മറ്റും ഉപയോഗിച്ചാണ് വനംവകുപ്പ് ജീവനക്കാര് തീയണക്കാറുള്ളത്. അതിര്ത്തികളിലെവിടെയെങ്കിലും തീപിടുത്തമുണ്ടായാല് ബത്തേരിയില് നിന്നോ, കല്പ്പറ്റയില് നിന്നോ ഫയര്ഫോഴ്സ് എത്തേണ്ട സാഹചര്യമാണുള്ളത്. കൂടുതല് ഫയര് സ്റ്റേഷനുകള് വേണമെന്നത് നിരന്തരമായ ആവശ്യമാണെങ്കിലും അതൊന്നും ഇതുവരെ നടപ്പിലായിട്ടില്ല. വേനല് കനക്കുന്നതോടെ ഏത് ഭാഗത്ത് നിന്നും തീപിടുത്തമുണ്ടാകാവുന്ന അവസ്ഥയാണുള്ളത്. എന്നാല് വനംവകുപ്പ് ജീവനക്കാരടക്കം ജോലി ചെയ്യുന്നത് യാതൊരുവിധ സൗകര്യങ്ങളുമില്ലാതെയാണ്.
ആധുനിക സജ്ജീകരണങ്ങളുള്ള ഹെലികോപ്റ്റര് വഴി തീയണക്കുകയോ മറ്റ് മാര്ഗങ്ങള് ആരായുകയോ ചെയ്യേണ്ട സമയം അതിക്രമിച്ചിരിക്കുന്നുവെന്നാണ് ഉദ്യോഗസ്ഥര് തന്നെ പറയുന്നത്. വയനാടിനെ സംബന്ധിച്ച് അപ്രതീക്ഷിതമായുണ്ടാകുന്ന തീപിടുത്തം ജൈവമണ്ഡലങ്ങള്ക്കുണ്ടാക്കുന്നത് കടുത്ത ഭീഷണിയാണ്. ജൈവവൈവിധ്യങ്ങളാല് സമ്പന്നമായ വയനാടന് കാടുകളില് അപൂര്വ്വയിനം ചെറുജീവികളും നിരവധി ഔഷധ സസ്യങ്ങളും വളരുന്നുണ്ട്. കൂരമാന്, കാട്ടുമുയല് ഉള്പ്പെടെയുള്ള വന്യജീവികള് പുറംകാട്ടിലെ ആവാസവ്യവസ്ഥയിലാണ് ജീവിക്കുന്നത്. ഇത്തരം ജീവിവര്ഗങ്ങള്ക്ക് കനത്ത ആഘാതമാവുകയാണ് കാട്ടുതീ. വേനല് ശക്തമായതോടെ വന്യജീവികള് വെള്ളം തേടി പാതയോരങ്ങളിലെത്തുന്നതും വനപാതകളിലെ പതിവുകാഴ്ചയായി മാറിയിട്ടുണ്ട്.
Topic: Wayanad, Temperature in Wayanad, Kerala Climate
ബാണാസുര സാഗര് ഡാം റിസര്വോയര് മഞ്ഞൂറ ഭാഗത്ത് വന് അഗ്നിബാധയുണ്ടായി. റിസേര്വോയറിലെ 100 ഏക്കറോളം വരുന്ന ദ്വീപ് പോലെയുള്ള പ്രദേശത്താണ് തീ പിടിച്ചത്. ജൈവ വൈവിധ്യങ്ങളാല് നിറഞ്ഞ സ്ഥലത്തെ അഗ്നിബാധ ഫയര്ഫോഴ്സിന്റെ സമയോചിതമായ ഇടപെടല് മൂലമാണ് നിയന്ത്രണ വിധേയമാക്കിയത്. ഒരാഴ്ച മുമ്പ് കല്പ്പറ്റ എസ് കെ എം ജെ ഹയര്സെക്കന്ററി സ്കൂള് ഗ്രൗണ്ടിന് സമീപത്തും, മൂന്ന് ദിവസങ്ങള്ക്ക് മുമ്പ് തരുവണ ഗവ.ഹൈസ്കൂളിന് സമീപത്തും തീപിടുത്തമുണ്ടായി. കല്പ്പറ്റ എസ് കെ എം ജെ സ്കൂളിലേക്ക് വളരെ പെട്ടന്നെത്തിയ ഫയര്ഫോഴ്സ് സേനാംഗങ്ങളാണ് തീ കെടുത്തിയത്. ഇക്കഴിഞ്ഞ ഫെബ്രുവരി 25ന് മേപ്പാടി ടൗണിനോട് ചേര്ന്ന സെമിത്തേരി ഉള്പ്പെടെയുള്ള പ്രദേശത്തും സമീപത്തെ പൂത്തകൊല്ലി എസ്റ്റേറ്റിലും തീ പടര്ന്നുപിടിച്ചിരുന്നു.
കഴിഞ്ഞ ദിവസമാണ് പൂക്കോട് വെറ്റിനറി കോളേജ് കോമ്പൗണ്ടിനോട് ചേര്ന്ന വനത്തില് തീ പിടിച്ചത്. ഇവിടെ ഏകദേശം രണ്ട് ഹെക്ടര് സ്ഥലത്തെ പുല്മേടുകളാണ് കത്തി നശിച്ചത്. കല്പ്പറ്റ അഗ്നിരക്ഷാ നിലയത്തിലെ ഉദ്യോഗസ്ഥരെത്തിയാണ് ഇവിടെ തീയണച്ചത്. വേനല്മഴ ലഭിക്കാതായതോടെ ജില്ലയിലെ വനമേഖലകളും കരിഞ്ഞുണങ്ങി നില്ക്കുന്ന അവസ്ഥയിലാണുള്ളത്. ഓരോ വര്ഷവും കാട്ടുതീ പടര്ന്നുപിടിച്ച് ലക്ഷങ്ങളുടെ നാശനഷ്ടമാണ് ജില്ലയിലുണ്ടാകാറുള്ളത്. ഫയര്ലൈന് അടക്കമുള്ള പ്രതിരോധ മാര്ഗങ്ങള് വനംവകുപ്പിന്റെ നേതൃത്വത്തില് സ്വീകരിച്ചിട്ടുണ്ട്. എന്നാല് കാര്യമായ പ്രതിരോധ നടപടികള് സര്ക്കാര് സ്വീകരിച്ചിട്ടില്ലെന്ന ആക്ഷേപവും നിലനില്ക്കുന്നുണ്ട്.
ഫയര്ഫോഴ്സിന് വേഗത്തിലെത്താന് കഴിയാത്ത സ്ഥലങ്ങളില് തീയണക്കാന് വനംവകുപ്പ് ജീവനക്കാര്ക്ക് ഇപ്പോഴും അത്യാധുനിക സംവിധാനങ്ങളൊന്നുമില്ല. വടിയും മറ്റും ഉപയോഗിച്ചാണ് വനംവകുപ്പ് ജീവനക്കാര് തീയണക്കാറുള്ളത്. അതിര്ത്തികളിലെവിടെയെങ്കിലും തീപിടുത്തമുണ്ടായാല് ബത്തേരിയില് നിന്നോ, കല്പ്പറ്റയില് നിന്നോ ഫയര്ഫോഴ്സ് എത്തേണ്ട സാഹചര്യമാണുള്ളത്. കൂടുതല് ഫയര് സ്റ്റേഷനുകള് വേണമെന്നത് നിരന്തരമായ ആവശ്യമാണെങ്കിലും അതൊന്നും ഇതുവരെ നടപ്പിലായിട്ടില്ല. വേനല് കനക്കുന്നതോടെ ഏത് ഭാഗത്ത് നിന്നും തീപിടുത്തമുണ്ടാകാവുന്ന അവസ്ഥയാണുള്ളത്. എന്നാല് വനംവകുപ്പ് ജീവനക്കാരടക്കം ജോലി ചെയ്യുന്നത് യാതൊരുവിധ സൗകര്യങ്ങളുമില്ലാതെയാണ്.
ആധുനിക സജ്ജീകരണങ്ങളുള്ള ഹെലികോപ്റ്റര് വഴി തീയണക്കുകയോ മറ്റ് മാര്ഗങ്ങള് ആരായുകയോ ചെയ്യേണ്ട സമയം അതിക്രമിച്ചിരിക്കുന്നുവെന്നാണ് ഉദ്യോഗസ്ഥര് തന്നെ പറയുന്നത്. വയനാടിനെ സംബന്ധിച്ച് അപ്രതീക്ഷിതമായുണ്ടാകുന്ന തീപിടുത്തം ജൈവമണ്ഡലങ്ങള്ക്കുണ്ടാക്കുന്നത് കടുത്ത ഭീഷണിയാണ്. ജൈവവൈവിധ്യങ്ങളാല് സമ്പന്നമായ വയനാടന് കാടുകളില് അപൂര്വ്വയിനം ചെറുജീവികളും നിരവധി ഔഷധ സസ്യങ്ങളും വളരുന്നുണ്ട്. കൂരമാന്, കാട്ടുമുയല് ഉള്പ്പെടെയുള്ള വന്യജീവികള് പുറംകാട്ടിലെ ആവാസവ്യവസ്ഥയിലാണ് ജീവിക്കുന്നത്. ഇത്തരം ജീവിവര്ഗങ്ങള്ക്ക് കനത്ത ആഘാതമാവുകയാണ് കാട്ടുതീ. വേനല് ശക്തമായതോടെ വന്യജീവികള് വെള്ളം തേടി പാതയോരങ്ങളിലെത്തുന്നതും വനപാതകളിലെ പതിവുകാഴ്ചയായി മാറിയിട്ടുണ്ട്.
Topic: Wayanad, Temperature in Wayanad, Kerala Climate