പനമരം (വയനാട്): പനമരത്ത് വീണ്ടും കാട്ടാനകളുടെ വിളയാട്ടം. ജനവാസ കേന്ദ്രത്തിലിറങ്ങിയ കാട്ടാനകള് ആറ് ഏക്കറോളം സ്ഥലത്തെ നെല്കൃഷി നശിപ്പിച്ചു. കൊയ്തിട്ട നെല്ലുകളും വിളവ് എടുക്കാറായ നെല്ലുകളുമാണ് കാട്ടാനകള് നശിപ്പിച്ചത്. പനമരം മേച്ചേരിയില് പുളിക്കല് ബാലസുബ്രമണ്യന്, പ്രതാപ ചന്ദ്രന്, പാമ്പൂര്സരള, പ്രതീഷ് എന്നിവരുടെ ആറ് ഏക്കറോളം വരുന്ന വയലുകളിലെ നെല്ലുകള് കാട്ടാനകള് നശിപ്പിച്ചു.
ആനകള് കൂട്ടത്തോടെയെത്തിയത് നാട്ടുകാരെയൊന്നാകെ പരിഭ്രാന്തിയിലാഴ്ത്തി. പനമരം ടൗണിനടുത്ത് മേച്ചേരിയിലെ മോഹനന്റെ കാപ്പിതോട്ടത്തില് വെള്ളിയാഴ്ച രാവിലെ ആറ് മണിയോടെയാണ് നാല് കാട്ടാനകള് എത്തിയത്. മാത്തൂരില്നിന്നു ചെറുപുഴ കടന്നു നെല്വയലുകള് കടന്നാണ് മേച്ചേരി പ്രദേശത്തേക്ക് ആനകള് എത്തിയത്. ഏഴോളം ആനകളാണ് ഒരുമിച്ചെത്തിയത്.
മൂന്നു ആനകള് നേരം പുലരുംമുമ്പേ പുഞ്ചവയല് വഴി കാട്ടിലേക്ക് തിരിച്ച് കയറി. വിവരമറിഞ്ഞ് രാവിലെ 11 മണിയോടെ വനപാലകരും എലിഫന്റ് സ്ക്വാഡും സംഭവസ്ഥലത്ത് എത്തി നാട്ടുകാര്ക്ക് ജാഗ്രത നിര്ദേശം നല്കി. മണിക്കൂറുകള് നീണ്ട പരിശ്രമത്തിനൊടുവില് രാത്രി ഏഴ് മണിയോടെയാണ് ആനകളെ കാട്ടിലേക്ക് തിരിച്ച് കയറ്റിയത്.
നോര്ത്ത് വയനാട് ഡിഎഫ്ഒ രമേഷ് വിഷ്ണു റോയി, സൗത്ത് ഡിഎഫ്ഒ രഞ്ജിത്ത്, ബേഗുര് റെഞ്ച് ഓഫിസര് രാകേഷ്, പേര്യ റെഞ്ച് ഓഫിസര് സജീവന്, മേപ്പാടി റെഞ്ച് ഓഫിസര് സമീര് എന്നിവരുടെ നേതൃത്വത്തിലാണ് ആനകളെ വനത്തിലേക്ക് തുരത്തിയത്. പനമരം പഞ്ചായത്ത് പ്രസിഡന്റ് ആസ്യ ടീച്ചര്, സ്ഥിരം സമിതി ചെയര്മാന് കെടി സുബൈര് തുടങ്ങിയവരും സ്ഥലത്തെത്തിയിരുന്നു.
ആനകള് കൂട്ടത്തോടെയെത്തിയത് നാട്ടുകാരെയൊന്നാകെ പരിഭ്രാന്തിയിലാഴ്ത്തി. പനമരം ടൗണിനടുത്ത് മേച്ചേരിയിലെ മോഹനന്റെ കാപ്പിതോട്ടത്തില് വെള്ളിയാഴ്ച രാവിലെ ആറ് മണിയോടെയാണ് നാല് കാട്ടാനകള് എത്തിയത്. മാത്തൂരില്നിന്നു ചെറുപുഴ കടന്നു നെല്വയലുകള് കടന്നാണ് മേച്ചേരി പ്രദേശത്തേക്ക് ആനകള് എത്തിയത്. ഏഴോളം ആനകളാണ് ഒരുമിച്ചെത്തിയത്.
മൂന്നു ആനകള് നേരം പുലരുംമുമ്പേ പുഞ്ചവയല് വഴി കാട്ടിലേക്ക് തിരിച്ച് കയറി. വിവരമറിഞ്ഞ് രാവിലെ 11 മണിയോടെ വനപാലകരും എലിഫന്റ് സ്ക്വാഡും സംഭവസ്ഥലത്ത് എത്തി നാട്ടുകാര്ക്ക് ജാഗ്രത നിര്ദേശം നല്കി. മണിക്കൂറുകള് നീണ്ട പരിശ്രമത്തിനൊടുവില് രാത്രി ഏഴ് മണിയോടെയാണ് ആനകളെ കാട്ടിലേക്ക് തിരിച്ച് കയറ്റിയത്.
നോര്ത്ത് വയനാട് ഡിഎഫ്ഒ രമേഷ് വിഷ്ണു റോയി, സൗത്ത് ഡിഎഫ്ഒ രഞ്ജിത്ത്, ബേഗുര് റെഞ്ച് ഓഫിസര് രാകേഷ്, പേര്യ റെഞ്ച് ഓഫിസര് സജീവന്, മേപ്പാടി റെഞ്ച് ഓഫിസര് സമീര് എന്നിവരുടെ നേതൃത്വത്തിലാണ് ആനകളെ വനത്തിലേക്ക് തുരത്തിയത്. പനമരം പഞ്ചായത്ത് പ്രസിഡന്റ് ആസ്യ ടീച്ചര്, സ്ഥിരം സമിതി ചെയര്മാന് കെടി സുബൈര് തുടങ്ങിയവരും സ്ഥലത്തെത്തിയിരുന്നു.