Youth Arrested For Cutting Sandalwood From Wildlife Sanctuary
വന്യജീവി സങ്കേതത്തില്‍ നിന്നും മുറിച്ചുകടത്തിയ ചന്ദനവുമായി യുവാക്കള്‍ അറസ്റ്റില്‍
മുറിച്ചെടുത്ത ചന്ദന മരങ്ങളുടെ ശിഖരങ്ങള്‍ സമീപത്തെ റോഡില്‍ കിടക്കുന്നത് ശ്രദ്ധയില്‍പെട്ടതിന്റെ അടിസ്ഥാനത്തില്‍ നടത്തിയ തിരച്ചിലിലാണ് ചന്ദനമരങ്ങള്‍ മോഷണം പോയ വിവരം അറിയുന്നത്. തുടര്‍ന്ന് നടത്തിയ അന്വേഷണത്തിലാണ് മുറിച്ചെടുത്ത മരങ്ങള്‍ കഷ്ണങ്ങളാക്കി വില്‍പ്പന നടത്താന്‍ ശ്രമിക്കുന്നതിനിടെ കര്‍ണാടക അതിര്‍ത്തി വനത്തില്‍ വെച്ച് ചൊവ്വാഴ്ച്ച വനംവകുപ്പ് ഇരുവരെയും പിടികൂടിയത്.
Lipi9 Nov 2022, 8:39 pm
സുല്‍ത്താന്‍ബത്തേരി: വന്യജീവി സങ്കേതത്തില്‍ നിന്നും മുറിച്ചുകടത്തിയ ചന്ദനവുമായി യുവാക്കള്‍ അറസ്റ്റില്‍. വയനാട് വന്യജീവി സങ്കേതം ബത്തേരി റെയിഞ്ചില്‍ പെടുന്ന നായ്ക്കട്ടി ഫോറസ്റ്റ് സ്റ്റേഷന്‍ വനത്തില്‍ നിന്നും ചന്ദനം മുറിച്ചു കടത്തിയ കേസിലാണ് മുത്തങ്ങ കുഴിമൂല കോളനിയിലെ വിനോദ് (22), പൊന്‍കുഴി കോളനിയിലെ പി എം രാജു (24) എന്നിവര്‍ അറസ്റ്റിലായത്. ഇവരുടെ പക്കല്‍ നിന്നും 35 കിലോ ചന്ദനം പിടിച്ചെടുത്തു.
സുല്‍ത്താന്‍ ബത്തേരി അസി. വൈല്‍ഡ് ലൈഫ് വാര്‍ഡന്‍ എസ് രഞ്ജിത്ത്കുമാറിന്റെ നേതൃത്വത്തില്‍ നായ്ക്കട്ടി ഫോറസ്റ്റ് സ്റ്റേഷന്‍ ഡെപ്യൂട്ടി റെയ്ഞ്ച് ഓഫിസര്‍ പി.ബി ഗോപാലകൃഷ്ണന്‍, എസ്എഫ്ഒമാരായ ഒഎ ബാബു, കെ പ്രകാശ്, കുഞ്ഞുമോന്‍, ജി ബാബു, വി രാഘവന്‍, പിവി സുന്ദരേഷന്‍, ബീറ്റ് ഫോറസ്റ്റ് ഓഫിസര്‍മാരായ ഉല്ലാസ്, ഫര്‍ഷാദ്, ജിബിത്ത് ചന്ദ്രന്‍, വാച്ചര്‍മാരായ രാമചന്ദ്രന്‍, ശിവന്‍, ഗോവിന്ദന്‍ എന്നിവര്‍ ചേര്‍ന്നാണ് പ്രതികളെയും ചന്ദനവും പിടികൂടിയത്. ഏഴാം തിയ്യതിയാണ് കല്ലുമുക്ക് വനഭാഗത്ത് നിന്നും രണ്ട് ചന്ദനമരങ്ങള്‍ മോഷണം പോയത്.
മുറിച്ചെടുത്ത ചന്ദന മരങ്ങളുടെ ശിഖരങ്ങള്‍ സമീപത്തെ റോഡില്‍ കിടക്കുന്നത് ശ്രദ്ധയില്‍പെട്ടതിന്റെ അടിസ്ഥാനത്തില്‍ നടത്തിയ തിരച്ചിലിലാണ് ചന്ദനമരങ്ങള്‍ മോഷണം പോയ വിവരം അറിയുന്നത്. തുടര്‍ന്ന് നടത്തിയ അന്വേഷണത്തിലാണ് മുറിച്ചെടുത്ത മരങ്ങള്‍ കഷ്ണങ്ങളാക്കി വില്‍പ്പന നടത്താന്‍ ശ്രമിക്കുന്നതിനിടെ കര്‍ണാടക അതിര്‍ത്തി വനത്തില്‍ വെച്ച് ചൊവ്വാഴ്ച്ച വനംവകുപ്പ് ഇരുവരെയും പിടികൂടിയത്. കോടതിയില്‍ ഹാജരാക്കിയ ഇരുവരെയും റിമാന്റ് ചെയ്തു. പ്രതികള്‍ക്ക് അന്തര്‍സംസ്ഥാന ബന്ധമുള്ളതായി സംശയിക്കുന്നതായും കൂടുതല്‍ അന്വേഷണം നടത്തുമെന്നും വനംവകുപ്പ് അധികൃതര്‍ വ്യക്തമാക്കി. വയനാട് ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
