വൈകുന്നേരങ്ങളിൽ കഴിക്കാൻ ടേസ്റ്റി മാമ്പഴപ്പുട്ട്

എങ്ങും മാവുകള്‍ പൂത്തു മണംവിതറാന്‍ തുടങ്ങിയിരിക്കുന്നു. മധുരമൂറുന്ന എത്രയെത്ര തരം മാമ്പഴങ്ങള്‍ നമ്മള്‍ രുചിച്ചു. കുറേ കഴിച്ചു മടുത്തിരിക്കും അല്ലെ, വെറുതെ മാമ്പഴം കഴിക്കാതെ ഒന്നു മിനക്കെട്ടാൽ വ്യത്യസ്ത വിഭവങ്ങൾ ഉണ്ടാക്കാം. അതിലൊന്നാണ് മാമ്പഴപ്പുട്ട്.

ചേരുവകള്‍:-

അരിപൊടി - 2ഗ്ലാസ്

മാങ്ങ - 1എണ്ണം

നാളികേരം - 3ടീസ്പൂൺ

ഏലക്കപൊടി - അര ടീസ്പൂൺ

വെളിച്ചെണ്ണ - 1 ടീസ്പൂൺ

പഞ്ചസാര - അര ടീസ്പൂൺ

ഉപ്പ് ആവശ്യത്തിന്

തയ്യാറാക്കുന്ന വിധം:-

അരിപൊടിയില്‍ ഉപ്പ് ചേര്‍ത്ത് ചുടുവെള്ളം ഒഴിച്ച് പൊടി നനച്ചു വെക്കുക. മാങ്ങ ചെറിയ കഷ്ണങ്ങള്‍ ആക്കി നുറുക്കുക. ഒരു പാനില്‍ വെളിച്ചെണ്ണ ഒഴിച്ചുചൂടാകുമ്പോള്‍ മാങ്ങ ഇട്ടു വഴന്ന് വരുമ്പോള്‍, നാളികേരവും,ഏലക്കപൊടിയും ഇട്ട് ഇളക്കിയെടുക്കുക. തേങ്ങക്കു പകരം മാങ്ങകൂട്ട് ഇട്ടു പുട്ട് ഉണ്ടാക്കാം.