ഇറയുടെ പൂൾ പാ‍‍‍ര്‍ട്ടി; മകളുടെ പിറന്നാളാഘോഷത്തിനായി ഒന്നിച്ച് ആമിര്‍ ഖാനും ആദ്യ ഭാര്യയും, വൈറലായി ചിത്രങ്ങൾ

സ്വിം സ്യൂട്ടണിഞ്ഞ് സ്വിമ്മിങ് പൂളിനരികെ നടത്തിയ പൂൾ പാ‍ർട്ടിയിൽ കുടുംബാംഗങ്ങളെ കൂടാതെ കാമുകൻ നുപുറും മറ്റ് സുഹൃത്തുക്കളും ഇറയുടെ ഒപ്പമുണ്ടായിരുന്നു. കേക്ക് മുറിക്കുന്നതിനിടെ പിറകിലായി ആമിറിനെയും റീനയെയും ചിത്രങ്ങളിൽ കാണാം. ആമിറിന്‍റേയും രണ്ടാം ഭാര്യ കിരൺ റാവുവിന്‍റേയും മകൻ ആസാദ് റാവുവും ഒപ്പമുണ്ട്.

ഫിറ്റ്നസ് പരിശീലകനും കാമുകനുമായ നൂപുർ ശിഖരേ, ആമിറിന്‍റെ രണ്ടാം ഭാര്യയും സംവിധായികയുമായ കിരൺ റാവു, മറ്റ് സുഹൃത്തുക്കള്‍ എന്നിവരും ബെര്‍ത്ത് ഡേ ആഘോഷത്തിനായെത്തിയിരുന്നു. ആഘോഷ ചിത്രങ്ങൾ ഇറ തന്നെയാണ് ഇൻസ്റ്റഗ്രാമിലൂടെ പങ്കുവെച്ചിരിക്കുന്നത്.

പൂൾ പാർട്ടിയായതിനാൽ തന്നെ ബിക്കിനിയണിഞ്ഞാണ് ഇറ ചിത്രങ്ങളിലുള്ളത്. സോഷ്യൽമീഡിയയിൽ നിരവധി പേർ ഇറയുടെ ചിത്രങ്ങൾക്ക് താഴെ ആശംസകളുമായി എത്തിയിട്ടുണ്ടെങ്കിലും വിമർശിച്ചും ചിലർ എത്തിയിട്ടുമുണ്ട്.

സ്വന്തം അച്ഛന്‍റെ സാന്നിധ്യത്തിൽ ഇങ്ങനെ ബിക്കിനി ധരിച്ച് നിൽക്കുന്നത് സഭ്യമാണോ എന്നൊക്കെ ചിലർ സോഷ്യൽമീഡിയയിൽ കമന്‍റുകളുമായി എത്തിയിട്ടുണ്ട്. എന്നാൽ അവള്‍ അവ‍ർക്കുമുന്നിൽ അത്രയും കംഫർട്ടായതിനാലാണ് അതെന്നും അവള്‍ എന്ത് ധരിക്കണമെന്നത് അവളുടെ തിരഞ്ഞെടുപ്പാണെന്നും ഇതിന് ചിലര്‍ മറുപടിയുമായി എത്തിയിട്ടുമുണ്ട്.

ആമിർ ഖാന്‍റെ മകളുടെ ഹിജാബ് എവിടെ എന്നും ചിലര്‍ കമന്‍റുകളുമായി എത്തിയിട്ടുണ്ട്. അവള്‍ 25 വയസ്സുള്ളൊരു സ്ത്രീയാണെന്നും സ്വതന്ത്രമായ ചിന്താഗതിയുള്ളൊരു സ്ത്രീ എന്ത് ധരിക്കണെന്ന് നിശ്ചയിക്കുന്നത് അവളുടെ അച്ഛനോ സമൂഹമോ അല്ലെന്നും നടി സോന മഹാപത്ര സോഷ്യൽമീഡിയയിൽ കുറിച്ചിട്ടുണ്ട്.