അയ്യപ്പനും കോശിയും
സച്ചി അവസാനം സംവിധാനം ചെയ്ത ചിത്രമായിരുന്നു അയ്യപ്പനും കോശിയും. പൃഥ്വിരാജും ബിജു മേനോനും പ്രധാന വേഷങ്ങളിലെത്തിയ ചിത്രം വന്‍ വിജയമായി മാറി. വാണിജ്യ സിനിമയായിരിക്കുമ്പോള്‍ തന്നെ രാഷ്ട്രീയമായ ശരിയാകാന്‍ ശ്രമിച്ച സിനിമയായിരുന്നു അയ്യപ്പനും കോശിയും.
Also Read: മോഷണം പോയ അനാര്‍ക്കലിയുടെ തിരക്കഥ; ജീവിതത്തിലും നിറഞ്ഞ നാടകീയത
നോട്ടമിട്ട് മറ്റ് ഭാഷകളും
അയ്യപ്പനും കോശിയും വലിയ വിജയമായതോടെ സിനിമയിലേക്ക് നോട്ടമിട്ട് മറ്റ് ഭാഷകളിലെ നിര്‍മ്മാതാക്കളുമെത്തി. തമിഴ് സിനിമയിലേക്ക് റീമേക്ക് ചെയ്യുമെന്നായിരുന്നു ആദ്യ വാര്‍ത്ത. പിന്നാലെ അത് തെലുങ്കിലേക്കും ഒടുവില്‍ ഹിന്ദിയിലേക്കുമെത്തി.
തകര്‍ന്നു പോയെന്ന് ജോണ്‍
ഹിന്ദിയില്‍ അയ്യപ്പനും കോശിയും എന്ന ചിത്രത്തിന്റെ റീമേക്ക് അവകാശം സ്വന്തമാക്കിയത് ജോണ്‍ എബ്രഹാമായിരുന്നു. കേരളത്തില്‍ വേരുകളുള്ള വ്യക്തി കൂടിയാണ് ജോണ്‍. സച്ചി മരിച്ചെന്ന വാര്‍ത്ത കേട്ട് താന്‍ തകര്‍ന്നു പോയെന്നായിരുന്നു ജോണ്‍ ട്വീറ്റ് ചെയ്തത്.
Also Read: 'എനിക്ക്‌ ജീവിതം തിരിച്ച്‌ തന്ന നീ വിടപറയുമ്പോൾ വാക്കുകൾ മുറിയുന്നു'; കണ്ഠമിടറി ദിലീപ്, അകാലത്തിൽ അണഞ്ഞ പ്രതിഭയെന്ന് മമ്മൂട്ടി!
വലിയ പ്രതിഭ
ഇത്ര വലിയൊരു പ്രതിഭയുടെ വിയോഗത്തില്‍ താന്‍ തകര്‍ന്നു പോയിരിക്കുന്നു. നിനക്ക് ആത്മശാന്തി നേരുന്നു സുഹൃത്തേ എന്നായിരുന്നു ജോണ്‍ എബ്രഹാമിന്റെ ട്വീറ്റ്. നേരത്തെ ബിജു മേനോന്‍, പൃഥ്വിരാജ് എന്നിവരും സച്ചിയ്ക്ക് ആദരാഞ്ജലി അര്‍പ്പിച്ചു കൊണ്ട് എത്തിയിരുന്നു.