ഓം ശാന്തി ഓം ഉൾപ്പെടെയുള്ള സിനിമകളിൽ അഭിനയിച്ച നടനെ ഹോട്ടൽ മുറിയിൽ മരിച്ച നിലയിൽ കണ്ടെത്തി

സിനിമ - സീരിയൽ നടൻ നിതേഷ് പാണ്ഡെ (51) അന്തരിച്ചു. താരത്തെ ഹോട്ടൽ മുറിയിൽ മരിച്ച നിലയിൽ കണ്ടെത്തുകയായിരുന്നു. ഷൂട്ടിങിനായി മഹാരാഷ്ട്രയിൽ നാസിക്കിലെ ഇഗ്താപൂരിൽ എത്തിയപ്പോഴായിരുന്നു നടന്റെ അപ്രത്യക്ഷ വിയോഗം. ഹൃദയാഘാതമാണ് മരണ കാരണമെന്നാണ് പ്രാഥമിക നിഗമനം. പൊലീസ് ഉദ്യോഗസ്ഥർ സംഭവസ്ഥലത്തെ ഇൻക്വസ്റ്റ് നടപടികൾ പൂർത്തിയാക്കുകയാണ്. ഹോട്ടൽ ജീവനക്കാരെയും പൊലീസ് ചോദ്യം ചെയ്യും. Also Read:
‌‌ഇത് സിനിമയുടെ ഉത്സവമാണെന്ന കാര്യം ആളുകൾ പലപ്പോഴും മറന്നു പോകുന്നു; കാൻസ് ഫിലിം ഫെസ്റ്റിവലിനേക്കുറിച്ച് നന്ദിത ദാസ്
ടെലിവിഷൻ പ്രേക്ഷകർക്കും വളരെ സുപരിചിതനാണ് നിതേഷ്. 1998 ൽ അശ്വിനി കൽസേക്കറിനെ അദ്ദേഹം ആദ്യം വിവാഹം കഴിച്ചു. എന്നാൽ 2002 ൽ ഇരുവരും വേർപിരിഞ്ഞു. പിന്നീട് സീരിയൽ താരം അർപിതയെ വിവാഹം ചെയ്തു. നാടക രംഗത്തിലൂടെയായിരുന്നു നിതേഷ് അഭിനയരംഗത്തേക്ക് വരുന്നത്. പിന്നീട് സിനിമ സീരിയൽ രംഗത്ത് സജീവമാവുകയായിരുന്നു. ഷാരൂഖ് ഖാൻ നായകനായെത്തിയ ഓം ശാന്തി ഓം എന്ന ചിത്രത്തിലും അഭിനയിച്ചിരുന്നു.


ബദായി ഹോ, ശാദി കെ സൈഡ് എഫ്ക്ട്സ്, രാഗൂൺ, ഹോസ്‌ല കാ ഘോസ്‌ല എന്നിവയാണ് അദ്ദേഹത്തിന്റെ ശ്രദ്ധേയ ചിത്രങ്ങൾ. 90 കളിൽ നാടക നടനായി കരിയർ തുടങ്ങിയ പാണ്ഡെ പിന്നീട് അസ്തിത്വ... ഏക് പ്രേം കഹാനി, മാൻസിലീൻ അപ്പാനി അപ്പാനി, സായ, ദുർഗേഷ് നന്ദിനി, ജസ്താജു എന്നിവയുൾപ്പെടെ നിരവധി ടെലിവിഷൻ പരമ്പരകളിൽ അദ്ദേഹം അഭിനയിച്ചിരുന്നു.

ഏറ്റവും ഒടുവിൽ അനുപമയിലാണ് അദ്ദേഹം പ്രത്യക്ഷപ്പെട്ടത്. ഓം ശാന്തി ഓം, ദബാങ് 2, ഖോസല ഗോ ഘോസല എന്നീ ചിത്രങ്ങളിലെ താരത്തിന്റെ അഭിനയം ഏറെ ശ്രദ്ധിക്കപ്പെട്ടിരുന്നു. താരത്തിന്റെ വിയോഗ വാർത്ത ബോളിവുഡ് സിനിമ മേഖലയെ ഒന്നടങ്കം ഞെട്ടിച്ചിരിക്കുകയാണ്.

Read Latest Malayalam Movie News undefinedAnd Malayalam News