ട്വിറ്ററിലൂടെ ഇടപെടലുമായി താരം
തന്നോട് ഒരോ ആവശ്യത്തിനായി ബന്ധപ്പെടുന്ന ആളുകള്ക്ക് മറുപടി നല്കുന്നതിലും സോനു മടി കാണിക്കുന്നില്ല. ട്വീറ്റുകള്ക്കും മറ്റും താരം വ്യക്തമായി മറുപടി നല്കുന്നുണ്ട്. തമാശകളെ അങ്ങനെയും താരം നേരിടുന്നുണ്ട്.
റിയല് ഹീറോ
ട്വിറ്റര് ഹീറോ, ഇന്ത്യയുടെ റിയല് ഹീറോ, ഹോം മിനിസ്റ്റര് തുടങ്ങി സോനുവിന് ധാരാളം പദവികളും ഇതിനോടകം തന്നെ സോഷ്യല് മീഡിയ നല്കിക്കഴിഞ്ഞു. ഇപ്പോഴിതാ താരത്തെ തേടി രസകരമായ മറ്റൊരു പദവി കൂടി എത്തിയിരിക്കുകയാണ്. അടുത്ത അമിതാഭ് ബച്ചനെന്നാണ് സോനുവിന് ട്വിറ്റര് നല്കിയിരിക്കുന്ന പുതിയ പദവി.
ബച്ചന് ശേഷം ഇനി സോനു
ഇനി മുതല് സോനുവിന് ഞായറാഴ്ചകളില് ലീവെടുക്കേണ്ടി വരുമെന്നും തന്നെ കാണാനായി വീടിന് മുന്നിലെത്തുന്നവരെ കാണേണ്ടി വരുമെന്നാണ് സോഷ്യല് മീഡിയ പറയുന്നത്. എല്ലാ ഞായറാഴ്ചയും ബച്ചന്റെ വീട്ടിന് മുന്നിലെ കാഴ്ച ഇനി സോനുവിന്റെ വീട്ടിന്റെ മുന്നിലും കാണാമെന്ന് അവര് പറയുന്നു.
കെെയ്യടി നേടിയ മറുപടി
ഈ ട്വീറ്റിന് രസകരമായ മറുപടിയും നല്കിയിരിക്കുകയാണ് സോനു. അവരെന്തിനാണ് എന്റെ വീട്ടിലേക്ക് വരുന്നത്. ഞാന് അവരുടെ അടുത്തേക്ക് ചെല്ലുമെന്നായിരുന്നു താരത്തിന്റെ മറുപടി. അവരോടെല്ലാം താന് ഒരുപാട് കടപ്പെട്ടിട്ടുണ്ടെന്നും താരം പറഞ്ഞു. സോനുവിന്റെ മറുപടിയും കെെയ്യടി നേടുകയാണ്.
എല്ലാവരും വീട്ടിലെത്തുന്നത് വരെ ഞാന് റോഡില് തന്നെ
ജനങ്ങളെ അവരുടെ വീട്ടിലേക്ക് എത്തിക്കുമ്പോള് തനിക്ക് സന്തോഷം തോന്നുമെന്നും ആത്മസംതൃപ്തി ലഭിക്കുമെന്നാണ് സോനു പറയുന്നത്. എല്ലാവരും വീട്ടിലെത്തുന്നത് വരെ ഞാന് റോഡില് തന്നെയുണ്ടാകുമെന്നും അതിന് വേണ്ടി എത്ര കഠിനാധ്വാനം ചെയ്യാനും തയ്യാറാണെന്നും സോനു പറയുന്നു. തനിക്ക് ധാരാളം കോളും മെസേജുകളും വരുന്നുണ്ടെന്നും അതിനെല്ലാം മറുപടി നല്കുന്നുണ്ടെന്നും താരം പറയുന്നു.