Also Read: കാര്‍ത്തിക നായരുടെ വെെദ്യുതി ബില്‍ ഒരു ലക്ഷം; ബില്‍ കണ്ട് 'ഷോക്കടിച്ച്' താരം
ഏഴ് സിനിമകളായിരുന്നു പ്രഖ്യാപിക്കാനിരുന്നത്
സൂപ്പര്‍ താരങ്ങളുടെ സിനിമകള്‍ക്കിടയില്‍ തന്റെ സിനിമയെ തഴഞ്ഞതിനെതിരെയാണ് വിദ്യുത് രംഗത്ത് എത്തിയത്. ഏഴ് സിനിമകളായിരുന്നു ഡിസ്നി പ്ലസ് പ്രഖ്യാപിക്കാനിരുന്നത്. എന്നാല്‍ അഞ്ച് സിനിമകളെ മാത്രമെ പരസ്യത്തില്‍ ഉള്‍പ്പെടുത്തിയുള്ളൂ.
രണ്ട് സിനിമകള്‍ തഴയപ്പെട്ടു
വലിയ അറിയിപ്പാണ്. ഏഴ് സിനിമകളാണ് റിലീസ് ചെയ്യാന്‍ ഷെഡ്യൂള്‍ ചെയ്തിരുന്നത്. പക്ഷെ അഞ്ചെണ്ണത്തിന് മാത്രമെ പ്രഖ്യാപനത്തിന് അര്‍ഹതയുള്ളൂ. രണ്ട് സിനിമകള്‍ക്ക് അറിയിപ്പോ ക്ഷണവുമില്ല. ഈ സെെക്കിള്‍ തുടരുകയാണ് എന്നായിരുന്നു വിദ്യുതിന്റെ ട്വീറ്റ്.
താരങ്ങളേയും ക്ഷണിച്ചില്ല
വിദ്യുതിന്റെ ഖുദാ ഹാഫിസ്, കൂണാല്‍ കേമുവിന്റെ ലൂട്ട്കേസ് എന്നീ ചിത്രങ്ങളും റിലീസിനുണ്ടായിരുന്നു. എന്നാല്‍ ഈ ചിത്രങ്ങളെ പരസ്യത്തില്‍ നിന്നും തഴഞ്ഞു, താരങ്ങളെ പ്രഖ്യാപനത്തിനായി ക്ഷണിക്കുകയും ചെയ്തു.
Also Read: ഷാജി പട്ടിക്കരയാണ് തൻ്റെ നമ്പർ കൊടുത്തത്; മിയയുടെയും നമ്പർ ആവശ്യപ്പെട്ടു!; ധർമ്മജൻ
സൂപ്പർ താരങ്ങള്‍ മാത്രം
അക്ഷയ് കുമാറിന്റെ ലക്ഷ്മി ബോംബ്, അജയ് ദേവ്ഗണിന്റെ ഭൂജ്, ആലിയ ഭട്ടിന്റെ സഡക്ക് 2, അഭിഷേക് ബച്ചന്റെ ബിഗ് ബുള്‍ എന്നീ ചിത്രങ്ങളാണ് പരസ്യത്തിലിടം നേടിയത്. ഇവരെ പ്രഖ്യാപന വീഡിയോയിലും ഉള്‍പ്പെടുത്തിയിട്ടുണ്ട്.
പ്രതികരിച്ച് കുണാലും
പിന്നാലെ പരോക്ഷമായി പ്രതികരിച്ച് കുണാലും രംഗത്ത് എത്തി. ബഹുമാനവും സ്നേഹവും ചോദിച്ച് വാങ്ങുകയല്ല നേടുകയാണ് വേണ്ടത്. നല്‍കിയില്ലെങ്കില്‍ പിടിച്ചു പറിക്കാനാകില്ല. പക്ഷെ കളിക്കാന്‍ മെെതാനം എല്ലാവര്‍ക്കും തുല്യമായി നല്‍കണം. ഞങ്ങളും ഉയര്‍ന്നു ചാടുമെന്നായിരുന്നു കുണാലിന്റെ ട്വീറ്റ്.