ഐശ്വര്യയുടെയുടെ മകളുടേയും കൊവിഡ് പരിശോധന ഫലം നെഗറ്റീവ്

മുംബൈ : ബോളിവുഡ് നടി ഐശ്വര്യറായുടേയും മകള്‍ ആരാധ്യയുടേയും കൊറോണ പരിശോധന ഫലം നെഗറ്റീവ് ആയി. ഇരുവരുടെയും പരിശോധന ഫലങ്ങള്‍ നെഗറ്റീവ് ആയതായി മുംബൈ നാനാവതി ആശുപത്രി വൃത്തങ്ങള്‍ അറിയിച്ചു. ഐശ്വര്യയുടെ ഭര്‍ത്താവും നടനുമായ അഭിഷേക് തന്നെയാണ് ഇക്കാര്യം ട്വിറ്ററിലൂടെ അറിയിച്ചിരിക്കുന്നത്. രോഗമുക്തി നേടിയതിനെ തുടര്‍ന്ന് ഇരുവരെയും ആശുപത്രിയില്‍ നിന്നും ഡിസ്ചാര്‍ജ് ചെയ്തിട്ടുമുണ്ട്.

Also Read: നിങ്ങള്‍ ഓസ്കാര്‍ നേടി, അത് മരണ ചുംബനമാണ് ബോളിവുഡില്‍; റഹ്മാന് പിന്തുണയുമായി ശേഖര്‍ കപൂര്‍

രോഗമുക്തി നേടിയെങ്കിലും വീട്ടില്‍ നിരീക്ഷണത്തില്‍ കഴിയണമെന്നാണ് ഇരുവര്‍ക്കും ആശുപത്രിയിൽ നിന്ന് നല്‍കിയിരിക്കുന്ന നിര്‍ദ്ദേശം.ജൂലൈ 12 നാണ് ഐശ്വര്യ റായ്ക്കും മകള്‍ ആരാധ്യക്കും കൊറോണ പരിശോധന ഫലം പോസിറ്റീവായതോടെ രോഗം സ്ഥിരീകരിച്ചിരുന്നത്. തുടര്‍ന്ന് വീട്ടില്‍ നിരീക്ഷണത്തില്‍ കഴിയുകയായിരുന്നു. പിന്നീട് ഇരുവരെയും 17-ാം തിയതി നാനാവതി ആശുപത്രിയിലേക്ക് മാറ്റിയിരുന്നു. ആശുപത്രിയില്‍ ചികിത്സയില്‍ തുടരുകയായിരുന്നു ഇരുവരും.

Also Read: 'കുറ്റക്കാരനായി ഫ്രെയിം ചെയ്യാന്‍ ഉദ്ദേശിച്ചിരുന്നില്ല'; വേദനിപ്പിച്ചിട്ടുണ്ടെങ്കില്‍ ക്ഷമ ചോദിക്കുന്നുവെന്ന് അഹാന

ജൂലൈ 11നായിരുന്നു അമിതാഭ് ബച്ചനും മകൻ അഭിഷേകിനും കൊവിഡ് പോസിറ്റീവ് ആയിരുന്നത്.
ഇരുവരും ഇപ്പോഴും ആശുപത്രിയില്‍ തുടരുകയാണ്. ആരോഗ്യപ്രവര്‍ത്തകരുടെ സുരക്ഷിത കരങ്ങളിലാണ് തങ്ങളെന്നും ഏവരുടേയും പ്രാര്‍ത്ഥനയ്ക്കും മറ്റും നന്ദിയെന്നും അഭിഷേക് ട്വിറ്ററിൽ കുറിച്ചിരിക്കുകയാണ്.

Also Watch :