'ആണ്‍കുട്ടികള്‍ക്ക് ജന്മം നല്‍കുന്നത് പ്രിവിലേജ് അല്ല'; ആണ്‍മക്കളെ വളര്‍ത്തുന്നതിനെ കുറിച്ച് അനുഷ്ക

നമ്മുടെ സമൂഹത്തില്‍ ഒരു ആണ്‍കുട്ടിയുണ്ടാകുന്നത് പ്രിവിലേജായാണ് കണക്കാക്കുന്നത്. ഒരു പെണ്‍കുട്ടിയുണ്ടാകുന്നതിനേക്കാള്‍ പ്രിവിലേജ് അതിന് ഇല്ലെങ്കില്‍ പോലും. പ്രിവിലേജിനെ തെറ്റായാണ് കാണുന്നതെന്നും അത് ഇടുങ്ങിയ ചിന്താഗതിയാണെന്നും അനുഷ്ക പറഞ്ഞു.

യഥാര്‍ത്ഥ പ്രിവിലേജ് പെണ്‍കുട്ടികളെ ബഹുമാനിക്കാന്‍ ആണ്‍കുട്ടികളെ പഠിപ്പിക്കുന്നതിലാണ്. ഒരു രക്ഷിതാവെന്ന നിലയില്‍ സമൂഹത്തോടുള്ള ഉത്തരവാദിത്തമാണത്. അതിനാല്‍ അതിനെയൊരു പ്രിവിലേജായി കാണേണ്ടതില്ലെന്നും അനുഷ്ക പറഞ്ഞു.

കുട്ടികളുടെ ജെന്റര്‍ നിങ്ങളെ പ്രിവിലേജുള്ളവരാക്കില്ലെന്നും പക്ഷെ സ്ത്രീകള്‍ക്ക് സുരക്ഷിതത്വം അനുഭവപ്പെടുന്ന തരത്തില്‍ ആണ്‍കുട്ടികളെ വളര്‍ത്തുക എന്ന സമൂഹത്തോടുള്ള ഉത്തരവാദിത്തമാണ് വേണ്ടതെന്നും അനുഷ്ക പറഞ്ഞു. നേരത്തെ ഹാഥ്രാസിലേയും ബര്‍റാംപൂരിലേയും പീഡനങ്ങള്‍ക്കെതിരേയും അനുഷ്ക പ്രതികരണവുമായി രംഗത്ത് എത്തിയിരുന്നു.

ഏത് ലോകത്താണ് ഇത്തരം പിശാചുകള്‍ ഉള്ളതെന്നായിരുന്നു അനുഷ്കയുടെ പ്രതികരണം. ഇത്തരക്കാര്‍ക്ക് യാതൊരു ഭയവും ഇല്ലെന്നും സമൂഹമെന്ന നിലയില്‍ ഇത്തരക്കാരില്‍ എങ്ങനെയാണ് നാം ഭയം ജനിപ്പിക്കുകയെന്നും അനുഷ്ക ചോദിച്ചു. പീഡകര്‍ക്ക് യാതൊരു ദയയുമില്ലെന്നും അനുഷ്ക പറഞ്ഞു.