Also Read: മൃഗത്തെ പോലെ മര്‍ദ്ദിച്ചു, മരിക്കുമെന്ന് കരുതി, പോലീസിനെ വിളിച്ചത് ഹോട്ടല്‍ ജീവനക്കാര്‍; ഭര്‍ത്താവിനെതിരെ പൂനം പാണ്ഡെ
മുംബെെയിലെത്തി
ഗോവയില്‍ സിനിമയുടെ ചിത്രീകരണത്തിലായിരുന്നു ദീപിക. എന്‍സിബിയുടെ സമന്‍സ് ലഭിച്ചതോടെ മുംബെെയിലേക്ക് മടങ്ങുകയായിരുന്നു. വ്യാഴാഴ്ച രാത്രിയോടെയാണ് ദീപിക മുംബെെയിലെത്തിയത്. രാത്രി ഒമ്പതേകാലോടെയായിരുന്നു മുംബെെയിലെത്തിയത്. ഭര്‍ത്താവും നടനുമായ രണ്‍വീര്‍ സിങ്ങും ദീപികയുടെ ഒപ്പമുണ്ടായിരുന്നു.
ട്രെന്റായി രണ്‍വീർ സിങ്
എയര്‍പോര്‍ട്ടില്‍ നിന്നും പുറത്തേക്ക് വരുന്ന ദീപികയുടേയും രണ്‍വീറിന്റേയും ചിത്രങ്ങള്‍ ഇപ്പോള്‍ സോഷ്യല്‍ മീഡിയയില്‍ വെെറലാവുകയാണ്. ഒപ്പം രണ്‍വീര്‍ സിങ് എന്ന ഹാഷ്ടാഗും വെെറലാകുന്നുണ്ട്. ഭാര്യയുടെ കൂടെ നില്‍ക്കുന്ന രണ്‍വീര്‍ ഭര്‍ത്താക്കന്മാര്‍ക്ക് മാതൃകയാണെന്നാണ് സോഷ്യല്‍ മീഡിയ പറയുന്നത്.
ദീപികയോടൊപ്പം
അതേസമയം, ചോദ്യം ചെയ്യലിന് ദീപികയോടൊപ്പം ഇരിക്കാന്‍ അനുവദിക്കണമെന്ന് ആവശ്യപ്പെട്ടു കൊണ്ട് രണ്‍വീര്‍ എന്‍സിബിയ്ക്ക് കത്ത് നല്‍കിയിട്ടുണ്ട്. ദീപികയ്ക്ക് ആംഗ്സെെറ്റിയുണ്ടെന്നും പാനിക് അറ്റാക്ക് ഉണ്ടാകാന്‍ സാധ്യതയുണ്ടെന്നുമാണ് രണ്‍വീര്‍ പറയുന്നത്. താന്‍ നിയമം അനുസരിക്കുന്ന പൗരനാണ്. പക്ഷെ ദീപികയുടെ സാഹചര്യം മനസിലാക്കണമെന്നും രണ്‍വീര്‍ പറയുന്നു.
Also Read: രേവതിക്കും റിമയ്ക്കും പാർവതിക്കും ആഷിഖിനുമെതിരെ പരാതിയുമായി ദിലീപ്
മാനേജരെ ഇന്ന് ചോദ്യം ചെയ്യും
ദീപികയുടെ മാനേജരായ കരിഷ്മ പ്രകാശിനെ ഇന്ന് ചോദ്യം ചെയ്യും. രാകുല്‍ പ്രീത് ചോദ്യം ചെയ്യലിനായി എന്‍സിബി ഓഫീസിലെത്തിയിട്ടുണ്ട്. നടന്‍ സുശാന്ത് സിങ് രജ്പുത്തിന്റെ മരണത്തിന് പിന്നാലെ ആരംഭിച്ച മയക്കുമരുന്ന് കേസിലാണ് താരങ്ങളെ ചോദ്യം ചെയ്യുന്നത്.