രാജ്യദ്രോഹക്കേസിൽ കങ്കണയ്‍ക്കെതിരെ മുംബൈ പോലീസ് സമൻസ് അയച്ചു

രാജ്യദ്രോഹക്കേസില്‍ ബോളിവുഡ് താരം കങ്കണ റണൗട്ടിനും സഹോദരി രംഗോലി ചണ്ഡേലിനും മുംബൈ പോലീസ് സമന്‍സയച്ച്‌ അയച്ചു . ഈ മാസം 26, 27 തീയതികളില്‍ ഇരുവരും ചോദ്യംചെയ്യലിന് ഹാജരാകണമെന്നാണ് സമൻസിലുള്ളത്. എഎൻഐയാണ് ഇത് റിപ്പോര്‍ട്ട് ചെയ്തിരിക്കുന്നത്.

Also Read: കുട്ടികളുടെ ജന്മദിനം ആഘോഷിക്കാൻ കഴിഞ്ഞു; വികാരഭരിതനായി സഞ്ജയ് ദത്ത്

സോഷ്യൽമീഡിയയിലൂടേയും മറ്റും ബോളിവുഡിനെ അപകീര്‍ത്തിപ്പെടുത്താനും താരങ്ങൾക്കിടയിൽ വര്‍ഗീയ വിഭജനമുണ്ടാക്കാനും നടി കങ്കണ ശ്രമിക്കുന്നുവെന്ന് ആരോപിച്ച്‌ ഒരു കാസ്റ്റിങ് ഡയറക്ടര്‍ മുബൈ മജിസ്ട്രേറ്റ് കോടതിയിൽ ഹര്‍ജി നൽകിയിരുന്നു. ഈ ഹര്‍ജി പരിഗണിച്ച ശേഷം കോടതി ഈ വിഷയത്തില്‍ വിശദമായ അന്വേഷണം നടത്തണമെന്ന് നിര്‍ദേശിച്ചിരുന്നു.

Also Read: കോമഡിയും പ്രണയവും ഇഴചേർന്ന "കോമഡി കപ്പിൾ"

നടൻ സുശാന്ത് സിങ് രജ്പുത്തിന്‍റെ മരണവുമായി ബന്ധപ്പെട്ട് കങ്കണ നടത്തിയ ചില ട്വീറ്റുകളുടെ പേരില്‍ നടിയും മഹാരാഷ്ട്രയിലെ ഭരണ കക്ഷിയായ ശിവസേനയും തമ്മില്‍ മുമ്പ് ഇടഞ്ഞിരുന്നു. ഇതിനിടെ നടിയുടെ മുംബൈയിലെ ഓഫീസ് മുംബൈ കോര്‍പറേഷൻ പൊളിക്കുകയുണ്ടായി. മുംബൈ നഗരസഭക്കെതിരേ രണ്ട് കോടി നഷ്ടപരിഹാരം ആവശ്യപ്പെട്ടും കങ്കണ രംഗത്തെത്തിയിരുന്നു.
കഴിഞ്ഞ മാസം മുംബൈ വിട്ട് കങ്കണ ജന്മദേശമായ മണാലിയിലേക്ക് മാറിയിരുന്നു. കങ്കണയെ മുൻനിര്‍ത്തി ബിജെപിയാണ് എല്ലാ കരുക്കളും നീക്കുന്നതെന്നാണ് ശിവസേനയുടെ വാദം.

Also Watch :