ഇന്ദിരാ ഗാന്ധിയാകാന്‍ കങ്കണ; പുതിയ ചിത്രം പ്രഖ്യാപിച്ച് താരം

മുന്‍ പ്രധാനമന്ത്രി ഇന്ദിരാ ഗാന്ധിയാകാന്‍ തയ്യാറെടുത്ത് കങ്കണ റണാവത്. പേരിടാത്ത ചിത്രം ഒരു ബയോപിക് ആയിരിക്കില്ലെന്നും കങ്കണ പറയുന്നു. പ്രമുഖ താരങ്ങള്‍ ചിത്രത്തില്‍ അണിനിരക്കുമെന്നാണ് താരം പറയുന്നത്. ട്വിറ്ററിലൂടെയാണ് കങ്കണ പുതിയ സിനിമയുടെ പ്രഖ്യാപനം നടത്തിയിരിക്കുന്നത്. ചിത്രത്തിന്റെ തിരക്കഥ അവസാന ഘട്ടത്തിലാണെന്നും കങ്കണ അറിയിച്ചു.

Also Read: ആന്‍ഡ്രോയ്ഡ് കുഞ്ഞപ്പന്‍ ഇനി തമിഴ് പേസും, 'ഗൂഗിള്‍ കുട്ടപ്പനി'ൽ വൃദ്ധനാകാൻ കെ.എസ്. രവികുമാര്‍!

ഇന്ദിരാ ഗാന്ധിയുടെ ജീവിത കഥയല്ലെന്നും വിശാലമായൊരു പീരിയഡ് സിനിമയായിരിക്കും ഇതെന്നുമാണ് കങ്കണ പറയുന്നു. ഇന്ത്യയുടെ സാമൂഹിക-രാഷ്ട്രീയ പശ്ചാത്തലം എന്താണെന്ന് പുതു തലമുറയെ ബോധ്യപ്പെടുത്തുകയാണ് ചിത്രത്തിലൂടെ ലക്ഷ്യമിടുന്നതെന്നും കങ്കണ പറഞ്ഞു. സഞ്ജയ് ഗാന്ധി, രാജീവ് ഗാന്ധി, മൊറാജി ദേശായി, ലാല്‍ ബഹദൂര്‍ ശാസ്ത്രി തുടങ്ങിയവരും ചിത്രത്തില്‍ അവതരിപ്പിക്കപ്പെടുമെന്നും കങ്കണ വ്യക്തമാക്കി.

Also Read: 'ഒരുമിച്ച് മുന്നോട്ട് പോകാൻ കഴിയാത്ത സാഹചര്യം' വേർപിരിയൽ വാർത്ത ശരിവച്ച് താരം!

ചിത്രം ഒരു പുസ്തകത്തെ ആസ്പദമാക്കിയുള്ളതാണെന്ന് പറഞ്ഞ കങ്കണ പുസ്തകത്തിന്റെ പേര് വെളിപ്പെടുത്താന്‍ കൂട്ടാക്കിയില്ല. കങ്കണയുടെ റിവോള്‍വര്‍ റാണി സംവിധാനം ചെയ്ത സായ് കബീറായിരിക്കും ചിത്രത്തിന്റെ തിരക്കഥയും സംഭാഷണവും സംവിധാനവും നിര്‍വ്വഹിക്കുന്നത്. കങ്കണ തന്നെയാണ് സിനിമയുടെ നിര്‍മ്മാണം. തന്റെ കരിയറിന്റെ തുടക്കകാലത്ത് നടത്തിയ ഇന്ദിര ഗാന്ധിയെ ആസ്പദമാക്കിയുള്ള ഫോട്ടോഷൂട്ടില്‍ നിന്നുമുള്ള ചിത്രവും കങ്കണ പങ്കുവച്ചിട്ടുണ്ട്.