ബോളിവുഡിൽ അരങ്ങേറാൻ പൂര്‍ണിമ; ആദ്യ ചിത്രം 'കോബാൾട്ട് ബ്ലൂ'

അടുത്തിടെ തായ്ഷ് എന്ന സിനിമയിൽ പാടിക്കൊണ്ട് മകൾ പ്രാർ‍ത്ഥന ഇന്ദ്രജിത്ത് ബോളിവുഡിൽ അരങ്ങേറിയതിന് പിന്നാലെ അഭിനയത്തിൽ ബോളിവുഡിൽ അരങ്ങേറാൻ ഒരുങ്ങി പൂര്‍ണിമ ഇന്ദ്രജിത്ത്. ദേശീയ ചലച്ചിത്ര പുരസ്‌കാര ജേതാവായ സച്ചിന്‍ കുന്ദല്‍ക്കര്‍ ഒരുക്കുന്ന ഹിന്ദി-ഇംഗ്ലിഷ് സിനിമയായ 'കോബാൾട്ട് ബ്ലൂ'വിലൂടെയാണ് നടൻ ഇന്ദ്രജിത്തിന്‍റെ ഭാര്യയും നടിയുമായ പൂര്‍ണിമ ബോളിവുഡിൽ അരങ്ങേറുന്നത്.

Also Read: പ്രതീക്ഷകൾക്ക് വിരുദ്ധമായ ഒരുപാട് കാര്യങ്ങൾ ഉണ്ടായെങ്കിലും.. ചിത്രത്തിന് ഒപ്പം കല്യാണി പ്രിയദര്‍ശൻ!

സച്ചിൻ എഴുതിയ 'കോബാൾട്ട് ബ്ലൂ' എന്ന നോവലിനെ അധികരിച്ചാണ് സിനിമ ഒരുങ്ങുന്നത്. 2006ല്‍ മറാത്തി ഭാഷയിലാണ് ഈ നോവൽ പുറത്തിറങ്ങിയത്. പ്രതീക് ബബ്ബര്‍ ആണ് ചിത്രത്തിൽ നായകനാകുന്നത്. നീലയ്, അഞ്ജലി ശിവരാമന്‍, ഗീതാഞ്ജലി കുല്‍ക്കര്‍ണി തുടങ്ങിയ താരങ്ങളും ചിത്രത്തിൽ അഭിനയിക്കുന്നുണ്ട്. ഒരു വീട്ടിൽ കഴിയുന്ന രണ്ട് സഹോദരിമാരുടെ കഥയാണ് കോബാൾട്ട് ബ്ലൂ എന്ന നോവല്‍. അവരുടെ വീട്ടില്‍ പേയിങ് ഗസ്റ്റ് ആയി താമസിക്കാനെത്തുന്ന ഒരു യുവാവുമായി ഇരുവരും പ്രണയത്തിലാകുന്നതും തുടര്‍ന്നുള്ള സംഭവങ്ങളുമാണ് പ്രമേയം.

Also Read: ജയസൂര്യയില്ലെങ്കിൽ 'സണ്ണി' ഇല്ല; കൊവിഡ് കാലമാണ് പ്രമേയമെന്ന് രഞ്ജിത്ത് ശങ്കര്‍

ഓപ്പണ്‍ എയര്‍ ഫിലിംസ് നെറ്റ്ഫ്‌ളിക്‌സിനു വേണ്ടിയാണ് ഈ ചിത്രം നിര്‍മ്മിക്കുന്നത്. കൊച്ചിയില്‍ ഷൂട്ടിങ് പുരോഗമിക്കുന്ന സിനിമയുടെ സെറ്റിൽ നടന്ന ദീപാവലി ആഘോഷങ്ങളുടെ ചിത്രങ്ങളും പൂര്‍ണിമ സോഷ്യൽമീഡിയയിൽ പങ്കുവെച്ചിട്ടുണ്ട്. വിവാഹ ശേഷം അഭിനയത്തില്‍ നിന്ന് വിട്ട് പ്രാണ എന്ന വസ്ത്ര ബൊട്ടിക് നടത്തി സംരഭകയായി മാറിയ പൂര്‍ണിമ വര്‍ഷങ്ങള്‍ക്ക് ശേഷം വൈറസ് എന്ന സിനിമയിലൂടെയാണ് വീണ്ടും അഭിനയരംഗത്തേക്ക് മടങ്ങിയെത്തിയത്. നിവിന്‍ പോളി നായകനാകുന്ന തുറമുഖം എന്ന സിനിമയിലും പൂര്‍ണിമ അഭിനയിക്കുന്നുണ്ട്.