നീ ഒരു നിധിയാണ്!! ഓരോ നിമിഷവും സ്പെഷ്യൽ ആക്കിയതിന് നന്ദി പ്രിയങ്ക; നിക്കിന്റെ പിറന്നാളിന് സർപ്രൈസ് പാർട്ടിയൊരുക്കി താരം

നിക്കിന്റെ പിറന്നാൾ ആണിന്ന്. കുടുംബത്തിനൊപ്പം പിറന്നാൾ ആഘോഷിക്കുന്നതിന്റെ വീ‍ഡിയോ പ്രിയങ്കയും നിക്കും പങ്കുവച്ചിട്ടുണ്ട്. യുഎസിലെ അരിസോണയിൽ സർപ്രൈസ് ആയാണ് പ്രിയങ്ക നിക്കിന് പിറന്നാൾ പാർട്ടിയൊരുക്കിയത്. നിക്കിന്റെ മാതാപിതാക്കളായ പോൾ കെവിൻ ജോനാസും ഡെനീസ് മില്ലർ ജോനാസും എന്നിവരും ആഘോഷങ്ങളിൽ പങ്കെടത്തു. നിക്ക് ഒഴികെ ആഘോഷത്തിന് പങ്കെടുക്കാനെത്തിയവരെല്ലാം വെള്ള നിറത്തിലെ വസ്ത്രമാണ് ധരിച്ചിരുന്നത്. നിക്കിന്റെ കുട്ടിക്കാലം മുതലുള്ള ചിത്രങ്ങൾ കോർത്തിണക്കിയ ചെറിയ വീഡിയോയും പ്രദർശിപ്പിച്ചിട്ടുണ്ടായിരുന്നു.

പിറന്നാൾ ആഘോഷത്തിന് ശേഷം പ്രിയങ്കയോട് നന്ദി പറഞ്ഞു കൊണ്ടുള്ള കുറിപ്പും നിക്ക് പങ്കുവച്ചിട്ടുണ്ട്. എന്റെ ഏറ്റവും ഇഷ്ടപ്പെട്ട സ്ഥലത്ത് എനിക്കേറ്റവും പ്രിയപ്പെട്ടവർക്കൊപ്പം എന്റെ 30-ാം പിറന്നാൾ ഞാൻ ആഘോഷിച്ചു. നന്ദി പ്രിയങ്ക, ഓരോ നിമിഷവും സ്പെഷ്യൽ ആക്കിയതിന്. നീ ഒരു നിധിയാണ്. പിറന്നാൾ സ്നേഹം അറിയിച്ച എല്ലാവരോടും ഞാൻ നന്ദി പറയുന്നു- വീഡിയോ പങ്കുവച്ച് നിക്ക് കുറിച്ചു.

2017 ൽ ഒരു പുരസ്കാര വേദിയിൽ വച്ചായിരുന്നു പ്രിയങ്കയും നിക്കും പരസ്പരം പരിചയപ്പെട്ടത്. ഇതിന് ശേഷം ഇരുവരും തമ്മിൽ സൗഹൃദത്തിലാവുകയും പിന്നീട് പ്രണയത്തിലാവുകയുമായിരുന്നു. 2018 ലായിരുന്നു ഇരുവരുടേയും വിവാഹം. ഈ വർഷമാണ് വാടകഗർഭധാരണത്തിലൂടെ ഇവർക്ക് മാൽതി എന്ന് പേരിട്ടിരിക്കുന്ന മകൾ ജനിച്ചത്. 82. 3 മില്യണോളം ഫോളോവേഴ്സാണ് ഇൻസ്റ്റഗ്രാമിൽ പ്രിയങ്കയ്ക്കുള്ളത്.

Read Latest Movie News And Malayalam News

പ്രിയങ്കയും കുറിപ്പ് പങ്കുവച്ചിട്ടുണ്ട്. നിക്ക് ജോനാസിന്റെ പിറന്നാളാഘോഷം പൂർണമാക്കാൻ ആദ്യാവസാനം വരെ കൂടെ നിന്ന സുഹൃത്തുക്കളോടും ബന്ധുക്കളോടും നന്ദി പറയുകയാണ് പ്രിയങ്ക. എന്നാൽ ആഘോഷ പരിപാടിയിൽ താരദമ്പതികളുടെ മകൾ മാൽതിയെ കാണാത്തതിന്റെ പരിഭവവും ആരാധകർ പങ്കുവയ്ക്കുന്നുണ്ട്.