മധുരപതിനേഴിലെ ചിത്രം പങ്കുവച്ച് പ്രിയങ്ക; ഈ പെണ്‍കുട്ടിയെ ഓര്‍മ്മയുണ്ടെന്ന് ലാറ ദത്തയും ദിയ മിര്‍സയും

ബോളിവുഡും കടന്ന് ഹോളിവുഡിലെത്തി വിജയക്കൊടി പാറിച്ച നടിയാണ് പ്രിയങ്ക ചോപ്ര. മോഡലിങ്ങിലൂടെ സിനിമയിലെത്തിയ പ്രിയങ്ക നിരവധി പേരുടെ പ്രചോദനമാണ്. ഇപ്പോഴിതാ പ്രിയങ്ക പങ്കുവച്ച തന്റെ പഴയൊരു ചിത്രം സോഷ്യല്‍ മീഡിയയില്‍ വെെറലായി മാറിയിരിക്കുകയാണ്. മോഡലിങ് കാലത്തെ ചിത്രമാണ് പ്രിയങ്ക പങ്കുവച്ചിരിക്കുന്നത്. ഇന്നത്തെ പ്രിയങ്ക തന്നെയാണോ ഇതെന്ന് തോന്നും ചിത്രം കണ്ടാലെന്നാണ് സോഷ്യല്‍ മീഡിയ പറയുന്നത്.

Also Read: കാത്തിരിപ്പിനൊടുവില്‍ വിരുഷ്കയുടെ ആദ്യത്തെ കണ്‍മണിയുടെ ആദ്യ ചിത്രം; ആഘോഷമാക്കി ആരാധകലോകം

17-ാം വയസിലെ ചിത്രമാണ് പ്രിയങ്ക പങ്കുവച്ചത്. ലീന്‍, മീന്‍ ആന്റ് ഓള്‍ ഓഫ് 17 എന്നാണ് ചിത്രം പങ്കുവച്ചു കൊണ്ട് പ്രിയങ്ക കുറിച്ചിരിക്കുന്നത്. തന്റെ അനുഭവക്കുറിപ്പായ അണ്‍ഫിനിഷിന്റെ റിലീസിന് മുന്നോടിയായാണ് താരം പഴയ ചിത്രങ്ങളും ഓര്‍മ്മകളും പങ്കുവെക്കുന്നത്. കറുത്ത പാന്റ്സും ജാക്കറ്റുമാണ് ചിത്രത്തില്‍ പ്രിയങ്കയുടെ വേഷം. അന്നത്തെ പ്രിയങ്ക ഇന്ന് വല്ലാതെ മാറി പോയിട്ടുണ്ട്.

Also Read: 'തല ഇടിചു ചിതറി മരിച്ചേനെ,തലനാരിഴക്ക് രക്ഷപെട്ടു'; സാബുമോൻ്റെ വാക്കുകൾ! വീഡിയോ!

പ്രിയങ്കയുടെ പോസ്റ്റിന് കമന്റുമായി താരങ്ങളും ആരാധകരും ഓടിയെത്തി. ദിയ മിര്‍സ, ലാറ ദത്ത, കത്രീന കെെഫ്, ഹൃത്വിക് റോഷന്‍, പ്രിതീ സിന്റ, രാജ്കുമാര്‍ റാവു തുടങ്ങിയവര്‍ കമന്റ് ചെയ്തു. ഈ പെണ്‍കുട്ടിയെ ഓര്‍മ്മയുണ്ടെന്നയായിരുന്നു ദിയ മിര്‍സയും ലാറ ദത്തയും കമന്റ് ചെയ്തത്. ഇരുവരും മിസ് ഇന്ത്യ മത്സരത്തില്‍ പ്രിയങ്കയോടൊപ്പമുണ്ടായിരുന്നു. ലാറ ദത്ത മിസ് ഇന്ത്യ യൂണിവേഴ്സ് ആയപ്പോള്‍ പ്രിയങ്ക ഫസ്റ്റ് റണ്ണര്‍ അപ്പും ദിയ മിസ് ഇന്ത്യ ഏഷ്യ പസഫിക്കുമായിരുന്നു.